الموضوع: ماذا حدث لأسعر البترول العالميه

السعودية بتراهن ...... بما انها من اكبر منتجى النفط الرخيص ....... ان منتجى النفط مرتفع التكلفة زى بحر الشمال و القطب المتجمد و النفط الصخرى ....... حيخرجوا من السوق او على الأقل يققلوا انتاجهم و استثماراتهم فى المجال ده ...... و ده حيأدى لانخفاض العرض و ارتفاع الطلب و لما يرجع السعر يعلى تانى تكون هى المهيمنة على السوق

مغامرة بصراحة

المشاركة الأصلية كتبت بواسطة eso101

تصدير داعش متصور بالأقمار الصناعية

مفيش خلاف علي كدا حضرتك، لكن الجماعه دول زي ما انت شايف امكانباتهم للنفط بداءيه وصعب يعملوا تكرير ، ومفيش وجه مقارنه بقدرات المملكه الهاءله.

المشاركة الأصلية كتبت بواسطة eso101

بإحتساب حجم الخزانات ... كلامك مظبوط ..
لكن اللي بيحصل إن داعش سوق سوده وبتصدر بدون معايير تناسب المخزون مع حجم الصادر

دي عصابة مؤقتة.. المسألة كلها مسألة وقت هتخلص
والسعودية بإيدها أكتر من حل .. لكن كلها مرتبطة بدخولها في متاهات لا تعرف نتائجها
المشكلة إن اعداء السعودية مش عندهم حاجة يخسروها وممكن يخسر عشان يوجعك

تمام ، فالجماعه دول بيبيعوا سرقه لتركيا. وطبعا شغل عصابات. لا هيقدروا يمدوا خطوط انابيب او مشروعات صح او معدات مظبوطه فبردك انتاجهم محدود ومشكوك فيه وعلي كف عفريت. والقوي العالميه لا بمكن تسمح لعصابه هما اللي عملوها تخرب سوق النفط المهول.وعراق صدام اتمسح للسبب دا.في حين المملكه بتوصل لسقف ١٤ مليون برميل يوميا تقريبا مفيش دوله تنافسها .مع بنيه نفطيه فوق الممتازه،قدرات بشريه ومعدات ومحطات تكرير وخزانات ومواني وانابيب ونظام اعتمادي مستقر.ايران بنيتهم النفطيه سيءة جدا بسبب الحصار والعراق بيستوردوا المكررات من السعوديه والكويت !!!!.

المشاركة الأصلية كتبت بواسطة eso101

فيه منظومة نفطية متكاملة في العراق وايرن
دا إحنا لسه بندرس الأنابيب النانوية وعرفنا بوجودها في العرق

يعني ايه انابيب نانويه؟؟
ايرانيبن نفسهم بيحكوا العدد اللي شغالين بيها من السبعينات، وايران علي فكره بيحبوا البروباجندا لكن المنظومه مطبله ، والعراق معندهاش محطات تكرير كفايه وبيستوردوا المكررات علي الشاحنات حتي بدون انابيب.يعني متخلفين في المجال زي ليبيا ايام الحصار كانوا بيلحموا مواسير ووصلات الحفر عشان مفيش جديد.

المشاركة الأصلية كتبت بواسطة eso101

أنابيب بتقنية تسمح بمرور المواد السائلة 60 مرة أسرع من العادية .. تحت التجربة
موضوع إيران أنا تصوري إنها لا تتكلم .. هذه الدولة تعمل في صمت
وماينفعش يستهان بيها أكتر .. لبنان وسوريا واليمن والعراق دول سقط تحت جناحها

اكيد انابيب انتاج مش حفر.زي ماقلت هما مهتمين بزلزلة دول والصراع المذهبي والفكر الديني. وعندهم احساس انهم منبوذين ومحاصرين لكن تكنولوجيا وتقدم وتحسين معيشة الناس لا ولا يتناسب مع دوله نفطيه. ايرانيين بيسبوا ويلعنوا الحال هناك وبيحاولوا يطفشوا من عيشتهم .