ايه بالظبط وظيفة فتيس الغرز بالنسبة للعربيات الجر الرباعى
و كمان ايه وظيفته بالنسبة لعربية جر خلفى زى اللادا نيفا
عرض للطباعة
ايه بالظبط وظيفة فتيس الغرز بالنسبة للعربيات الجر الرباعى
و كمان ايه وظيفته بالنسبة لعربية جر خلفى زى اللادا نيفا
بيقلل العزم الى بيوصل للعجل عشان ميفوتش فى الرمل وبتالى العربية تغرز.
يعنى لو انت شغال على فتيس الغرز وقرصت على الموتور شوية وانت واقف وشلت دبرياج جامد العربية حتتطلع براااااحة.
انا مفهمتش حاجة لو انت فهمت قولى :helpsmilie:
وبرضو انتظر رد الخبراااء
فتيس الغرز بيستخدم فى العربات ال 4*4 او Awd علشان يوصل عزم الموتور وحركته للاربع عجلات مره واحد .
ووظيفة فتيس الغرز هي نقل الحركة الي العجلات الامامية لجعل السيارة رباعية الدفع بالتالي يساعدها علي المشي في الرمال بدون غرز وفي بعض السيارت بيكون للغرز 2 فتيس مع فتيس النقلات العادي
و2 فتيس ليه واحد احتياطى مثلا
فتيس الغرز بيعشق الكردان الأمامي في مجموعة الحركة...
عربيات ال4x4 بتمشي جر خلفي... و في الرمال بتشغل الكرونة الأمامية من خلال فتيس الغرز فبتكون العربية شغالة بالأربع عجلات مع بعض و بكدا ماتغرزش في الرملة (لو عجلة غرزت الباقي بيقوموا بمهمة الدفع)
و فيه نظام في بعض سيارات الدفع الرباعي الحديثة بيكون الدفع لكل عجلة على حدة بنسبة مختلفة حسب غرزها في الرملة أو احتياجها للدفع (و النسب ديه بتتظبط من خلال كمبيوتر العربية)
و مثال شهير للعربيات اللي فيها نسبة كل عجلة على حدة... الهامر
كمان فيه نظام تاني أقل تقدما من السابق و هو نظام (كل عجلتين على حدة) و النسب بتتظبط حسب احتياج العربية (يعني في المطالع يزيد الدفع في العجلتين الخلفيتين) و في المنازل العكس...
أرجو ان الصورة تكون وضحت...
طيب هل من وظيفته أنه يعمل الـ Differential lock؟ عشان مافيش عجلة تلف أسرع من التانية لحد ما نطلع من الغرز أو الموقف اللي محتاجينه فيه و لا الموضوع ده مالوش علاقة بالفتيس الغرز؟
ليها علاقة وثيقة بالغرز طبعا... (بس مش بفيتيس الغرز)
اللي بتتكلم عنه ده اسمة كلاتشات الكورونة... و ديه عبارة عن مجموعة من الحاجات اللي عاملة زي الغوايش كدا مشرشرة من جوا ووظيفتها أنها تخلي العجلتين اللي ورا يلفوا مع بعض...
سمعت أنها في عربيات ممكن تلغيها أو تشغلها و انتا ماشي عادي... لكن بالنسبة للشيروكي ... لازم تفك الكرونة و تلغيهم (عن طريق تغيير ترتيبهم) لكن مش بتحكم منك و انتا سايق...
و على فكرة الكرونة بتاعت الشيروكي من أول موديلات 2002 حرة (يعني من غير كلاتشات)
كده أنا فهمت .
يعني فتيس الغرز لتقليل العزم (كأنه غيار أقل من الأولاني)
و الـ diff lock مالوش علاقة بفتيس الغرز لكن مفيد عند الغرز عشان العجلتين على نفس المحور يبقوا 1:1 و مافيش عجلة تلف أسرع من الثانية
و العربيات الجديدة بتمنع أن عجلة تلف أسرع من التانية عن طريق الكمبيوتر
صح كده؟
طيب بالنسبة للعجلتين الخلفيتين في الظروف العادية عند الملفات لازم واحدة تلف أسرع من التانية. يعني لو الملف يمين يبقى العجلة الشمال هتلف أسرع. طيب يعني الكمبيوتر لازم يسمح بالحكاية دي لأنها عادية. على كده هل بيبقى في limit لفرق سرعة العجلتين و بعد الحد ده الكمبيوتر يتدخل و يمنع زيادة فرق السرعة؟
معلش أسئلة كتير بس عايز أعرف :)
واحد عامل diff lock في 126:wink:
فتيس الغرز مش لتقليل العزم... فتيس الغرز عزمه قليل و ده فرق كبير جدا...!!
تقليل العزم ازاي و العزم دا أكتر حاجة انتا محتاجها في الرملة؟؟
فتيس الغرز لتعشيق حركة العجل الأمامي و العجل الخلفي بمصدر الحركة (الموتور) عشان الأربع عجلات يلفوا مع بعض...
و اللي بيخلوا العجلتين يلفوا سوا... هما الكلاتشات اللي في قلب الكرونة الخلفية...
و ديه عادة بتتلغي عشان في الملفات بتلاقة العربية عمالة تدبدب من تحت نتيجة ان الكرونة مش حرة و أن العجلتين عايزين يلفوا بنفس السرعة...
شكراً على الملعومات. كان قصدي زيادة العزم. بس لما جيت أعدل الرد كانت عدت الـ 10 دقائق مهلة التعديل
وليه بعض العربيات بيبقى فيها فتيسين غرز
بصراحة مقدرش أفتي ... جايز يكون كل عصاية لنقلة معينة...
يعني مثلا في الشيروكي فيه كذا نقلة في الفتيس الأمامي...
فيمكن يكون عصاية منهم للنقلة البسيطة و التانية للكبير (اللي بيسموه العجوز) و ده بيستخدم لما تكون بتتسلق مكان شديد الميل و عزمه بيكون كبير جدااااا بس مبيتجريش عليه بسرعة...
انا هتكلم بواقع تجربيتى فى مواقف الغرز بالجرارات الزراعية دفع خلفى فقط
بداية فى المواقف العادية لما بحب اعمل ملف على الضيق لو كسرت الدركسيون بس نصف قطر الدوران بتاع الملف هيبقى واسع فى الحالة دى بمسك الفردة اللى هلف عليها بالفرمل ازاى
عندى الفرامل دواستين بس ممسوكين مع بعض بعصفورة اما بشيل العصفورة واعمل ملف ضيق على الشمال مثلا بضغط على دواسة الفرامل الشمال فقط خالى بالكوا يقوم عزم الماتور ينتقل الى العجلة اليمين وهتكون اسرع من الشمال فى الغرز بقى هو ده اللى بحصل ليه
لان الفردة اللى بتلف على الفاضى هى المنقول اليها عزم الماتور والمحملة واقفة لما اجى ادوس فتيس الغرز بينتقل العزم الى العجلتين مع بعض مش عجلة تلف والتانية واقفة والعجلة المحملة ساعتها تستفاد من عزم الماتور فتساعد على الخروج
ملحوظة:فى المواقف العادية لو ماشى فى العدل واتكيت فتيس الغرز وجيت تكسر الدركسيون يمين او شمال مش هيلف لان العجلتين الخلفيتين هيبقوا نفس السرعة
حد فهم حاجة :b4_592:
وظيفته انه بينقل الحركه للعجلات الاربعه لتساعد العربيه في حالة الغرز
http://www4.0zz0.com/2008/12/04/10/681746771.jpg
بس ده اتوماتك
قصدى مانيوال زى كده
شيفروليه نيفا
http://www.mlfk.net/download/4124493912885f25a.jpg
http://www.mlfk.net/download/2423493912a9e0a1c.jpg
او لادا نيفا
http://www.mlfk.net/download/286949391316bef26.jpg
و في بعض العربيات بيكون زرار مش عصاية... زي الماهيندرا...(مفتاح كدا عامل زي مفتاح البوتاجاز بيلف يمين و شمال)
مجرد اختلاف في الشكل... هو في النهاية ليه حركتين أو تلاتة بالكتير... و بيكونوا ورا بعض
لكن مفيش من فتيس الغرز أوتوماتيك و مانيوال...
امممم شكرا للافادة استاذ مينا