انا عندى لانسر 2007 الاكصدام دخل لجوا شويا من الطرف داخلة اد كف الايد كدا . هل ممكن ارد الخبطة دى بنفسى . ازاى
عرض للطباعة
انا عندى لانسر 2007 الاكصدام دخل لجوا شويا من الطرف داخلة اد كف الايد كدا . هل ممكن ارد الخبطة دى بنفسى . ازاى
كنت مرة راجع لورا والاكصدام الخلفى خبط فى عامود صغير ودخلت حتة كبير لجوة
نزلت ودّخلت إيدى وراها وزقيتها لبره وإتعدلت زى الفل ماعدا أثر خربشة مش مهمة
لو الاكصدام فصل عن الصاج يبقى فيه مسامير فبر اتكسرت ودى ممكن تجيبها من محل كماليات وتعدله بنفسك (أنا عملت كده لما روّحت بس بصراحة رجعته قول مثلا 85%)
يعنى ايه الاكصدام فصل عن الصاج . ولما اجى ارجعها ممكن استخدم شاكوش مثلاً ولا اضرب بايدى جامد ولا ازوق ومضربش
زق مستمر من جوه لبره من غير أى أداة وإن شاء الله هتعدلها
الشاكوش مع السمكرى فقط إنما إحنا نبوّظ العربية لو استخدمناه
رد الفيبر عند الصنايعية بيبقى بسكب ماء ساخن على الاكصدام ورده بعدها
طيب منا ممكن اسخن شوية ميا واكبهم على الاكصدام لو دا هيساعد بس اكبهم من برا ولا من جوا
من بره طبعا
طب انا عندي سؤال بعيد شوية عن الموضوع
نزلت في يوم لقيت الله يجازيه بأى اللي عمل كدة
المهم لقيت سقف العربية فيه حتت متطبقة
الموضوع دة ليه حل؟؟؟
السقف ده أرخم حتة وبعده الكبوت
موضوع رد الصاج بالثلج هو الأمل (فيه موضوع فى المنتدى عن كده) وإلا بيترد عند السمكرى بس بهدلة علشان يشيل فرش السقف وجايز تحتاج تترش ، ورش السقف بيضرب العربية جامد جدا.
نصيحة ياجماعة بالنسبة للعربيات الجديدة الورق .
اللى اكصدامها لو سندت علية يتفرتك.
بص ياسيدى لو لاقدر الله الاكصدام اتخبط منك الامامى او الخلفى . عندى حل مجرب من قبل
مرة واحد صاحبى خبط من الخلف الاكصدام كان معاه فيات سيينا .
اخدت العربية وروحت لسمكرى فك الاكصدام وملاة مياة ساخنة وعدله فترة لغاية ما الاكصدام رد لوحدة .
اتمنى لك التوفيق . وان شاء الله بسيطة
طيب معلش فين موضوع التلج دة؟اقتباس:
موضوع رد الصاج بالثلج هو الأمل (فيه موضوع فى المنتدى عن كده) وإلا بيترد عند السمكرى بس بهدلة علشان يشيل فرش السقف وجايز تحتاج تترش ، ورش السقف بيضرب العربية جامد جدا.