استفسارات عن الكيا برايد 2000
السلام عليكم
اشتريت امبارح لزوجتى سياره كيا برايد اوتو مو2000 من الاسكندريه و سوقتها لغايه القاهره
و علشان ابقى صريح معاكم العربيه فيها بعض المشاكل الصغيره لكن تقريبا عارفهم كلهم و عارف تكلفة اصلاحهم باستثناء مشكله واحده واجهتنى لما طلعت بيها على طريق السفر
- العربيه لما بزود السرعه عن 80 كم بالاقيها تعوم يمين و شمال (و بالتالى اطريت اسافر على سرعه 80 الطريق كله )
- لما كنت اوصل لسرعه 80 و اشيل رجلى مره واحده عن البنزين كنت الاقيها تعويم بس تعويم بسيط المره دى
- كنت بغيرلها الكاوتش فلما اترفعت على الكوريك لاقيتها بتنزل زيت الباور من كاوتش الاسكترا
- فى اول طريق السفر كنت بسمع صوت خشونه خفيف مع زياده السرعه - لكن الصوت ده راح بعد اول 40 كيلو تقريبا
مع العلم بأن زيت الباور ماكنشى ناقص
فهل كده يبقى الاسكترا رايحه فى داهيه ؟؟
و سعر الاسكترا قد ايه ؟؟
و هل فيه ميكانيكي بيفهم فيها فى مناطق القاهره الجديده او الحى العاشر فى مدينه نصر ؟؟