ناقص عندي ماكينه فيلم في المصنع
تمنها 140000
انا معايا 90000 بس
عايز قرض 50 عشان اعرف اجيبها
الي عنده خبره في المجال دا ياريت يفيدني ويكون كلام عن ثقه
قرض 50000 علي سنتين
الفايده كام
وال50 دول هسددهم كام
وربنا يسامحني
عرض للطباعة
ناقص عندي ماكينه فيلم في المصنع
تمنها 140000
انا معايا 90000 بس
عايز قرض 50 عشان اعرف اجيبها
الي عنده خبره في المجال دا ياريت يفيدني ويكون كلام عن ثقه
قرض 50000 علي سنتين
الفايده كام
وال50 دول هسددهم كام
وربنا يسامحني
ياريت تكتبلنا تفاصيل المشروع للفائده العامه
لازم تنزل تلف علي البنوك و تسأل بنفسك
و تشوف ايه المناسب ليك
طالما عندك عقار او ارض
الموضوع هيبفي سهل ان شاء الله
ان شاء الله هسال في البنوك
مع ان نفسي معملش حاجه زي دي بس ربنا الي عالم اني معنديش حل تاني
المشروع ياسيدي عباره عن شركه لتصنيع الاكياس وكذلك تجاره باقي منتجات الورقيات
يعني خط انتاج شنط واكياس بلاستيك وهو عباره عن
مقص دبل 90000 دا سعره النهارده
مكبس لعمل يد الشنطه 18000
وماكينه فيلم ودي عامله 140000 منها انواع وموديلات كتير
وعلي فكره دي مستعمله وموديل 2013
وشويه مواد خام في حدود 50000
وعربيه نص نقل وعليها عامل كبير من نجاح المشروع
ومخزن اويكون المصنع هو مكان التخزين
لانك هتصنع حاجات وحاجات تانيه لزم تشتريها من مصانع في العاشر و 6 اكتوبر
عشان عربيه الشركه لازم تطلع من عندك عليها كل متطلبات محلات الورقيات والتجار
وهتحتاج عمال تشغيل واتنين صنايعيه اساسيين وسواق ومندوب مبيعات
وشغل المصنع لازم 24 ساعه والا هتخسر
وتوكل علي الله
دي كل الحدوته
ممكن تكلم البنوك زي الاهلي ومصر cib في التليفون واستفسر
ممكن بنك فيصل معاملات اسلامية
ان شاء الله
وشكرا لمشاركه حضرتك
انا واحد قريبى بيبيع مكن مصنع استعمال خفيف و قولى مواصافات مكنة الفيلم الى انت عايز تشتريها .
شكرا
بعتلك علي الخاص يا استاذ احمد
البنك طبعا حرام وربا بغض النظر عن الاختلافات والاراء (لو شايف حالك ضروري دا شي بينك وبين الله)
اولا الفائدة لازم بضمان... وظيفة.. اطيان... عقارات.. وديعه الخ
اقل فائدة بضمان الوظيفة وهي حوالي 8% بس في نقطة 8 بس مركبة يعني تضربها في عدد السنين
وحسب عدد السنوات
..لو سنتين مثلا حتدفع نص التمن او اقل قليلا
ال50 حتدفعهم 70
دي الخلاصة
السلام عليكم ورحمة الله وبركاته
ليه تقترض وعند كثير مننا جمعيات تدخلها وتقبض الأول ...
أو تستلف المبلغ من شخص قريب ليك أو انت مضمون عنده ...
أو حد يدخل شرك فالعربية مثلا وتوفير تمنها يجيبلك ال50 الف ...
أو تدخل حد شريك فال50الف نفسهم بتوع الفيلم المكينة...
أو تستلف 50 الف من 10 أشخاص على سنة مثلا .. كل واحد 5 آلاف فقط.. حتى لو قرايبك أو اصحابك المبلغ سهل يديهولك حد مش ضامنك أوي ...
ربنا يوفقك ويبعد عنك الحرام ويبعدك عنه ويغنيك من فضله وكرمه وجوده ومايخليش لحد منة عليك .
[QUOTE=A7medelfe2y;3876046521]ان شاء الله هسال في البنوك
مع ان نفسي معملش حاجه زي دي بس ربنا الي عالم اني معنديش حل تاني
المشروع ياسيدي عباره عن شركه لتصنيع الاكياس وكذلك تجاره باقي منتجات الورقيات
يعني خط انتاج شنط واكياس بلاستيك وهو عباره عن
مقص دبل 90000 دا سعره النهارده
مكبس لعمل يد الشنطه 18000
وماكينه فيلم ودي عامله 140000 منها انواع وموديلات كتير
وعلي فكره دي مستعمله وموديل 2013
وشويه مواد خام في حدود 50000
وعربيه نص نقل وعليها عامل كبير من نجاح المشروع
ومخزن اويكون المصنع هو مكان التخزين
لانك هتصنع حاجات وحاجات تانيه لزم تشتريها من مصانع في العاشر و 6 اكتوبر
عشان عربيه الشركه لازم تطلع من عندك عليها كل متطلبات محلات الورقيات والتجار
وهتحتاج عمال تشغيل واتنين صنايعيه اساسيين وسواق ومندوب مبيعات
وشغل المصنع لازم 24 ساعه والا هتخسر
وتوكل علي الله
دي كل الحدوته[/QUO
ابشر ببداية الخراب للاسف
انت ياباشا مصنع بورق ولا لا
لو انت عندك ورق شوف بنك فيصل بيخش مشاركه مش قرض
ربنا يوفقم فى كل الاحوال
المستقبل للصناعه
اشترى المكنة Leasing يعنى تاجير تمويلي بدل ماتجبها بقرض
اطلع على QNB Al Ahli Leasing فى طلعت حرب Evergreen هما بيشترو المكنة و بتاجرها منهم و بعد عدد سنين معينة بيبعوها ليك ب 1 جنية "سعر رمزى"
الف شكر علي التفاصيل يا فندم
ايه المساحه المطلوبه لعمل المشروع ده ؟
الربا و العياذ بالله حرب على الله
هل تعتقد أن الله سيرزقك و ينعم عليك و أنت أموالك فيها ربا ،، ( و من يفعل ذلك فقد ظلم نفسه و لا تتخذوا آيات الله هزوا ) إقرأ كلام الله لتسلم و تنجو ..
بعد استخاره ربنا رجت انا واخويا في موضوع القرض
وربنا يحلها من عنده ان شاء الله
اخونا العضو الي بيقول ابشر بالخراب
ليه بتقول كدا
انا عند ظن عبدى بى فليظن بى ما يشاء
تفاءلوا فالخير قادم مهما كان حجم الألم، فهناك دائمًا شيئًا صغيرًا يبعث الأمل
وشكرا علي المشاركه
وربنا عادل ومبيضيعش تعب حد طالما اخذت بالاسباب وعقلتها ولا تواكلت
انت ممكن تدخل الصندوق الاجتماعى للتنمية
يوفر لك الماكينة المطلوبة بفائدة تناقصية بسيطة
ويبقى من حقك تدخل معاهم معارض وتبيع للشركات والمصالح الحكومية وتكون ليك الاولوية فى اى حاجة
المصلحة اللى جاية من وراهم فى التسويق اكثر من مصلحة القرض بتاع الماكينة
وربنا يوفقك
ابعد عن الربا وربنا هيكرمك
بص انا حقولك مثال حي عليا
انا اخدت قرض ب 70000 عشان اغير العربيه
اتصرفوا كلهم عن بكره ابيهم فين مش عارف و دلوقتي مضطر يا ازود القرض يا مغيرش العربيه و برضوا بدفع القرض
المشكله ان الصندوق الاجتماعي يبقي لازم ماكينه جديده مينفعش استعمال
والجديد صيني وانا هجيب نوع تاني ان شاء الله
وعلي العموم موضوع القرض صرفت نظر عنه
شكلها كدا هترسي علي بيع العربيه
مردتش عليا
ايه المساحه المطلوبه لعمل المشروع ده ؟
انا اسف علي التاخير
ممكن من 80 ل 100 متر مش اقل من كدا عشان سهوله الحركه وسهوله وضع كميه من المواد الخام بجانب الفيلم ومن المنتج النهائي بجانب المكبس
لو بتفكر فيه انا تحت امرك في اي استفسار
بس بعد الاسبوع دا لاني والله مضغوط جدا
01000113236
يعني ممكن مخزن كبير او كذا محل مفتوحين علي بعض
شكرا لردك استاذ احمد
ممكن ياباشا
بس الارتفاع اهم من المساحه
لان ماكينه الفيلم بتوصل احيانا في بعض الموديلات ل 5 متر ارتفاع
عشان ربنا عزوجل عادل فانا كده بقولك ابعد عن الربا واكل الربا ابدا ابدا عمره ما كان اخذ بالاسباب وكمان مثلما الله رحمن رحيم فهو شديد العقاب وظن العبد في ربه يدخل فيه طبعا ايمانه بمقادير الله في الكون يعني مش تاكل بالربا وتظن بربك ان هيكرمك لانه مخالف لسنة وحكمة الله في كونه
وعلى طول انا بقول ان كل واحد يتزنق ويكون عنده ميت حل اخر غير الربا يقولك انا مضطر ويروح ياكل ربا زي حاله حضرتك انت بتقول انك هتبيع العربية بدل الربا الحمدالله بس كان من الاول عندك حل اخر غير الربا وهو بيع العربية
على العموم اقرأ هذه الايات وانت هتعرف ليه بقولك لو اكلت الربا ابشر بالخراب وده ليس سوء ظن بالله ولكن هذا حسن ظن بالله
الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ۚ ذَٰلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا ۗ وَأَحَلَّ اللَّهُ الْبَيْعَ وَحَرَّمَ الرِّبَا ۚ فَمَن جَاءَهُ مَوْعِظَةٌ مِّن رَّبِّهِ فَانتَهَىٰ فَلَهُ مَا سَلَفَ وَأَمْرُهُ إِلَى اللَّهِ ۖ وَمَنْ عَادَ فَأُولَٰئِكَ أَصْحَابُ النَّارِ ۖ هُمْ فِيهَا خَالِدُونَ (275) يَمْحَقُ اللَّهُ الرِّبَا وَيُرْبِي الصَّدَقَاتِ ۗ وَاللَّهُ لَا يُحِبُّ كُلَّ كَفَّارٍ أَثِيمٍ (276) إِنَّ الَّذِينَ آمَنُوا وَعَمِلُوا الصَّالِحَاتِ وَأَقَامُوا الصَّلَاةَ وَآتَوُا الزَّكَاةَ لَهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ (277) يَا أَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِن كُنتُم مُّؤْمِنِينَ (278) فَإِن لَّمْ تَفْعَلُوا فَأْذَنُوا بِحَرْبٍ مِّنَ اللَّهِ وَرَسُولِهِ ۖ وَإِن تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُونَ (279) وَإِن كَانَ ذُو عُسْرَةٍ فَنَظِرَةٌ إِلَىٰ مَيْسَرَةٍ ۚ وَأَن تَصَدَّقُوا خَيْرٌ لَّكُمْ ۖ إِن كُنتُمْ تَعْلَمُونَ (280) وَاتَّقُوا يَوْمًا تُرْجَعُونَ فِيهِ إِلَى اللَّهِ ۖ ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ (281)
امين
هي كانت لحظه ضعف مش اكتر
المهم الحمد لله ان الواحد فاق
واول امبارح جالي واحد من شركه فودافون عرض عليه 40000 في السنه عشان يعمل شبكه عندي فوق سطح الرابع
انا عارف انها لها اضرار فرفع المبلغ وقالي انت عايز كام والمبلغ وصل 60000 في السنه وعقد 15 سنه وزياده 5%
وانا قولتله سبني افكر بس هي مرفوضه عشان اضرارها وعشان ما اضايقش جيراني خصوصا انهم اعمامي وولاد اعمامي
المهم ان انا قولت ان دي علامه الفرج من ربنا
والنهارده صحيت علي مكالمه واحد صاحبي بيقولي انا جهزتلك 15000 وشويه واجبلك كمان 15000 زيهم
قولتله طيب سبني اشوف هسددك امتي عشان اقولك علي معاد سدادهم قبل ما اخدهم
سبحانك ربي ما ارحمك
صدقت ربي حين قلت (من يتق الله يجعل لة مخرجا ويرزقة من حيث لا يحتسب)
صدق الله العظيم
وشكرا لا اخواتنا الي في المنتدي الي ايقظوا الواحد من الغفله الي كان فيها
الحمد لله الذى من عليك باخوة ينصحوك ف الله
الحمد لله
ودا الي اتعودنا عليه من اخواتنا واساتذتنا هنا في المنتدي