((عايزين نعرف هانعمل ايه من دلوقت))

**ابوشريف** · 26-11-2008 03:52 PM

المشاركة الأصلية كتبت بواسطة kodak_gti

مش هنعمل حاجة
اللى معاه هيشترى واللى معهوش هيضرب دماغه فى الحيط
وهو ده اللى بيحصل دايما

+11111111111111

**ahmed76** · 26-11-2008 03:56 PM

اسعار الغذاء والدواء لما بتزيد يقولك اصل دى الاسعار العالميه
موافقين يا سيدى
اسعار العربيات فى الخارج ارخص يقوموا يحطوا جمارك ... ليه يا عم
يقولك اصل دى حماية الصناعة الوطنية

العربيات فى مصر بقت عاملة زى العقارات (اصول ثابته وتحف صاج معمارية ماشية على الارض )

**badblood** · 27-11-2008 12:28 AM

المشاركة الأصلية كتبت بواسطة kodak_gti

مش هنعمل حاجة
اللى معاه هيشترى واللى معهوش هيضرب دماغه فى الحيط
وهو ده اللى بيحصل دايما

+1
وعلى المتضرر اللجوء لله سبحانه وتعالى
وعمار يا مصر

**GoldenManEye** · 27-11-2008 11:45 AM

نفسى اقول نعمل مظاهرات و إضرابات .... بس للأسف مفيش فايده!!!

الناس دى وصلتنا لحالة من الإحباط! لا يمكن معها أن تقوم بأى شىء إيجابى.

إقتراح اننا نجيب من الخليج كويس بس ده علشان ضرب التوكيلات بس

إنما الجمارك مالهاش حل،

ولو المشكلة إن العربيات هتكتر فى البلد ممكن يلغوا تراخيص العربيات القديمة 25 أو 30 سنه مثلاً، وبكده يبقى فى نوع من التوازن.

**Ghamrawy** · 27-11-2008 02:13 PM

المشاركة الأصلية كتبت بواسطة GoldenManEye

إقتراح اننا نجيب من الخليج كويس بس ده علشان ضرب التوكيلات بس

إنما الجمارك مالهاش حل،

.

الخليج حايبقى زى بقية (العالم) المحترم و اسعار العربيات فيه حاتنزل و بالتالى اسعار العربيات فيه حاتبقى ارحم كتيير من هنا حتى لو الاتاوة (الجمارك) فضلت زى ما هى
و فى نقطة تانية و هى ان الجمارك بتتحسب على اساس نسبة من سعر العربية فى بلد المنشأ و طالما السعر فى بلد المنشأ حاينزل يبقى الجمارك المحسوبة حاتقل
و الله أعلم

**Sharky** · 27-11-2008 03:20 PM

من الاخر علشان السيارات سعرها يقل فى مصر زى بره علشان الأزمة الإقتصادية إللى بره لازم كل مواطن مصرى يتأثر من هذه الأزمة

يعنى مثلا المرتبات تقل و يبقى مافيش وظائف جديد و يتم الإستغناء عن العمالة زى ما بيحصل بره

لكن لا تتوقعوا نزول فى أسعار السيارات فى مصر و مرتبات و دخول المواطنين زى ماهى مانزلتش أو قلت

**Lion_Heart** · 10-12-2008 01:54 AM

مش عارف حاسس ان عمر الأسعار ما هتقل , الحمد لله معانا عربيات سترانا و بصراحة مش عاوز اعلق نفسى بأوهام , وبأحاول اقول لنفسى انا مبسوط كده انا مرتاح كده .... .

**alhamza** · 10-12-2008 02:32 AM

حسبي الله ونعم الوكيل مهو الواحد مش هيعطل مصالحه علشان العربيات مرخصتش مشكلة مصر مش في التوكيلات المشكله في الجمارك الغريبه انا اعتقد انها مخالفه للدستور وحقوق الانسان

**mahmoud_magdy** · 10-12-2008 02:46 AM

المشاركة الأصلية كتبت بواسطة sharky

من الاخر علشان السيارات سعرها يقل فى مصر زى بره علشان الأزمة الإقتصادية إللى بره لازم كل مواطن مصرى يتأثر من هذه الأزمة

يعنى مثلا المرتبات تقل و يبقى مافيش وظائف جديد و يتم الإستغناء عن العمالة زى ما بيحصل بره

لكن لا تتوقعوا نزول فى أسعار السيارات فى مصر و مرتبات و دخول المواطنين زى ماهى مانزلتش أو قلت

كلام حضرتك مزبوط
لكن مفكرتش في الفرق بين الدخل الشهري للفرد في مصر
والدخل الشهري لمواطن اجنبي ( في دوله تفرض العدل )
اظن ان لو حصل في مصر زي ما بيحصل بره يبقى دا عذاب من ربنا
ال يعني الشباب لاقيه شغل لما هيستغنو عن عمال مثلا
او موظف ميلاقيش مرتب اخر الشهر
دا في ناس عايشه اليوم بيومه

حسبي الله ونعم الوكيل
فوضت امري الى الله

**AshTurbo** · 10-12-2008 03:14 AM

ومين قال أن أحنا مش هنتأثر بالأزمة دة أحنا هنتفرم مش هنتأثر بس لو الأزمة دي طولت ومحصلتش المعجزة اللي مستنيها العالم واللي أمهر وأقوى محاسبين الأرض محتارين في السيطرة عليها وأيجاد حلول ليها وبدل ما هيبقى تفكيرنا نجيب عربية كام سي سي وكام حصان هيبقى تفكيرنا هنصرف منين ونأكل من فين لأن أقتصادنا ضعيف في مرحلة النقاهة لسة بيقوم على حيلة حتقولولي لأ دة بيوصل 7 % هقولكم طيب هو قائم على أية أحنا ولا عندنا موارد ولا عندنا أنتاج اللي عندنا مؤسسات حتقولولي وقناة السويس فين والسياحة كمان هقولكم السياحة أتضربت وقناة السويس بتعرج برجل واحدة وهيخفضوا أسعارها بعد العيد وخد عندك خط الأنابيب بتاع أسرائيل كمنافس لقناة السويس وتخيلوا لو أتلغت الجمارك في مصر على الحال دة مش هيبقى في أي موارد فاضلة أنا مش بنصح أي حد بحاجة ولا أنا أحسن من أساتذة وخبراء الأقتصاد في العالم كله يحسبها صح هيعيشها صح على رأي الأعلانات اللي بتنصح بكدة .

مشاهدة نتائج الإستطلاع: هنعمل ايه لو الاسعار ما رخصتش

الموضوع: ((عايزين نعرف هانعمل ايه من دلوقت))

LinkBack

أدوات الموضوع

عرض

-

-

-

-

المواضيع المتشابهه

عايزين نعرف احنا كام واحد

عايزين نعرف نجيب تيل فرامي نضيف

عايزين نعرف ايه نظام السماعات دي

حد يعرف العمر الإفتراضى لموتور اللوجان كام ؟؟؟؟ ولو عايزين نعرف نعرف منين ؟؟؟

ايه رايكم عايزين نعرف بعض اكتر؟!

الكلمات الدلالية لهذا الموضوع

المفضلات

المفضلات

ضوابط المشاركة