السلام عليكم ورحمة الله .. لدي سؤال
الشقة لما بفضل الكهرباء من اللوحة العمومية الكهرباء بتفصل فعلا
بس لما احط مفك التست في اي بريزة لمبة المفك بتنور، ده معناه ايه؟
عرض للطباعة
السلام عليكم ورحمة الله .. لدي سؤال
الشقة لما بفضل الكهرباء من اللوحة العمومية الكهرباء بتفصل فعلا
بس لما احط مفك التست في اي بريزة لمبة المفك بتنور، ده معناه ايه؟
متابع معاك !!!!!!
ده معناه حاجه من اتنين. اول حاجه ان الكهربائى موصل الفيوز على السلك السالب. الشىء الاخر ان توصيلة العداد محتاجه تتعكس وارشح النقطه الاخيره
المشكله كانت عندى فى الشقه
واتضح ان العطل من موتور الميه
الموتور شغال على شقتين
كهربه الموتور اللى داخله لعدادى كانت مقلوبه يعنى الارضى مكان الكهربه والعكس
خلى كهربائى يتأكد من الوصلات اللى داخله عداد الكهربا
معلش يا ريت تجرب Multimeter و بلاش مفك ال تست لأني جبت مفك تست بينور مجرد ما يعدي من جنب اي فيشة من غير حتي ما يلمسها. واضح ان فيه مفكات غريبة في السوق.
السلام عليكم
أولا تأكد من فاعليه المفك التست بتجربته علي مصدر تيار و فصل المصدر للتأكد من أنه لن يضئ
ثانيا: يقوم بعض الفنيين بتجميع لوحات الكهرباء بطريقه خطيره و هي أن يجمع الأطراف الحيه سويا و توجيهها للمخارج مباشره و جعل الدائره الكهربيه تفصل عن طريق قطع الخط الأرضي بواسطه المفتاح و هوه ما يجعل أي جهاز به فرده حيه طول الوقت بغض النظر عن وضع المفتاح
ثالثا:إذا كان هناك حمل مشترك بين شقتك و أخري كموتور المياه وقمت بفصل كهرباء الشقه الخاصه بك قد يؤدي عمل الموتور من كهرباء الشقه الأخري إلي وصول الكهرباء إلي شقتك بطريقه عكسية
حاول إستشارة كهربائي جيد لحل هذه المشكله في أقرب فرصه
بعض إحتاطات الأمان عند التعامل مع الكهرباء:
*يجب إرتداء حذاء أو شبشب عازل طوال الوقت و تجنب العمل حافيا أو و جسمك كبتل
* الوقوف علي كرسي خشب وسيله فعاله لتقليل المخاطر
*لا تقم بلمس طرفي الكهرباء في اي وقت سويا و قم بعزل الطرف الحي بشريط لحام
*إستخدم أدوات معزوله ذات ماركه جيده و تجنب مجهوله المصدر
جزاكم الله خيرا
ازاي حضرتك ، مش فرده كهربا والتانيه ارضي ، لو عكست دخول المتور بيتغير اتجاه المجال المغنطيسي . وفي مواتير عليها كوندنسر فالاتجاه مهم.
انا فاكر كنت بعكس اتجاه متور الكمبرسور بتبديل الفازات.
ولو مركب الفيوز او البريكر علي الارضي تبا كارثه، دايما الحمايه في اول الدايره مش اخرها. مش كدا ولا ايه.
تحياتي