السلام عليكم ورحمة الله وبركاته
عايز أركب إضاءة عالية فى هيونداى ماتريكس 2009
تنصحونى بإيه والتكلفة كام ؟؟؟
شكرا جزيييييلااااااا
عرض للطباعة
السلام عليكم ورحمة الله وبركاته
عايز أركب إضاءة عالية فى هيونداى ماتريكس 2009
تنصحونى بإيه والتكلفة كام ؟؟؟
شكرا جزيييييلااااااا
زينون يعني
ولا تعلي لمبات فقط
عموما طقم الزينون المحترم 600 - 700
ولو كتاوت ولمبات في حدود 150 جنيه
بالترتيب من حيث الاداء
1- زينون محترم - 1500 جنيه متوسط
2- لمبات اداء عالي - فيليبس اكستريم فيجن - تنجسرام ميجا لايت (150-250 جنيه)
3- زينون صيني - (100-600 جنيه)
شكرا يارجالة
لأ الزينون كدة كتير دلوقتى
هخللينى فى لمبات تنجسرام أفضل
والله أنا ضد الكلام ده خالص... مجرد ضبط الإضاءة واستخدام اللمبات الصحيحة بيكون كفاية جدا..
بس للأسف.. ساعات الواحد بيلجأ للحاجات دي علشان تبقى سلاح ضد الأغبياء اللي بينوروا النور العالي بدون داعي.. أو اللي بيرعشولك علشان تطفي النور... وبالذات في اسكندرية.
...
بس انا مش مع حضرتك لان في بعض الطرق في مصر مفيش فيها اى اضاءة خالص علشان كدة الواحد بيحتاج يعلي الاضاءة
لو كشافاتك سليمة (الباغة بتاعتها شفافة صح)... واللمبة بنفس حجم ومقاس اللمبة الأصلية بتاعت الفانوس (علشان النور يبقى في بؤرة الكشاف بالضبط).. ومتوجهة صح (مش ضاربة في السما ولا في الأرض).. والبربريز بتاعك كويس (مش مصنفر).. يبقى حضرتك أكيد مش هتحتاج إضاءة عالية... حتى في أحلك الطرق
يعني هو أنا ما سقتش في مصر وعارف الطرق كويس؟؟؟؟ يا باشا أنا بسوق في مصر رسمي من سنة 91.. وسبتها في 2013.. وياما سافرت وشفت طرق ما يعلم بيها إلا ربنا.. ده كفاية الطريق الدولي لوحده.
...
في معظم العالم ، الطرق خارج المدن غير مضاءه. وداخل الضواحي اضاءه خافته ضعيفه زي حي مصر الجديده.
وفي مصر بينوروا الطرق السريعه قبل مداخل المدن بكام كم ويشكروا عليها . اضاءة العربيه العاديه مع سرعة الطريق المحددة كافيين. فيه لمض اوسرام هالوجين بضياءيه اعلي او ليد وتركب علي الكشاف بدون تعديل . ومفيش اي داعي للعب في مسامير ضبط الكشاف هتضعف الاضاءه وتعمي المقابل.
والله أنا مابحبش الأضاءة اللى بتعمى اللى قدامك
لكن فعلا فيه طرق خصوصا لو ماشى فى وقت متأخر مابتبقاش باينة حتى مع اضاءة الفوانيس