الموضوع: محتاج رأيكم في الرسم الهندسي المبدئي للبيت

المشاركة الأصلية كتبت بواسطة amr011111

خلى المهندس المعمارى يحط تصور مبدئى للاعمده وعيلتقى ان فيه اماكن للاعمده غير منطقى يعنى فى الدور الارضى على اقصى الشمال لو حط عمود فى الركن العمود ده هيبقى موجود جوه المخزن الموجود بالبدروم.

لو غيرت مكانه إيه انسب مكان ليه في البدروم
أشكرك .. جزاك الله خير

المشاركة الأصلية كتبت بواسطة محمد عز

ماشاء الله ، تبارك الله

بعض النقاط

في البدروم انت حاطط غرفة الجيم وفى الدور الاخير حاطط غرفة البخار ، ليه متخلهومش قريبين من بعض فى دور البدورم وبالقرب من حمام السباحة ويكون فيه حمام قريب منهم

ليه ما ينقلش غرفة الخدامة وغرفة الغسيل فى طابق البدروم بدلا من غرفة dining والمعيشة اللى فى البدروم ، لان واضح التهوية مش هتكون مناسبة لغرفة معيشة واكل فى البدروم

حاسس انه مفضل يكون موقع المطبخ قريب من السلالم سواء السلم النازل للبروم او اللى طالع للادوار اللى فوق ، ليه متبدلش مكان المطبخ بمكان المعيشة فى الدور الارضى

ليه عامل المكتب متصل بغرفة النوم الرئيسية ، المفروض يكون منفصل وموجود فى الطابق الارضى ، علشان لو هتستقبل زائر فى المكتب

مافيش حد بيعمل غرفة خدامة مساحتها 16 متر

شكرًا لحضرتك استاذ محمد
ملاحظة مهمة قرب البخار من الجيم مأخدتش بالي منها كمان موضوع التهوية نقطة مهمة
لو حطيت الجيم فوق مقدمة البيت الدور الأخير عشان دا أفضل مكان للتهوية
والبخار جنبه والمكتبة تحت في البدروم أفتكر أفضل
المكتب هيكون للورق الخاص بتاعي يعني مساحة صغيرة تلم شغلي .. مش هيدخله حد منطقة محرمة دوليًا : )
المعيشة المصمم كتبها خطأ المفروض صالون أو رسبشن للضيوف في الأرضي و البدروم
أوقات كتير بيجيلي ضيوف كتير وفجأة من غير مواعيد
فتكون المنطقة دي معزولة شوية عن البيت عشان تبقى نضيفة وجاهزة لإستقبال الضيوف في أي وقت وفيها خصوصية
لو حطيت المطبخ الرئيسي قريب من السلم أهل البيت مش هياخدوا راحتهم
الحل أحط بوفيه تحت في البدروم جنب السلم ... ايه راي حضرتك في مكانه ؟

غرفة الخادمة من تجربة أفضل مكان ليها آخر دور
لإن حركتها لازم تكون ملحوظة ماينفعش احطها تحت بعيد عن الرقابة
وتكون مساحتها كويسة ومؤثثة كويس
بيجوا يتعاملوا مع أطفالنا ويشوفوا البيت كله وعارفين اسرارنا
فمهم نظهرلهم التقدير ويعيشوا زي أهل البيت

ملاحظات دقيقة
ياريت اعرف رايك في مكان الجيم و البخار فوق والمكتبة تحت بما إن المكان اهدأ
والبوفيه بالقرب من السلم اللي في البدروم
هل فيه أي ملاحظات تانية .. على كلامي الأخير ؟

شاكر جدًا لحضرتك

المشاركة الأصلية كتبت بواسطة eso101

لو غيرت مكانه إيه انسب مكان ليه في البدروم
أشكرك .. جزاك الله خير

المهندس المعمارى المفروض يحط تصور لكل الاعمده ﻻن المشكله مش فى العمود ده بس انا اديتك مثال على العمود ده فقط عموما المهندس المعمارى هيبدأ بوضع تصور لاعمدة للدور الارضى وبعدين ياخد منها كوبى ويسقطها فى الدور البدروم ويشوف الاعمده نزلت فى وسط حيطه او ركن غرفه يبقى اوكيه بخلاف ذلك يبقى متضطر يعيد التقسيمه الداخليه للبدروم من حيث انه يرحل حيطه

المشاركة الأصلية كتبت بواسطة eso101

طيب إيه رأي حضرتك في المساحة الموجودة
إزاي ممكن تعمل سلم شكلًا كويس ومريح لحد ما
السلم في وش المدخل واجهة البيت
واستخدامه بسيط فالراحة شيء ثانوي بس يكون ديكوره كويس


السلم دا جميل بس مش عارف الشكل دا مناسب للمساحة ولا لاء

المهندس المعمارى يقلل المدخل شويه ويدى مساحه اكبر للسلم المروحه علشان القطر الداخلى بتاعه ميبقاش ضيق اوى

نصيحه علشان احنا بعد ما بنينا 3 ادوار كرهنا البيت بسبب تصميمه وعرضناه للبيع ودا بسبب اان خلينا المهندس يشتغل بدماغه بما ان معندناش خبره في البنا وكدا وندمنا بعد كدا ان احنا مدققناش في كل حاجه بالملي وراجعنا عليها اكتر من مره لأن دا شقي عمر بجد المهم اصرف كويس جدا علي التصميم وماتستخسرش واتفرج علي اكتر من تصميم علي الواقع وخد وقتك جدا في دراسه التصميم وياريت لو تتفرج عليه 3d وماتبدأش بنا الا وانت مطمن مليون في الميه للتصميم ومتخيله كويس جدا وحاسب مقاسات كل حاجه. من واقع تجربه خطوه التصميم الداخلي دي اهم من البناء لان علي اساسها ممكن تكره البنا لو التصميم طلع مش زي ما كنت متخيل . وربنا يوفقك بس تاني هقولك اهتم بالتصميم اوي والمساحات وماتبنيش الا وانت مرتاح تماما ليه

المشاركة الأصلية كتبت بواسطة amr011111

المهندس المعمارى المفروض يحط تصور لكل الاعمده ﻻن المشكله مش فى العمود ده بس انا اديتك مثال على العمود ده فقط عموما المهندس المعمارى هيبدأ بوضع تصور لاعمدة للدور الارضى وبعدين ياخد منها كوبى ويسقطها فى الدور البدروم ويشوف الاعمده نزلت فى وسط حيطه او ركن غرفه يبقى اوكيه بخلاف ذلك يبقى متضطر يعيد التقسيمه الداخليه للبدروم من حيث انه يرحل حيطه

كلام حضرتك طلع مظبوط ..
طلعت المشكلة كمان في أعمدة وسط حمام السباحة
أعتقد يبقى في الخلف بقى ... بس تكبر المساحة
يعني 5*12 عشان يبقى صافي حمام السباحة 3*10 م
مش عارف المقاسات دي مناسبة لحمام سباحة ولا لاء

المشاركة الأصلية كتبت بواسطة eso101

كلام حضرتك طلع مظبوط ..
طلعت المشكلة كمان في أعمدة وسط حمام السباحة
أعتقد يبقى في الخلف بقى ... بس تكبر المساحة
يعني 5*12 عشان يبقى صافي حمام السباحة 3*10 م
مش عارف المقاسات دي مناسبة لحمام سباحة ولا لاء

كده يبقى بعد ما يحط المعمارى التصور الكامل للاعمده يتبعت الرسم للمهندس الانشائى ويشوف لو محتاج يزود عمود او يلغى عمود او بحرك عمود وبناءا عليه المعمارى يكمل شغله