((عايزين نعرف هانعمل ايه من دلوقت))

طبعا يا جماعة احنا هنا في مصر مظلومين من قيادة السيارات المحترمة زي باقي دول ربنا اللي بيسوقو الباسات والبي ام والمرسيدس والهامر كمان لان باختصار الاسعار برة مصر رخيصة جدا لان الدول مش بتفرض جمارك ع السيارات زي مصر :banghead:
هنعمل ايه يا جماعة لو اسعار السيارات انخفضت بسبب الازمة العالمية في الدول اللي حوالينا (اكتر من ماهي منخفضة) ولم تنخفض في مصر لاي سبب كان زي الجمارك او جشع التوكيلات او خوفا ع الحالة المرورية في مصر اللي هي مش ناقصة زيادة عدد ملاك السيارات:funny34d::funny34d:

يا ريت نفكر من دلوقت هنتصرف ازاي لو ده حصل

انا ملاحظ ان كل المواضيع اللي في المنتدي ناس بتقول الاسعار هتنخفض زي كل الدول وناس بتقول مش هتنخفض في مصر بالذات لان مصر ليها طابع خاص
وماحدش اتطوع وقال لو فعلا ما رخصتش في مصر هنعمل ايه؟

هل هتكون المقاطعة النهائية لشراء السيارات هي الحل:smilielol5:
ام عمل مظاهرات مطالبة بالمساواة مع باقي الدول :gun_bandana:
ام هنركب التاكسيات الجديدة اللي هتتبدل ونريح دماغنا من السواقة:seeya:
ام الاستسلام للامر الواقع ونشتري وخلاص :k30:
ام هنقول البلد مش ناقصة خنقة مرور واشارات واحسن كدة :iagree:

ارجو نشوف رأي كل عضو

هو فعلا موضوع مزعج جدا وخصوصا ان انا اكتشفت ان بثمن عربيتى النوبيرا ممكن اركب هامر h2 موديل 2003 فى امريكا (شوفتها على yahoo auto ) بس دة افضل حل عشان الزحمة لحد منصلح الطرق ونلتزم بالقانون كلنا غير كدة البلد ممكن يجلها شلل مرورى بجد لو العربيات رخصت خصوصا طبيعة الانسان المصر مبيحبش يرمى حاجتة القديمة هيعد يغير فى العربيات ويخلى القديمة بردة ولك ان تتخيل عدد العربيات بقى

مش هنعمل حاجة
اللى معاه هيشترى واللى معهوش هيضرب دماغه فى الحيط
وهو ده اللى بيحصل دايما

انا كنت كتبت رد قبل كده ف موضوع وهعمله اقتباس هنا .. الرد كان بخصوص الزحمه بتاعت العربيات

اقتباس:

---

والله ما بيزود الازمه المروريه غير عدم النظام ... وشوف دول بره عاملين ازاى وهنا عاملين ازاى

تلاقى سواق الميكروباص زى الحيوان ( استغفر الله ) لكن مش عارف اقول ايه عنه غير كده .. تلاقيهم عند الجامعه مثلا عين شمس بيلفوا ويخبطوا ف الناس والله كانهم حجاره ف الارض او كلاب قدامهم ويخشوا فيهم بالميكروباص ويلف الشارع قدامك ويسدوا عليك ولو مجرد لاقك بتبصله بس ولا اي حاجه يحسسك انك بتعمل حاجه غلط ده اذا مزعقش فيك

السواقه فى مصر ماشيه بلطجه .. ومفيش مرور اصلا

وحسبى الله ونعم الوكيل

---

ده بالنسبه لموضوع الزحمه .. اما موضوع بقى هنعمل ايه ف فعلا فعلا الواحد هيطق والله العظيم من اللى بيحصل فى بلده ! بجد كده حرام .. ازاى العربيه تبقى اضعاف تمن اى منطقه فى العالم ! ازاى العربيات فى مصر تبقى اغلى من اى حته واى حته ف العالم .. او حتى اذا مكانتش الاغلى فهيه من اغلى الدول فى الاسعار ..

ولكن اذا قلت نقاطع شراء السيارات فلا حياء لمن تنادى




ده اقتباس تانى ليا من كتر الخنقه اللى انا حاسس بيها

اقتباس:

---

المشاركة الأصلية كتبت بواسطة mxz911

يا جماعه شوفوا اسعار العربيات المستعمله ف اليابان

http://www.japan-partner.com/sedan.html

المرسيدس بسعر ال 128 حرااااااااام هعيط والله من الاسعار .. والنيسان السكاى لاين ارخص من ال 128 .. بحوالى 14 الف جنيه موديل سنه 2000

حراااام بجد اللى بيحصل فى مصر .. ده حتى لو الواحد معاه فلوس والله بجد حرام يشترى عربيه من هنا بسبب فارق السعر الرهيب رهيييييييب يعنى هنا العربيات الجديده بضعف تمن اللى بره 3 مرات والمستعمله بتبقى ضعف اللى بره بحوالى 12 مره والله بجد كده ظلم اوى وبلد مفهاش نظام

حسبى الله ونعم الوكيل

:k30:

---

اللهم اخرجنا من هذه البلدة الظالم اهلها !!

هنعمل ايه بس مش عارف

هنعمل ايه
اقولكو نعمل ايه
نقول حسبى الله و نعم الوكيل ...... بس فى مين
هقولكو نقولها فى مين ...........
.....الحكومه....
.... التوكيلات اللى معندهاش زمه و ضمير ...
وحسبى الله و نعم الوكيل فيكى يا بلد

نجيب عربيات من الخليج و بس

حضرتك قصدك بنظام التربتك ؟

طيب والله ياريت وفكره مش وحشه !!

والفكره دى حلوه بس للاسف فى نقطه هنا حضرتك مش واخد بالك منها وهيه ان مش كل الناس تقدر تروح اى بلد تانيه وتجيب عربيه من بره وتنزلها وترجع بيها بعد 3 شهور وتسيبها مده هنا ف بلدها ومش عارف ايه .. النظام ده صعب اوى :)

اللى بيحصل فى مصر خلاها فعلا فعلا بلد صعبه جدا :(

وربنا ينتقم من اللى كان السبب فى كل ده :(

لا مش موضوع تربتك خالص
الموضوع ان العربيات لو اسعارها نزلت فى العالم كله حاتنزل فى الخليج كمان و ساعتها ممكن نجيب العربيات الخليجى

ده على اساس ان مفيش جمارك فى مصر :(

اقتباس:

---

مش هنعمل حاجة
اللى معاه هيشترى واللى معهوش هيضرب دماغه فى الحيط
وهو ده اللى بيحصل دايما

---

وانا بردة بقول كده

اقتباس:

---

المشاركة الأصلية كتبت بواسطة kodak_gti

مش هنعمل حاجة
اللى معاه هيشترى واللى معهوش هيضرب دماغه فى الحيط
وهو ده اللى بيحصل دايما

---

+11111111111111

اسعار الغذاء والدواء لما بتزيد يقولك اصل دى الاسعار العالميه
موافقين يا سيدى
اسعار العربيات فى الخارج ارخص يقوموا يحطوا جمارك ... ليه يا عم
يقولك اصل دى حماية الصناعة الوطنية

العربيات فى مصر بقت عاملة زى العقارات (اصول ثابته وتحف صاج معمارية ماشية على الارض )

اقتباس:

---

المشاركة الأصلية كتبت بواسطة kodak_gti

مش هنعمل حاجة
اللى معاه هيشترى واللى معهوش هيضرب دماغه فى الحيط
وهو ده اللى بيحصل دايما

---

+1
وعلى المتضرر اللجوء لله سبحانه وتعالى
وعمار يا مصر

نفسى اقول نعمل مظاهرات و إضرابات .... بس للأسف مفيش فايده!!!

الناس دى وصلتنا لحالة من الإحباط! لا يمكن معها أن تقوم بأى شىء إيجابى.

إقتراح اننا نجيب من الخليج كويس بس ده علشان ضرب التوكيلات بس

إنما الجمارك مالهاش حل،

ولو المشكلة إن العربيات هتكتر فى البلد ممكن يلغوا تراخيص العربيات القديمة 25 أو 30 سنه مثلاً، وبكده يبقى فى نوع من التوازن.

اقتباس:

---

المشاركة الأصلية كتبت بواسطة GoldenManEye

إقتراح اننا نجيب من الخليج كويس بس ده علشان ضرب التوكيلات بس

إنما الجمارك مالهاش حل،

.

---

الخليج حايبقى زى بقية (العالم) المحترم و اسعار العربيات فيه حاتنزل و بالتالى اسعار العربيات فيه حاتبقى ارحم كتيير من هنا حتى لو الاتاوة (الجمارك) فضلت زى ما هى
و فى نقطة تانية و هى ان الجمارك بتتحسب على اساس نسبة من سعر العربية فى بلد المنشأ و طالما السعر فى بلد المنشأ حاينزل يبقى الجمارك المحسوبة حاتقل
و الله أعلم

من الاخر علشان السيارات سعرها يقل فى مصر زى بره علشان الأزمة الإقتصادية إللى بره لازم كل مواطن مصرى يتأثر من هذه الأزمة

يعنى مثلا المرتبات تقل و يبقى مافيش وظائف جديد و يتم الإستغناء عن العمالة زى ما بيحصل بره

لكن لا تتوقعوا نزول فى أسعار السيارات فى مصر و مرتبات و دخول المواطنين زى ماهى مانزلتش أو قلت

مش عارف حاسس ان عمر الأسعار ما هتقل , الحمد لله معانا عربيات سترانا و بصراحة مش عاوز اعلق نفسى بأوهام , وبأحاول اقول لنفسى انا مبسوط كده انا مرتاح كده .... .:fdsa:

حسبي الله ونعم الوكيل مهو الواحد مش هيعطل مصالحه علشان العربيات مرخصتش مشكلة مصر مش في التوكيلات المشكله في الجمارك الغريبه انا اعتقد انها مخالفه للدستور وحقوق الانسان:Ka_che1[1]:

اقتباس:

---

المشاركة الأصلية كتبت بواسطة sharky

من الاخر علشان السيارات سعرها يقل فى مصر زى بره علشان الأزمة الإقتصادية إللى بره لازم كل مواطن مصرى يتأثر من هذه الأزمة

يعنى مثلا المرتبات تقل و يبقى مافيش وظائف جديد و يتم الإستغناء عن العمالة زى ما بيحصل بره

لكن لا تتوقعوا نزول فى أسعار السيارات فى مصر و مرتبات و دخول المواطنين زى ماهى مانزلتش أو قلت

---

كلام حضرتك مزبوط
لكن مفكرتش في الفرق بين الدخل الشهري للفرد في مصر
والدخل الشهري لمواطن اجنبي ( في دوله تفرض العدل )
اظن ان لو حصل في مصر زي ما بيحصل بره يبقى دا عذاب من ربنا
ال يعني الشباب لاقيه شغل لما هيستغنو عن عمال مثلا
او موظف ميلاقيش مرتب اخر الشهر
دا في ناس عايشه اليوم بيومه

حسبي الله ونعم الوكيل
فوضت امري الى الله

ومين قال أن أحنا مش هنتأثر بالأزمة دة أحنا هنتفرم مش هنتأثر بس لو الأزمة دي طولت ومحصلتش المعجزة اللي مستنيها العالم واللي أمهر وأقوى محاسبين الأرض محتارين في السيطرة عليها وأيجاد حلول ليها وبدل ما هيبقى تفكيرنا نجيب عربية كام سي سي وكام حصان هيبقى تفكيرنا هنصرف منين ونأكل من فين لأن أقتصادنا ضعيف في مرحلة النقاهة لسة بيقوم على حيلة حتقولولي لأ دة بيوصل 7 % هقولكم طيب هو قائم على أية أحنا ولا عندنا موارد ولا عندنا أنتاج اللي عندنا مؤسسات حتقولولي وقناة السويس فين والسياحة كمان هقولكم السياحة أتضربت وقناة السويس بتعرج برجل واحدة وهيخفضوا أسعارها بعد العيد وخد عندك خط الأنابيب بتاع أسرائيل كمنافس لقناة السويس وتخيلوا لو أتلغت الجمارك في مصر على الحال دة مش هيبقى في أي موارد فاضلة أنا مش بنصح أي حد بحاجة ولا أنا أحسن من أساتذة وخبراء الأقتصاد في العالم كله يحسبها صح هيعيشها صح على رأي الأعلانات اللي بتنصح بكدة .

اقتباس:

---

المشاركة الأصلية كتبت بواسطة KAMALMINA2000

مش عارف حاسس ان عمر الأسعار ما هتقل , الحمد لله معانا عربيات سترانا و بصراحة مش عاوز اعلق نفسى بأوهام , وبأحاول اقول لنفسى انا مبسوط كده انا مرتاح كده .... .:fdsa:

---

الراجل دة بيقول كلام زي الفل
ونفس الرئ
مش هنعمل حاجة
اللى معاه هيشترى واللى معهوش هيضرب دماغه فى الحيط
وهو ده اللى بيحصل دايما

معاك فلوس هاتشتري
مش معاك ......... اركب رجليك وربنا يديك الصحة

يا شباب رئيس مصلحة الجمارك جلال ابو الفتوح فى كل حوار معاه فى الجريدة بيقول انه تخفيض او الغاء الجمارك فى مصر مش هيحصل والكلام اللى بيطلع كل شوية دى اشاعات

ممكن طبعا نقاطع شراء السيارات ونجبرهم على احترام ادميتنا لكن ده ممكن يحصل فى حاله واحده فقط
لو اتحد الشعب المصرى على راى واحد ومافكرش فى مقوله وانا مالى هو انا اللى هاصلح الكون وامشى جنب الحيط
لو اتحد ممكن يصلح كل شئ
لكن للاسف طول عمرنا بنخاف وبنسلم بالواقع وعلشان كده عمرنا ماهينصلح حالنا وكان اولى اننا نطالب بحقوقنا وهى رغيف العيش لكن ماحصلش

واحنا كمصريين مثلنا مثل الضفادع فى سلوك حياتها

حيث قام احد العلماء بدراسه سلوك حيوان الضفدع البطئ الكسول الذى يفضل التأقلم على الوضع المحيط به فضلا عن مقاومته

فقام بوضع الضفدع فى ماء وقام بتسخينه رويدا رويدا حتى يرى متى سيصل قوه تحمل الضفدع لاقصى درجه حراره وماذا سيكون تصرفه حيال الوضع المحيط به
فكانت النتيجه هى كلما زادت درجه الحراره درجه قام الضفدع بتهيئه جسمه للاقلمه مع الوضع المحيط به وهو الماء الساخن وكلما زادت الحراره زاد التأقلم وهكذا حتى وصلت الحراره للدرجه التى لايستطيع تحملها فمات سلقا فى الماء الساخن
وهنا فضل الضفدع فى النهايه الاقلمه حتى الموت ولم يكلف نفسه القفز فقط من الماء للنجاه

فهكذا نحن المصريين

والغريب فى التجربه ان هذا الباحث شبه المصريين بتلك الضفادع فى سلوكها

يبقى احنا هنفضل زى ماحنا ومافيش شئ هيتغير الا اذا 0000000

فهل ممكن فعلا نغير سلوكنا ؟

الاستسلام للامر الواقع ونشتري وخلاص
عشان شعب سلبى

أنا مستغرب من نسبة الأستطلاع بجد ومستغرب من الأستسلام كأننا بنحارب مثلاً ولا بنعمل عمل قومي دا أحنا بنقول منشتريش عربيات جديدة ولا بنقول حاربوا ولا بنقول موتوا نفسكم تقوموا تقولوا الأستسلام أمال لو حاربتوا هتعملوا أيه والنبي اللي بيقول الأستسلام دة محسش أن رجولته بتتهان وهو بيقولها مع كامل أحترامي لرأي الآخرين بس عيب نقول أستسلام وأحنا لسة ما عملناش حاجة .

لو تلاحظوا عدد الأستطلاعات الموجودة في المنتدى دة ومنتديات أخرى هتلاقوا أن أنخفاض نسب المبيعات في أزدياد وأتحدى لو حد يقدر ينكر دة مستحيل ! معنى كدة أن أحنا مش بنتكلم عن أنخفاض بمزاج حد دة غصب عن الشعب ذات نفسه المشكلة الأساسية اللي هتقابل التجار والوكلاء أنهم يا أما يبيعوا يا أما ميبعوش يعني المشكلة الكبيرة في الفترة الجاية أن الناس مش هتشتري عربيات زي الأول سواء طبقة غنية أو طبقة متوسطة طبعا المتوسطة على الأقل و في أكثرالأحوال تفاؤلاً مش هتشتري عربية جديدة هتفضل باللي عندها و مفيش داعي نذكر الطبقة الفقيرة ربنا يكون في عونهم ودول طبعاً ليسوا داخل حسبة تجار السيارات .

علي فكرة يجاماعة من نتيجة الاستطلاع يتحقق القول ان
الشعب المصري شعب سلبي ليس لة اي هوية
وسدق الي قال شعب مطية لمن يمطتي (يعني الييجي يركب او يركبوا مش فارقة )
لحد امتة هنكون سلبيين
اي واحد يتحكم فينا بحق وبدون وجة حق مصريين اية ياعم
البيرول ينزل لا40 دولار للبرميل بدل 140 دولار تقوم الدولة ترفع سعر البنزين مواكبة للاسعار العالمية ولاماسعر البنزين ينزل يردوزير البترول الله يكرمة طبعا عرفين يكرمة يعني اية مش عايز اوضح اكتر من كدة يقول معاننا رفعين سعروة مع اننا لسة مدعمينوا حاجة غريبة تحس انه بيكلم شعب متخلف ومبيفهمش
عشان كد ربنا سبحانة وتعالي يقول علي لسان فرعون اليس لي مللك مصر وهذة الانهار تجري من تحتي فستخف قومه فاطاعوة
وقال ماعلمت لكم من اله غيري
حاجة تارف شعب متخلف ليهم حق الغرب يقولو دولعلم ثالث

اقتباس:

---

المشاركة الأصلية كتبت بواسطة sherif_84

يا شباب رئيس مصلحة الجمارك جلال ابو الفتوح فى كل حوار معاه فى الجريدة بيقول انه تخفيض او الغاء الجمارك فى مصر مش هيحصل والكلام اللى بيطلع كل شوية دى اشاعات

---

ما هي سبوبة حلوة

في حد يضيع سبوبة من ايدية

لا تستهين بالكلمة الإيجابية
المنتدى ده بيشوفه آلاف كل يوم ومنهم تجار وسماسره كتير طبعاً
والكلام اللي بيتقال هنا لازم يكون مؤثر
انا ممتنع عن الشراء لحين التخفيض ولو منخفضش السعر مش هشتري خالص
شوية ايجابية يا شباب :vctry:

والله المستعان........

حنفوض ونسلم امرنا للة وموش حنعمل حاجة هو دة طبيعة الشعب المصرى يبقى زمرة من الحرامية متحكمين فى مصائر الشعب المصرى المغلوب على امرة ويبقى القادر على الشراء هو العايش وعلى المتضرر اللجوء للحلم والتمنى فى انصلاح الاحوال .

اقتباس:

---

المشاركة الأصلية كتبت بواسطة musiccairo

كلام حضرتك مزبوط
لكن مفكرتش في الفرق بين الدخل الشهري للفرد في مصر
والدخل الشهري لمواطن اجنبي ( في دوله تفرض العدل )
اظن ان لو حصل في مصر زي ما بيحصل بره يبقى دا عذاب من ربنا
ال يعني الشباب لاقيه شغل لما هيستغنو عن عمال مثلا
او موظف ميلاقيش مرتب اخر الشهر
دا في ناس عايشه اليوم بيومه

حسبي الله ونعم الوكيل
فوضت امري الى الله

---

ايوة و نسيت كمان انهم:-
1- بيطلعوا الموظفين معاش مبكر بالعافية و علي المتضرر خبط دماغه في اتخن حيط.
2- و الشباب بدون عمل لعدم وجود وظائف.
3- يمكن برة بيطلعوا الناس من وظائفهم فعلا لكن برة يا استاذي الفاضل ياللي كنت كاتب انه عشان الاسعار ترخص في مصر زي برة لازم يحصل و يحصل انهم بيدوا الناس اللي معندهاش شغل اعانة شهرية بس مش زي معاش السادات لا بيدوك مرتب يعيشك و عيشة كريمة كل شهر يعني تصرف علي بيتك و أسرتك و عربيتك و موبيلك.
4- برة مفيش حاجة اسمها حرام منقطعش عيش فلان مش بتشتغل يبقي برة و مش حتموت من الجوع لا الحكومة زي ما قلت بتصرف عليك لحد ما تلاقي فرصة شغل تانية.
5- ليه تاخد مني اد تمن العربية مرة كمان.
6- الفلوس الي بتاخدوها دي بتروح فين؟؟؟؟؟؟!!!!!!!! طرق زي الزفت - الكباري الفواصل بتاعتها تشهد عليها - المطبات اللي في كل حتة و كأنها افخاخ للسيارات و لأصحابها - الخ........
7- نسبة دخلك بالنسبة للدخل العالمي كام؟؟!! ممكن حضرتك تقولنا مرتب احسن موظف فيكي يا بلد كام و اقل موظف برة كام, ده غير انهم برة بيشتغلوا بالساعة كل ساعة بحسابها و الساعة بـ 5 جنيه و الحسابة بتحسب.
8- و لما تروح تشتري بطاطا او كوز درة و تلاقي السعر ارتفع تلاقي الراجل اللي واقف بيبيع خلاص اخد دكتوراه في الإقتصاد و يقولك يا بيه الدولار ارتفع و الجنيه بيعوم و هو طبعا و لا يعرف يعني ايه تعويم الجنيه و لا الدولار ارتفع و لا الين انخفض, بينما لما تروح حضرتك تشتري عربية مثلا و تقوله ده السعر انخفض في الدنيا كلها و الدولار وقع شوية يقولك لا يا فندم احنا ملناش دعوة بالأسعار العالمية!!!!!!! منطق غريب و مغلوط.
اقولكم تاني و لا كفاية كفاية بقي حسبي الله و نعم الوكيل حسبي الله و نعم الوكيل في كل ظالم و فاسد فيكي يا مصر.