السلام عليكم و رحمة الله
انا كنت بسأل عن فضل عروض النت دلوقتى سرعة 1 ميجا
عرض للطباعة
السلام عليكم و رحمة الله
انا كنت بسأل عن فضل عروض النت دلوقتى سرعة 1 ميجا
أفضل شركة حاليا انا مشترك معاها هى اتصالات سعر ال 2 ميجا مميز جدا عندها ب 110 جنيه بدون عروض أو اى حاجه ده السعر الطبيعى طبعا استهلاك عادل 150 جيجا زى تى داتا اللى بتقدم نفس السرعه بنفس السعة ب 140 جنيه
انا تعاقدت مع موزع فى طنطا سرعه 2 ميجا اتصالات ب 95 جنيه لمدة سنة وبعد السنة هيبى السعر الرسمى 110 جنيه وطبعا راوتر هوواى 4 بورت وايرليس هديه
باقى الشركات ابعد عنهم تماما لينك حراميه مطبقين الاستخدام العادل بنفس سعات تحميل تى داتا واتصالات ولكن مش عايزين يطبقوا الاسعار الجديده ياعنى ال 2 ميجا عندهم ب 220 جنيه
فودافون عايشه فى ميه البطيخ اسعار عاليه وسعات قليله جدا
بس فى الأول والآخر جوده الخدمة بتتوقف على حسب السنترال
انا بقه عاوز سرعه 4 ميجا ايه غير تي اي زفت ؟
فيه شركات نت جديده فى القاهره ونازلين باسعار جامده وسعات اعلى من تى داتا
تقريبا اسمهم نور والفجر
طب انا تي اداتا حالينا وكنت مشترك ف عرض واخره الشهر ده وكنت هاحول للنظام الجديد ٢ميجا ب١٤٠جنيه احول لاتصالات ولا ايه
انا ف شبرا الخدمه ياترا اتصلات هاتبقي احسن من تي ايداتا ؟؟؟
لا انا عندى خط تانى :) ماهو اصل انا قدمت ع خط فى تانيه فاضيه ودخلت بيه فى عرض النص بالنص اللى كان فى الصيف
فخلاص العرض اخره الشهر ده فكنت هارجع اشغل القديم على النظام الجديد والغى اللى شغال حاليا
موضوع الفايبر ده هايفرق؟؟ انا اصلا بقالى بتاع شهر واكتر النت مش مظبوط سعات السرعه بنتقص وكلمتهم ولا عملوا حاجه لحسن يكون ده االلى عامل مشكله
فودافون دلوقتي بنفس اسعار تي اي داتا بالظبط
المفروض الخدمة نظريا بتتلغى خلال 15 يوم
بس فعليا بتروح تقدم طلب يقولك لازم قبل ميعاد الاستحقاق بيوم
وشركات تانيه يقولك لازم اسبوع
فبتدفع اشتراك شهر كمان علشان كده
ولما تيجى تروح تانى هيقولك معلش يافندم حضرتك اشتركت فى عرض مش عارف ايه
ومينفعش تلغى الا لما العرض ينتهى او السنة تنتهى طيب ياعمى انا مأخدتش راوتر ومفيش اى شرط بيقول انى لو مشترك فى عرض ضعف السرعه مثلا مش من حقى الغى وادخل على موق الشركة مش هتلاقى اى شرط زى ده
هوه كده يافندم ... ويدخلك فى فترة السماح وبكده ادبست معاهم شهر كمان
وهكذا
وحتى لو خلاص معدش ليهم اى حجه وعملت استمارة إلغاء الخدمة
هتلاقى مماطله واستعباط ملهومش حدود وتبقى جدع لو عرفت تخلع منهم بعد شهر ولا اتنين
وحتى جهاز تنظيم الاتصالات ولا ليه لازمة وبينحاز لأي كلام اهبل الشركة بتقوله
أنا بقى بيبقى بالى رايق قوى معاهم إن فى البيت 3 خطوط تليفونات وبفضل ألاعب الشركات بالخطوط ديه
وعادى جدا لو ماطلوا معايا لحد 6 شهور ولا سنة مش هتفرق كده كده بيكون خط فاضى وجاهز لأى عروض مميزه
وغالبا لما تيجى تكنسل من تى داتا بيكلمك موظف معاه صلاحيات كبيره بيديك اللى انت عاوزه خصم لشهور معينه وراوتر وكل حاجه فممكن متكنسلش ووتاخد منهم عرض احسن من الشركة الاخرى اللى هتروحلها
دخلت على موقعهم مجرد عرض خصم 50% لمدة 9 شهور فقط
بعد كده نفس الاسعار القديمة
باقات والعروض الADSL
كمان الخيبه التقيلة انهم بيطبقوا استخدم عادل بسعات داونلود هابله جدا
1 ميجا سعه 40 جيجا فقط وهكذا
http://www.vodafone.com.eg/vodafonep...21442137607819
شكرا جزيلا على هذا الرد الشافى الوافى
و تصديقا لكلامك .. مع تى اى داتا حصل معايا عطل 15 يوم ..
طلبت استعواض عن الفتره .. بعد فتره اخبرونى برفض طلب الاستعواض .. و لما سألت عن سبب الرفض قال انى لازم اقدم طلب الاستعواض فى الفرع بنفسى ( طبعا كلام غلط .. لانى استعوضت قبل كده عن طريق الابلاغ فى التليفون ) .. انما هو نوع من التهرب
قدمت طلب فى الفرع .. بعدها بشهرين لم يأتينى رد .. اتصلت قال لى الطلب رفض ( للمره الثانيه )
اصريت على مكالمه المدير المسئول ( طبعا حرب علشان يرضوا يخلوك تكلمه )
الحاجه العجيبه كان رد المدير .. قال ان فعلا النت كانت معطله .. و لكن بسبب شركه الاتصالات المصريه !! .. و لذلك تم رفض الطلب ؟؟
علما بأن خط التليفون عندى كان سليم 100% بدون اى مشاكل طوال ال 15 يوم فتره العطل .. و العطل كان النت فقط .. و تى اى داتا كانوا عارفين كده طوال فتره العطل
و بالرغم من ذلك .. هو يريد تحميل العميل مشكله داخليه فى الامور الفنيه بين تى اى داتا و المصريه للاتصالات لا علاقه للعميل بها ..
اصريت على الاسترداد .. و تم الاسترداد .. بس المدير ده قال لى ان العقد بينى و بين تى اى داتا يجعلنى اتحمل اى اعطال للنت اذا كان العطل نتيجه مشكله داخليه فى الامور الفنيه بين تى اى داتا و المصريه للاتصالات ؟؟؟؟؟؟؟؟؟؟؟؟؟؟؟؟؟؟؟ .. حتى لو كان خط التليفون سليم 100% بدون اى مشاكل
القصه دى اخذت حوالى 4 شهور .. عايز اعرف اللى حصل ده نقدر نحطه تحت اى مسمى من اساليب الاداره ؟؟؟؟
بخبرتك مع الشركاتاقتباس:
أنا بقى بيبقى بالى رايق قوى معاهم إن فى البيت 3 خطوط تليفونات وبفضل ألاعب الشركات بالخطوط ديه
وعادى جدا لو ماطلوا معايا لحد 6 شهور ولا سنة مش هتفرق كده كده بيكون خط فاضى وجاهز لأى عروض مميزه
من هى الشركه الافضل .. اخذا بالاعتبار الاتى ( بترتيب الاهمبه )
1- ثبات السرعه ( الكامله )
2- قله الاعطال للنت + سرعه الدعم الفنى
3- الاسعار
تحياتى
يا باشا دور كويس بس
http://www.vodafone.com.eg/vodafonep...21364465450106
الاسعار القديمه موجوده و الجديده موجوده
http://www.vodafone.com.eg/vodafonep...gn=Home%20Page
لما تخش علي اللينك ده اختار الاسعار الجديده و بعد كده الغير محدوده و ده نظام مش عرض لتسع شهور
السرعة
100 جيجابايت 1 ميجا
150 جيجابايت 2 ميجا
200 جيجابايت 4 ميجا
300 جيجابايت 8 ميجا
و دي السعات الجديده