توليدو 2016 سعر النهارده عند سمير ريان

انا النهارده كنت عند سمير ريان و قالى التوليدو ب 159 استلام فورى .
انا كنت سمعت ان سعرها وصل 164 . هو دلوقتى سعرها بينزل و لا ايه . اشترى و لا استنى احتمال تنزل شويه كمان .

هي اصلا تمنها 148.000 او 150.000 فالتوكيل، مش فاكر بالظبط، يعني ضاربله 10.000 اوفر.
اسأل عليها بره الاول و شوف، لقيته ارخص نفذ

لا كده معقول ، انا بتعامل مع معرض كويس ، والسعر عنده 160
غريبة سمير ريان اول مرة يدي سعر اقل من المعرض اللي انا بتعامل معاه
ده غير ان المعرض اللي انا بتعامل معاه ده بدفع له عربون وهو بيخلص ورق العربية ويديني العربية والورق في نفس الوقت ، مش بضطر اني اخد العربية وارجع بعد يومين استلم ورقها
بعكس سمير ريان تستلم العربية وتاخد ورقها بعدين حسب ما سمعت يعني

سعرها في التوكيل 160 الف

سعرها فى التوكيل 148.000 و نازلة فئة واحدة فقط و بالحجز ممكن تصل الي شهر 7 تقريباً

فعلا سعرها فى التوكيل 148 الف والحجز مقفول وهايفتح فى شهر 2

ياجماعة اية اخبار الأسعار بعد موضوع تخفيض الجمارك
انا قريت اكتر من موضوع في مواقع إخبارية مختلفة بتقول ان سعر التوليدو بعد تخفيض الجمارك بقى 130 الف جنية