استفسار هام.. بخصوص لبس الاخرام ابو كباسين

يا جماعة الى يرد يكون فاهم جدااا لان الموضوع دا عملى مشكلة

انا مش فاضى خالص انزل اجيب لبس الاحرام بعت الوالد جبهالى احسن خامة هناك ب300 جنية

وتقيل وحلو اية المشكلة ...البشكير الى فوق فية كباسين
الى تحت فية حزام الى بيتفك ويتركب دا (كوتشي لاصق)

الكلام دا من عشر ايام بتكلم مع واحد بالصدفة قلى ابو كباسين دا حررررررررررررام ويبوظلك العمرة قولتلة ازاى قلى زى مبقلك

والبشكير الى تحت بردة حرام لان الحزام الى فية انتا اكيد هتديقة على قد وسطك ودا يبقا حرام وبعتلى السطر الى تحت دا

تفسير عبارة (عدم لبس المخيط للرجل) أي التي فيها خيط (والمقصود بالمخيط أي المحيط ـ بالحاء ـ أي ما فصّل على قدر أعضاء جسم الرجل)

طبعا انا اتصدمت اولا الوالد مش هيقدر يروح تانى وحتى لو راح اكيد الناس مش هيرضو يرجعوة لان النوع التانى الى كان موجود بدون كباسين رخيص خالص

غير كدا انا فضلى كام يوم واسافر مفيش وقت خالص اروح اشترى من تانى


مش عارف اعمل اية وهل فعلا حرام ولا اية ياريت حد متدين وفاهم يرد يا جماعة مش معقولة العمرة تبوظ علشان اللبس

خدمات دار الافتاء و متسمعش كلام حد تانى
دار الإفتاء المصرية

فيه اكتر من صفحة للجنة الحج السعودية ... و حتجد الكثير من الاسئلة و الاجوبة على الكثير من الشعائر ... و حتكون مفيدة جدا ان شاء الله

موضوع الكباسين .. ان سمعت فيه اكثر من رأى ... منهم رأى زى الى حضرتك وضحته ... و ده كان رأى اكثر من عالم من السعودية .... و لله الحمد ... لما جيت اشترى ملابس الاحرام ... اشتريتها من السعودية و لم يكن فيها ملابس بكباسين ... فلم اكن فى محل شك
ربنا يوفقك

نصيحة مخلصة
بلاش ام كباسين وحزام
افعل كما فعل الرسول عليه الصلاة والسلام وكما فعل الصحابة والتابعين

اقتباس:

---

المشاركة الأصلية كتبت بواسطة hilal

افعل كما فعل الرسول عليه الصلاة والسلام وكما فعل الصحابة والتابعين

---

رأى زى كبسولة دواء ... صغيرة و مركزة ... و فيها الافادة

الاقتداء بسنة الرسول عليه الصلاة والسلام

احييك على رأيك يا دكتور

اقتباس:

---

المشاركة الأصلية كتبت بواسطة hilal

نصيحة مخلصة
بلاش ام كباسين وحزام
افعل كما فعل الرسول عليه الصلاة والسلام وكما فعل الصحابة والتابعين

---

هي الفكرة ان وقت الرسول عليه الصلاة و السلام مكانش في كباسين مش اكتر, يعني مكانتش موجودة و سيدنا النبي اختار ان تكون بدونها مثلا.
عموما انا بشوف الكباسين افضل 100 مرة خصوصا لو حركتك مش سهلة او وزنك كتير شوية دي هتبقى محكومة اكتر عليك.

بجميع الاحوال شوف انت لو مش مستريح او مطمن له خلاص بلاش طبعا.

إذا كانت المشكلة كما ذكرت فالحل بسيط وهو:
لا داعي لتغيير ملابس الاحرام ذات الكباسين بسبب التكلفة وضيق الوقت قبل السفر
يمكنك لبسها بدون ربط هذه الكباسين

وبالله التوفيق

اقتباس:

---

المشاركة الأصلية كتبت بواسطة hilal

إذا كانت المشكلة كما ذكرت فالحل بسيط وهو:
لا داعي لتغيير ملابس الاحرام ذات الكباسين بسبب التكلفة وضيق الوقت قبل السفر
يمكنك لبسها بدون ربط هذه الكباسين

وبالله التوفيق

---

دا الي بفكر فيه فعليا