تعمل ايه لو و انت في لجنه الضابط ضربك القلم

**MohaMed_Refaat** · 26-11-2008 07:01 AM

المشاركة الأصلية كتبت بواسطة omarhelmy

الناس دي افترت والله
مفيش يوم بيعدي غير ما بنسمع عن مهزلة من مهازلهم
قال الشرطة في خدمة الشعب قال

انت لسة فاكر الشعار دة مغيروة وكل سنة وانت طيب دلوقتى الشرطة والشعب فى خدمة الوطن اللى انا عايز افهمة (ما هو الوطن اللى احنا حنخدمة) انا اللى اعرفة ان المفروض الناس دية توفر امن وخدامات للمواطنين ويساهموا باداء دورهم فى توفير خدمات للمواطنين اللى هو بدورة حيساهم فى تنمية ورخاء الوطن وبكدة حيبقى الشرطة فى خدمة الوطن كولة انما الشعار المجوف دة انا مش فاهموة نهائى

**meza** · 26-11-2008 08:08 AM

رد الفعل اللحظى هيكون يا إما بونية فى وشه أو قلم ... و محدش هيلحق يحوشنى عنه.

أما لو تمالكت نفسى ... هدخل فى الإجراءات القانونية ... و مفيش مانع أكلم حد من أصحابى بس لو حسيتهم بيموتوا فى الإجراءات .. و لو إنى مش بفضل كده لأنى واثق إن الظابط ده هيتعاقب هيتعاقب و مش بعيد يتشال من الخدمة فى حالة إنى عرفت أمشى فى طريق الإجراءات السليم ... هطلع على المديرية عدل من غير أقسام ولا بتاع.

المشاركة الأصلية كتبت بواسطة Hossam_Hassan

نصيحتى بقى لأى حد يتحط فى الموقف ده انه يمسك اعصابه و مايمدش ايده و يحاول يخلى اى حد حضر الموقف انه يشهد معاه و يروح على وزارة الداخلية عدل و يقدم شكوى فى التفتيش و هناك هيقوموا بالواجب و اكتر علشان نفسهم فعلا يوروا الناس ان الشرطة كويسة و يحسنوا سمعتها اللى بقت زى الزفت.

نصيحة غالية يا أستاذ حسام.
و لو كل واحد عرف حقوقه فى البلد دى هيعرف إنه بيظلم نفسه بنفسه (أو بيشارك فى ظلم نفسه) ... يا ريت تقروا كتاب "عشان متنضربش على قفاك" لظابط سابق إسمه عمر عفيفى ... الكتاب ده هيعرفك كتير من حقوقك
http://dextar3000.files.wordpress.co.../afak-full.pdf
أو
http://rapidshare.com/files/11110895...OMAR.AFIFY.rar

**SeiffoZ** · 26-11-2008 06:03 PM

المشاركة الأصلية كتبت بواسطة NYSMA

مش أي خفير شرطة طبعا من حقه يشوف بطاقتك أو رخصك أو ما الى ذلك

الضباط فقط من لهم هذا الحق ... أما بالنسبة لأمناء الشرطة فده بيكون بإشراف ضابط أو تنفيذا لأوامر ضابط

ده بالنسبة للرخصة بس ...
لكن البطاقة من أى حد يشوفها بعد ما تتأكد من شخصيته ..
لكن ممنوع حد يسحبها حتى لو إيه ... حتى لو لواء .

**elassar2010** · 26-11-2008 07:20 PM

المشاركة الأصلية كتبت بواسطة Relentless_mayhem

ده بالنسبة للرخصة بس ...
لكن البطاقة من أى حد يشوفها بعد ما تتأكد من شخصيته ..
لكن ممنوع حد يسحبها حتى لو إيه ... حتى لو لواء .

دة القانون انما الناس دى بتتعامل باسلوب البلطجة

**masrawy99** · 26-11-2008 11:31 PM

الموضوع ده صعب حدوثه جدا جدا مع الملاكى ولو الراكب شكله محترم ومهذب لن يحدث ابدا ابدا هذا باى شكل ولو حتى فى الحلم
ممكن يحصل مع واحد سارق العربية او مشكوك فيه
او وشه من النوع المالوف يعنى فى وشه بشل وخرايط بالمطاوى او سواق على عربية ملاكى او شباب معاهم بانجو الى اخره واللى عاوز يتفرج يطلع يشوف الكماين اللى محزمة القاهرة زى كمين سينما مودرن او كمين السواح او عبود او الكورنيش
مبدئيا التعامل مع النقل والاجرة متدنى جدا وسافل وفى الاخر ممكن الموضوع يخلص بالفلوس او يتعمل مخالفة وسحب رخص
لكن بعض السائقين الاجرة علشان ينهى المخالفة ينزل يبوس رجل وكلام من المعروف يا باشا ويا سيادة اللواء لامين شرطة وعسكرى ومندوب شرطة كمان ويكون الامر فى النهاية مد يد من الشرطة على هؤلاء لانهم اذلوا انفسهم فاذلهم الله
لكن لا مانع من وجود سائقين اجرة محترمين جدا ولا احد يجرؤ ان يفعل معهم شئ لو هو تمام التمام والرخص سليمة
لكن الملاكى يجب ان نفرق ايضا بين ناس مشبوهه راكبة وممكن يكونوا متلبسين ويضربوا بالجزمة كمان
ولا ننسى اننا محكومين بالطوارئ يعنى ممكن اى كمين يفتش العربية ويفتشك انتا شخصيا لو اشتبه فيك
وكثيرا ما اجد عند كماين القاهرة اللى ذكرتها شباب واقفة بجوار عربية ملاكى على جنب وبيتفتشوا هما والعربية وغالبا يكون البحث عن مخدرات او سلاح ولو ضبطوا شئ معهم فخلاص كده موضوعهم انتهى ولا انضربوا الف قلم على سهوا
وممكن رجل ملتحى يفتش من امن دولة ولو سليم بيتركوه يمشى
ممكن يزروه ياخدو معه البريك فاست بعد كده الفجر بس فى الكمين بيبقوا محترمين جدا ولا يتطاولوا على احد وتعاملهم راقى جدا
انما لو سيارة ملاكى ورقها تمام والناس اللى فيها محترمة هيعمل معهم مشاكل ليه؟
مهو لو عاوز يعمل قلق ميعمله مع الالاف من بتوع الاجرة وهيعمل فلوس للصبح ولو عاو يضرب حد بتوع الاجرة شغالين برده لان العرف السائد عنهم انهم ناس غلابة وليس لهم ضهر
يبقى اه يخلى ظابط يعمل مشكلة مع واحد ميعرفوش ويضربه كده وخلاص ؟
راكب الملاكى ممكن احد اقاربه اخوه عمه ابوه خاله جوز اخته اى حد ممكن يكون رتبه فى الشرطة او النيابة او مجلس الشعب او الشورى او اى جهه سيادية
فاه يخلى ظابط يخاطر ويعمل كده ؟
لو الظابط عمل كده يبقى ده شئ من اتنين
لاما يكون مختل عقليا
لاما فيه شئ حدث كبير مع هذا الراكب وان هذا الركب تطاول بشكل او باخر على الظابط ومن خلال الرخصة والبطاقة الشخصية تاكد الظابط ان هذا الرجل لمؤخذة هفأ ملهوش ضهر ولما هيخبطوا مع بعض فى الكلام والموضوع هيسخن هيجد الرجل نفسه محاط من عصابة كبيرة ولو الظابط ضرب قلم سوف تكون هذه هى بداية افتتاح كاس الامم الافريقية التى سوف يبدا على اثرها وصلة من العزف المنفرد على قفا هذا الرجل
ولا احد يفكر انه هيضرب واضربه ومش هسيبه واموته وهموت
لان ده كلام مش هيحصل لانه مش هيلحق اصلا
ولو حصل اى تشابك
مثلا مسكت كم بدلة الظابط مثلا او حسست له على الاظبليت فسوف يكون الانتقام عنيف من السادة الامناء والمندوبين وعساكر الامن المركزى وسوف تعلو الصياحات الله اكبر ...الله اكبر
ولو معتذرتش ممكن تلبس قضية بانجو فله على مقاسك
فلازم تنضرب وتعتذر علشان تروح لانا عمرك مهتروح
وبعد كده لما تمشى تروح شكاوى وزراة الداخلية وتروح كام جريدة تعمل لهم قلق وتتصل برقم
139 الخط الساخن وتقدم شكاوى بريدية وشكاوى باليد
غير كده مش هيحصل

لاننا نعيش فى ازهى عصور الديمقراطية

**أشرف العدوي** · 27-11-2008 01:06 PM

أعزائي المشاهدين اليكم أخر الانباء

لإجبارهن على الاعتراف بحيازة السلاح

وفاة مصرية بنوبة قلبية بعدما هددها ضابط بتعريتها وبناتها في الشارع

[FONT='Times New Roman','serif'][/FONT]

القاهرة- د ب أ
توفيت سيدة مصرية، تبلغ من العمر 45 عاماً، نتيجة إصابتها بنوبة قلبية مفاجئة، بعدما هددها ضابط شرطة بنزع ملابسها وملابس بناتها وزوجة ابنها في الشارع، أمام أهالي القرية، لإجبارها على الاعتراف بحيازة أسلحة.

ونقلت صحيفة "البديل" المصرية، الأربعاء 26-11-2008، عن أهالي قرية الشيخ راجح، بمحافظة أسيوط (380 كم جنوب القاهرة)، أنه، ما إن سمعت السيدة، وتدعى زينب حسين أحمد، بتهديد الضابط في قسم أبو تيج بأسيوط ويدعى محمد شرقاوي، خلال حملة أمنية كان يقودها على القرية، حتى أصيبت بنوبة قلبية مفاجئة أودت بحياتها.

[FONT='Times New Roman','serif']ونسبت الصحيفة إلى ابن القتيلة ويدعى علاء فؤاد محمد (28 عاما[/FONT][FONT='Times New Roman','serif']) [/FONT][FONT='Times New Roman','serif']قوله: "فوجئت بالخبر فور استدعائي من مدينة الغردقة (الساحلية شرقي مصر) التي أعمل[/FONT][FONT='Times New Roman','serif']بها، وكانت الشرطة قد داهمت منزلنا أمس الساعة 12 ليلا (بالتوقيت المحلي) للبحث عن[/FONT][FONT='Times New Roman','serif']سلاح، وفتشوا المنزل ولم يعثروا على شيء[/FONT][FONT='Times New Roman','serif']".

[/FONT][FONT='Times New Roman','serif']وتابع: "وبعد الانتهاء من تفتيش[/FONT][FONT='Times New Roman','serif']المنزل قال احد المخبرين ويدعى جمال ضبع للضابط إن هناك منزلا آخر للأسرة قام أيضا[/FONT][FONT='Times New Roman','serif']بتفتيشه، ولم يعثر على أي شيء. حينها، هدد الضابط والدي وأفراد أسرتي بإخراج أمي[/FONT][FONT='Times New Roman','serif']وشقيقاتي البنات وزوجتي، ونزع ملابسهن أمام أهالي القرية للاعتراف بوجود أسلحة[/FONT][FONT='Times New Roman','serif']لدينا. وما أن سمعت والدتي هذا الكلام حتى أصيبت بنوبة قلبية حادة، وماتت ومنع[/FONT][FONT='Times New Roman','serif']الضابط الأسرة من استدعاء الإسعاف أو نقل أمي للمستشفى[/FONT][FONT='Times New Roman','serif']".

[/FONT][FONT='Times New Roman','serif']وأضاف علاء أن[/FONT][FONT='Times New Roman','serif'] "[/FONT][FONT='Times New Roman','serif']إذن النيابة بتفتيش المنزل لم يصدر إلا بعد قيام الضابط بالتفتيش، وتوجهنا على[/FONT][FONT='Times New Roman','serif']الفور بإبلاغ النيابة والشرطة وحررنا شكوى ضد الضابط وباقي أفراد الشرطة المرافقين[/FONT][FONT='Times New Roman','serif']له الذين تسببوا في وفاة والدتي[/FONT][FONT='Times New Roman','serif']". [/FONT]

**MoToRiZeR** · 27-11-2008 08:05 PM

ميزة علي فكرة قانون قانون الطوارئ يمسح كتاب عمر عفيفي بالأستيكة و يخليه ملوش أي لازمة .

**دموع الثلج** · 27-11-2008 09:31 PM

بصراحه الكلام والنصايح كلها تحفه

لكن على ارض الواقع القوى هو من يملك نفسه عند الغضب

واظن اغلبنا صعب يمسك نفسه

وانا اولهم لو لا قدر الله حصل وواحد اتفلسف بس عليا وهيسوق فى الهبل هفتح نافوخه بكعب جزمتى او باى شى

وتخرب تخرب

لكن صراحه واحد ياكل بالقلم من ظابط ويمسك نفسه ده المفروض يدوله وسام الصبر

**meza** · 27-11-2008 09:42 PM

المشاركة الأصلية كتبت بواسطة MoToRiZeR

ميزة علي فكرة قانون قانون الطوارئ يمسح كتاب عمر عفيفي بالأستيكة و يخليه ملوش أي لازمة .

قانون الطوارىء فى طريقة للإلغاء ..... كمان متنساش يا صديقى إن تطبيق القانون ده بيبقاله شروط كتير ... يعنى اللى بيتضرب فى القسم ده بمجرد ما يثبت على الظابط التهمة بيتعاقب .. و ساعتها ولا قانون طوارىء و لا حاجة هتشفعله ....

المقصود يا موتو إننا لينا حقوق ... لازم نعرفها ... حتى لو حقوقنا قليلة و فى حدود ضيقة لكن لازم نستغلها و نعرف راسنا من رجلينا ... عشان ميجيش ظابط يضحك عليا و يستغل جهلى.

مثال قريته فى الكتاب بتاع عمر عفيفى: مش من حق الظابط إنه يفتش عربيتك ولا يمد إيده فيها إلا بإذن من النيابة لأنها ملكية خاصة .... لكن فى حالة لو صاحب العربية ميعرفش الحكاية دى هتلاقيه بيقوله إتفضل بدون ما يعترض ولا يستفسر حتى ... و فى الحالة دى القانون بيعتبر إن التفتيش ده قانونى لأن المالك تنازل عن حقه للظابط بالسماح له بالتفتيش .. و لو الظابط رمى حتة حشيش ولا بانجو هتبقى قضية مخدرات بتفتيش سليم محدش يقدر يعترض عليه.