تعمل ايه لو و انت في لجنه الضابط ضربك القلم

**samirayad** · 17-01-2009 02:42 PM

المشاركة الأصلية كتبت بواسطة goofy_in_love

دا انا امسكه من تيييييييييييييييت و اخبطه بالروسيه علي راس تييييييييييت و خليها تخرب علشان البلد دي بنت تيييييت تييييييييت تيييييييييييييييييييييت :k26:

الكمين دا مره وقفني و كنت هتخانق خلاص مع الظابط علشان كنت ماشي 70 و هوا قالي السرعه هنا 60 بردو

بس جبت الرخصه من المرور و مدفعتش شلن

ربنا يعوض عليك يا باشا في ال 150 جنيه

ماهو أنا أصلا ....شوفت الزبون واديتة شكلة (على فكرة دا مثل صحيح )....ولا يهمك ياباشا....ما أنت عارف اللى مالوش ظهر بينضرب على ........؟

**samirayad** · 17-01-2009 02:45 PM

المشاركة الأصلية كتبت بواسطة samer_engines

بصراحة مش عارف ايه اللي ممكن اعمله ساعتها هل حتهور و اضربه بدل القلم 30 قلم علي قفاه و لا حتصل بحد من المعارف ما هو ربنا يخلي لنا الموبيل..
بس أظن اني حتصل بحد من الحبايب و أخليه يتصرف معاه و ساعتها حقوله أنا حردلك القلم بس مش بأيدي بالجزمة علي دماغك.

لا بص ياريس....بصفتك أستاذ فى الفرامل....مطلوب منك الفرملة وكفاية علشان الماستر ماينضربش.

**SAMER_ENGINES** · 17-01-2009 02:47 PM

المشاركة الأصلية كتبت بواسطة samirayad

لا بص ياريس....بصفتك أستاذ فى الفرامل....مطلوب منك الفرملة وكفاية علشان الماستر ماينضربش.

معاك حق أستاذ سمير بس بجد الموضوع مستفز جدااااااااااااا.

**samirayad** · 17-01-2009 03:09 PM

المشاركة الأصلية كتبت بواسطة samer_engines

معاك حق أستاذ سمير بس بجد الموضوع مستفز جدااااااااااااا.

من ناحية مستفز ....فهو مستفز......بس لابد من الصبر وننتظر يوم القصاص......يوم لاينفع الظالمون معذرتهم.....ألا وهو يوم القيامة.....اللى لو كل واحد وضع هذا اليوم أمام عينية.....مش حانسمع كل هذة المهاترات

**mostafabakry** · 17-01-2009 10:50 PM

العين بالعين و السن بالسن و البادي اظلم

يبقي ربنا كتب له عمر جديد لو عاش بعد كده

معلش يا جماعة ملهاش حل غير كدا يا اعيش بكرامتي يا اموت احسن

اسف في اللفظ ما يجيش واحد فاشل دخل كليه الشرطة ب 48 % و مش بعيد دخلها بو اسطة مش محترمة و كلكم فاهمين قصدي كويس يعملهم عليا لأني هطلع عليه كل الهم و الغل اللي جوايا من البلد دي و خصوصا من بتوع الشرطة

طبعا دا ما يمنعش ان فيهم ولاد ناس محترمين و من بيوت راقية لا يمكن يعملوا السخافات دي

و سلا م عليكم احسن انا دمي بيغلي و عاوز اتخانق مع الهوا دلوقتي

علي فكرة الموضوع بيحرق الدم و مستفز ههههه اكيد صاحبة كان مضايق لما كتبه

**moudy88** · 18-01-2009 06:55 AM

المشاركة الأصلية كتبت بواسطة samirayad

من ناحية مستفز ....فهو مستفز......بس لابد من الصبر وننتظر يوم القصاص......يوم لاينفع الظالمون معذرتهم.....ألا وهو يوم القيامة.....اللى لو كل واحد وضع هذا اليوم أمام عينية.....مش حانسمع كل هذة المهاترات

+1111111111111111111111111111111111111111111111111 1111111111111
احنا في مصر مش هناخد حقنا في اي حاجه الا يوم القيامه
يعني هنعيش حياتنا كلها بناخد على دماغنا
بس اللي يصبر ويحتسب عند الله هو اللي ربنا هيكافئه في الاخره

**elhdry2000** · 18-01-2009 07:13 AM

وهى ايدة بتنزل من على وشى هيلاقى ايدى الاتنين على وشة
وربنا يسهل بعدها

**Nistelrooy** · 18-01-2009 10:19 AM

على طول وبدون نقاش عملت محضر التصالح ودفعت150جم ...لكى أتفادى الاحتكاك

***

مش فاهم يعني اية روحت القسم وسبت اللجنة وعملت محضر !
بجد مش فاهم حد يفهمني الحتة دي ؟!

**D . a .\ AYMAN** · 18-01-2009 09:12 PM

المشاركة الأصلية كتبت بواسطة Nistelrooy

على طول وبدون نقاش عملت محضر التصالح ودفعت150جم ...لكى أتفادى الاحتكاك

***

مش فاهم يعني اية روحت القسم وسبت اللجنة وعملت محضر !
بجد مش فاهم حد يفهمني الحتة دي ؟!

دلوقتي في قانون المرور الجديد بتعمل محضر صلح فورا مع الضابط اللى واقف في اللجنة وتدفع نص الحد الأدنى للمخالفة ...

لكن لو معملتش المحضر وكتب المخالفة واترحلت على الملف هاتدفع الحد الأدنى لو دفعتها في أول يوم من ترحيلها

لو مادفعتش وجيت تدفع في يوم تجديد الرخصة بتدفع قيمة المخالفة عادي

**matrix4arabs** · 18-01-2009 10:00 PM

الحق يقال يا جماعه...
كثير من ظباط المرور اللي قابلوني في كماين كانوا غايه في الاحترام عدا قلة منهم.

واغلب التجاوزات كانت من امناء الشرطه.

بالنسبة للموضوع الاساسي:
مش عارف حيكون رد فعلي ازاي وقتها. بس أكيد حيكون خارج حدود العقل والمنطق ومش حاعمل حساب ولا لبدلة ميري ولا لرتبة ( كله الا الكرامه ).

مع احترامي لضابط الشرطه اللي مفترض نفسه ELBASHA.
وياريت تغير ال NICKNAME لانك ممكن تكون شخصيه محترمة جدآ زي كتير من الظباط المحترمين والخلوقين اللي بنشوفهم ( مش كتير وبرده مش قليلين) لكن كلمة الباشا دي بتعمل لي حساسية.

خلال تصفحي للموضوع لفت انتباهي بعض التعليقات:

لا أعلم ان كانت نكته أم حدثت بالفعل ...
فى كمين الضابط وقف نص نقل محمل بهائم قال له الضابط :- واخد اخواتك ورايح على فين ؟
قال له بكل سرعة : - على كلية الشرطة ياباشا ... وهنا ضربه الضابط بالقلم بس قلم السوااق كان أشد

noni67
بلا أدنى تفكير أكيد مش هيمر أكتر من 10 ثوانى وهيكون عضمة مناخيرة مكسورة وبينزف دم
حتى لو ده أدى لشنقى على الطبلية مهما كانت العواقب أحنا ما فاضلش لينا فى البلد دى غير الكرامه كمان هيخدوها منا
لأ وألف مليون لأ كمان ضابط شرطة لوا شرطة وزير داخلية هيتوضب ويحصل اللى يحصل بعدها
على الاقل لو مت اموت بكرمتى يا أخى

د/أمير
النهارده انت بتنفذ اوامر غصب عنك ممكن بس بتنفذها
بس يوم القيامه محدش هينفعك غير عملك

لفته اكثر من ممتازه يا د/أمير.

يا جماعة أنا عن نفسى عمرى ما حصلى أو شفت موقف زى ده ..
بس أنا هنقل ليكم كلام قريبى إللى أعدت أتكلم معاه عن المواضيع ده و الكلام ده .
و هو ضابط بس مش شرطة .. و خدم فى اماكن نزاعات فى العالم .
عامة المهم الموضوع ده مش للشرطة و بس لكن لأى حد .
أول حاجة :-
1- ما تتكلمش مع أغراب أى كان إلا بكلمات مقتضبة جدا .
2- لو فى لجنة وقفتك أو أى حد سلطة كلمة بإحترام و بثقة جامدة جدا لدرجة إنه لو كان مين هيخاف من الثقة العالية إللى فيك و هيتعامل معاك و مهما حصل مبتسم .
3- إتكلم معاه فى حدود المعقول و متعدش ترغى و يا باشا و الكلام ده لأنه مش باشا .هو حضرتك أو برتبته و خلاص ... و إتكلم بثقة و تكون فاهم القانون كويس و بصوت واطى يعنى مزيج من الإتيكيت على الثقة .
4- لو حد إعتدى عليك لو شرطة يعنى مترضش الإهانة ولا تتخانق و تتصل بالتليفون تشوف محامى أو أى حد تعرفه و تفضل واقف فى اللجنة و تحاول بأى طريقة تعمله محضر يعنى تلبسه فى حاجة و تكون لسه على ثقتك .. بإختصار الحرب النفسية مهمة جدا جدا فى الموضوع ده ... القوى مش بيحتاج يشتم ولا يستخدم إيدة و هما فاهمين كده و هياخافوا من اى حد .
5- ما تحاولش تستخدم العنف مع الشرطة لانه مش هيوديك فى سكة كويسة (إلا فى حالات خاصة جدا جدا هبقى أقولها بعدين لأنها طويلة و مالهاش علاقة المرور ) و لأن كمان طالما إخترت تدافع عن نفسك ده ليه أسس مش هتفيدك فى مواقف ما تستهلش زى دى ..
يعنى على سبيل المثال لو حد حرامى حاول ينشلك أو حد إتعرضلك تبدأ بالخجوم و تقتله .. أو على الأقل فقدان وعى من غير شفقة أو رحمة .. و أكيد مش هتستعمل إيدك مع ضباط لأن مش هتاخد حقك كده بالعكس هتضر نفسك .
الإيد ده دفاع عن النفس مش أخدان حق ..