دى صورة من احد المواقع الخاصة ببيع وشراء العربيات
وواضح ان السعر ما بين 50-55 بمتوسط 53 حسب الحالة العامة للعربية وطبعا الرش والخبطات وعيب الفرامل هينزل التمن شوية
رقم العضوية : 13502
تاريخ التسجيل : 24Jun2008
المشاركات : 211
النوع : ذكر
الاقامة : اسكندرية
السيارة: ----
السيارة[2]: A516
دراجة بخارية: no
الحالة :
السلام عليكم ورحمة الله وبركاته
معايا A516 موديل 2011 كاملة جنوط وكاسيت كبير اسبرانزا وتكييف تاتش.
هوصف باستفاضه شوية للامانه وعشان تدوني سعر مظبوط
مرفق الصور للعربية:
المهم حالة العربية كالتالي
العداد 97000 كيلو - فيه رخصة سنتين ونص تقريبا لحد شهر 4- 2018
حالة البوية
فابريكه من الداخل وشنطه وسقف وكبوت ،، رشيت الجانب الايمن من سنه والرفرف الشمال
الجمب اليمين كان نتيجة خبطه فى الباب و بعده خبطه فى الرفرف والرفرف التاني ، خبطات عادية من اللى بتحصل وانت سايق فى الزحمه مش حاجات مؤذيه، يعني مرمات كده ، بس اخر مرة اللون بتاع الرفرف الشمال طلع افتح شوية من العربية بسيط بيبان فى النور.
فيها خبطه صغيرة حاليا فى الرفرف اليمين قدام لسا معملتهاش باينه فى الصورة
__________
- مغير فردتين كوتش من 3 شهور ، والاتنين التانيين من 7 شهور
- مغير سير الدينامو وتيل امامي وخلفي
- مغير كوبلن شمال من شهرين
- مغير سير الكاتينه من 38 الف كيلو
-اكصدام جديد امامي بس سبته بلونه الاسود لأن لقيت شكله اشيك
-التكييف يعمل بكفاءة ممتازه
-لمبتين زينون فى الفوجات بالاجهزة بتاعتهم.
- الفانوسين الاماميين كانو مصفرين جبت اتنين جداد من 6 شهور بس لما بغسل العربية بيشبروا مايه وبعدين بينشفوا لوحدهم ، باينين فى الصورة لأني كنت لسا غاسل العربية. كنت ناوي اغيرهم تاني بس واحد قالي لف عليهم سليكون بس معملتش حاجه.
- البكره بتاعت الكاسيت اللى بتعلي الصوت بتعلق فى التعلية لازم اضغط عليها والفها من الجمب عشان فيها حته من جوا مكسوره لما شلتها بس محاولتش ادور عليها لأني بعرف استعملها
- ال Abs منوره من سنه وكشفت قالولي سره قدام يمين لقيتها ب 320 جنيه فمركبتهاش الصراحه لأني مبستعملوش وماشي بالفرامل العادية
- فيه شرخ بسيط فى الفانوس الخلفي الشمال
- الجريده اللى بتبقي على الابواب معايا فى شنطه العربيه كنت شايلهم وملزقتهمش2
الحمد لله العربية اكتر من الزيت والبنزين والسيور محصلش حاجه فيها والموتور تمام الحمد لله وبمشي بيها على 140 و 150 وثبات رائع ، عمرها ما زعلتني فى حاجه
، سامحوني على الكلام الكتير بس بحاول افتكر كل حاجه فى العربية
انا ببيع عشان عايز اجيب حاجه اتوماتيك لأن مراتي هتبدأ تستخدم العربية معايا ومبتعرفش تسوق مانيوال والعربيه كبيره عليها كمان.
الصور
ياريت تقولولي اطلب كام فى السعر فى ظل اسعار السيارات الحالية عشان مش متابع
شكرا جدا ، وواحشني والله الاستاذ hugan والدكتور خالد، من الناس اللى وقفت معايا كتير وانا بشتري العربية دي وعمري ما انساهم
رقم العضوية : 155647
تاريخ التسجيل : 05Feb2014
المشاركات : 53
النوع : ذكر
الاقامة : مصر
السيارة: كيا
السيارة[2]: فولفو
الحالة :
دى صورة من احد المواقع الخاصة ببيع وشراء العربيات
وواضح ان السعر ما بين 50-55 بمتوسط 53 حسب الحالة العامة للعربية وطبعا الرش والخبطات وعيب الفرامل هينزل التمن شوية
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
SuperTest منور الدنيا كلها والمنتدي
العربيه حسب وصفك والصور تعمل من ٤٥/٤٧
لاءن فيها شويه شغل
وصراحتك طبعا وامانتك في البيع تشكر عليها
هاتحتاج حوالي ٢٠٠٠ جنيه شغل كاتينه وسرفيس
نقطه راشه اجزاء بتقلل السعر شويه
ربنا يوفقك ويكرمك في البيع
وتشتري حاجه افضل
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 13502
تاريخ التسجيل : 24Jun2008
المشاركات : 211
النوع : ذكر
الاقامة : اسكندرية
السيارة: ----
السيارة[2]: A516
دراجة بخارية: no
الحالة :
الف شكر علي الردود
. انا شايفها هتصرف الف مثلا كاتينه و سرة فرامل ورش الحته الصغيره دي
وعشان فيها رخصة سنتين ونص.
انا هتوكل علي الله وهطلب 48 الف ان شاء الله.
متشكر جدا . وهبقي انقل الاعلان ده قسم البيع.
المفضلات