عرض للطباعة
انا لسه اول مرة هجيب عربية فى حياتى واول مرة اسوق
وعجبانى العربيتين دول فيات بونتو اوتو 2016 - بروتون جين 2 اوتو 2016
بس شكل البونتو عجبنى اكتر بصراحة
ممكن تنصحونى انهى احسن
مميزات وعيوب العربيتين
وهل لسه توكيل وقطع غيار الفيات وحش ولا اتحسن
والفتيس بتاعها لسه معقد ولا اتطور
ياريت تفيدونى عشان محتارة
اذا كان الاختيار بين 2 دول بس يبقي جين 2
لو بتسافر يبقي الجين تو
لو جوه البلد وعايز توفير بنزين يبفي فيات
الجين مسمعه اكتر من البونتو
لو الاختيار ببنهم
جين
شكرا يا جماعة
بس محدش جاوب على اسألتى خالص
واللى اختار مقالش مميزات وعيوب كل عربية
في الغالب لاختيار عربيه في مصراقتباس:
المشاركة الأصلية كتبت بواسطة nourhanne
الانتشار والصيانه وتوافر قطع الغياار
السبب لتفضيل عربيه علي عربيه
اشكركاقتباس:
المشاركة الأصلية كتبت بواسطة hugan
طيب انا عايزة البونتو امتر بصراحة وعجبانى شكلها انسيابى ونادرة بس قطع الغيار بتاعها الاقيه فين حتى لو مكان واحد وتوكيلها حلو ولا لا والفتيس اتطور ولا لسه
حضرتك ادخل قسم فياتاقتباس:
المشاركة الأصلية كتبت بواسطة nourhanne
اكيد هاتلاقي الافاده الكامله
انا معايا العربيتين وبصراحه كل واحده فيهم بتتميز عن التانيه في ميزه والاتنين حلوين
البونتو اريح في السواقه وبالذات المشاوير الطويله وهاديه وموفره جدا في البنزين يعني على الطرق السريعه بتعمل 5 لتر لكل 100 كم
البروتون اقوى بكتير تسارع وسحب وصالون اوسع وشنطه اوسع
البروتون اسهل في الصيانه وقطع الغيار عن البونتو اللي مش كتير بيفهموا فيها
فتيس الجين الاوتو تقليدي واسهل في التعامل من فتيس البونتو الاوتو المعقد نسبيا
التقفيل الداخلي لصالح البونتو وجودة الخامات والتصميم
الارتفاع عن الارض لصالح البونتو برده
الثبات على السرعات العاليه العربيتين ثبات خيالي
دي ركوبه ودي ركوبه
البونتو:
كواليتي تصنيع افضل شويه
موتور اصغر = توفير بنزين
الفتيس اوتو مبني على مانيوال, هتسوقي زي الاوتو بس ليه طريقه معينه في التعامل
قطع الغيار موجوده (كللها) جوه التوكيل وبره ومعمّره وبتعيش
الهاي لاين فيها سقف بانوراما واظن 6 ايرباج
الاوتو فيها 2 ايرباج واظن سواء دي او دي دلوقتي زجاج ملون,
العربيه كركوبه وقعده مريحه جدا, سوقها في المستعمل مش واقع خالص
شياكة الايطالي باينه فيها بصراحه
الجين تو:
ماليزي بالكامل
اكبر شويه, موتور اكبر كمان = استهلاك بنزين اعلى
قطع غيارها موجوده برضه, توكيلها على حد علمي اقل من توكيل فيات بدرجه بسيطه قوي, وان كانت كل التوكيلات في مصر على قدها عموما
تقضي الغرض برضه وان كنت افضلها لشاب غاوي جري مثلا
الفيات اظن ب 136 و 150 للهاي لاين
الجين تو تقريبا 130
Gen 2
اما معايا جين 2013 وكنت بقارن زى حضرتك . والحمد لله استقريت على الجين 2 وهقولك مميزات وعيوب الجين من وجهة نظرى
اولا. المميزات
1. الموتور قوى بكل ماتحملة الكلمة من معنى اقوى من اى عربية 1600 ممكن تركبها وقارنت دا مع كذا عربية وفى اكتر من موضوع
2. العفشة مريحه جدا تقدر تديها 8/10
3.الفرامل 7/10
4. استهلاك البنزين فى السفر يصل الى 6 لتر كل 100 كيلو ويمكن ساعات بيبقى اقل
5. المكونات الداخلية والكماليات والرفاهية 8/10
6. العزل 8/10
7.الثبات والمناورة على السرعات العالية 10/10
8. التوكيل عز العرب 6/10 . فى مركز معتمد من التوكيل اسمة عصا صفا ودا الى هيحببك فى العربية ناس فاهمه محترمة جدا رخيص عن التوكيل ودا تقيمة 10/10
9. قطع الغيار زى الكورى واغلى من اليابانى حاجة بسيطة ومتوافرة برة التوكيل وجوة التوكيل .
10. الصاج 10/10
11. الشاسية 10 /10
بصراحة انا كنت بحلم بيها من ساعة مانزلت فاممكن اكون مبالغ شوية غصب عنى بس والله قلت الى عند بحيادية
اقتباس:
المشاركة الأصلية كتبت بواسطة Nourhanne
انا هاجاوب برد غريب حبتين ...انا عمري ماشفت واحدة سايقة جين تو ...لكن شفت كتير سايقين فيات بونتو ..
ده لا ذم في العربية الاولي ولا مدح في العربية التانية...علما بأني باسوق جراند بونتو ٢٠١٠ وقبلها كانت سكودا فليشيا وقبلها فيورا ١٢٧
اولا .حضرتك انا كل مابمشى فى الشارع بلاقى ستات كتير راكبة جين 2اقتباس:
المشاركة الأصلية كتبت بواسطة u3mbkp
ثانيا . اكبر جروب على الفيس بوك للجين 2 مؤسسينة والقائمين عليه اتنين ستات استاذة وسام واستاذ دينا دا خلاف كمية الاعضاء الاكتير الى راكبة gen 2
ثم معلش سؤال رفيع ايه علاقة الستات بموضوعنا
شكرا على ردك يا ميمو بس انا فعلا مش محتاجة سرعه ومشاويرى مش كتيرة هما الاتنين حلويين بس اعتقد البونتو احلى بالنسبالى بس خايفة من الفتيس المعقداقتباس:
المشاركة الأصلية كتبت بواسطة memo_p910
شكرا على ردك استاذ عبد الخالق بجد ساعدتنى كتيراقتباس:
المشاركة الأصلية كتبت بواسطة abdulkhaleq
ربنا بياركلك فيها وبكفيك شرها ميرسى على ردك بجد هى عربيه كويسةاقتباس:
المشاركة الأصلية كتبت بواسطة shshtawy
شكراااا
هى الحكايه مش بنت او ولد هى حكايه انهى احسن فى الاداء والثبات وانفع لمشواير صغيرة شكرا على ردكاقتباس:
المشاركة الأصلية كتبت بواسطة u3mbkp
شكرا استاذ mif انا شايفاها احسن فعلا ان شاء الله هحجزها الشهر ده
نصيحة من واحد كان راكب جراند قبل كدة ابعد عن شر الفتيس الديولوجك و غنيلو مش هقول اكتر من كدة انا بعت العربية بسببوة علشان هو فتيس فاشل حتى لو بتستخدموا الاستخدام الامثل وصيانتو غالية جدا ومشكلة تانية فى العربية البور الكهربا بيبوظ والدريكسيون بيكلبش وانت ماشى وكمان لفة دريكسيون العربية ضيقة يعنى علشان تاخد ملف لازم تكون موسع لنفسك وممكن تاخد الملف على مرتين على عكس العربيات التانية االى ركبتها باخد الملف من مرة واحدة وعربيات كبيرة وبشنطة كمان مش هاتش باك
اقتباس:
المشاركة الأصلية كتبت بواسطة nourhanne
بالتوفيق ان شاء الله
انت كرهتنى فى العربيات كلها :dطيب انت كام معاك موديل كام!اقتباس:
المشاركة الأصلية كتبت بواسطة marko polo
انا خلاص كنت قررت انى اجيبها!
الاستاذه صاحبة الموضوعاقتباس:
المشاركة الأصلية كتبت بواسطة nourhanne
لو عجباكي البونتو اتوكلي على الله
ودوري على الفيس بوك في جروب للملاك
شوفي اذا كانت منتشره ولا لأ
كان معايا 2010 ماشية 54 الف وبعتها من شهرين يعنى معدل 10 الاف فى السنة ودة معدل قليل جدا ومع ذلك كان مطلعة عينى وكل شوية تصليح فى الفتيس طقم دبرياج وفوركات وبعد شوية غيرت فوركات تانى وبعد شوية الفتيس فتح بوقوة تانى فبعتها كل دة مع استخدام الفتيس الاستخدام الامثلاقتباس:
المشاركة الأصلية كتبت بواسطة nourhanne
ممكن يكون عشان ده موديل ٢٠١٠اقتباس:
المشاركة الأصلية كتبت بواسطة marko polo
العربية من 2007 الى 2016 نفس الموتور والفتيساقتباس:
المشاركة الأصلية كتبت بواسطة nourhanne
اقتباس:
المشاركة الأصلية كتبت بواسطة marko polo
لأ
كده واضح ان الجين2 برقبتها
فالجين2
ركوبة
برستيج عالى
ثبات خيالى فى المنحنيات وبسرعة
ممتازة فى المناورات
موتور طلقة بعزم شديد حقأ
شكل انسيابى شبابى له جاذبية خاصة جدا ومن 2006 وحتى الان
عفشة ولا كلمة
مفيش حاجة اسمها تحك بالمطبات ولو محمل
شنطة واسعة كأنها لسيدان مش لعربية هاتشباك
كماليات وامان مع سمعة حسنة جدا
عربية ولا اروع
فهى
طمانينة المرسيدس فى السفر ... وقوة الاودى فى الجرى ... وعفشة اللوتس فى الثبات
مالاخر . انا يكفى انى كنت عملت حادثه جامده بالجين 2 ومقلوب بيها من 6 شهور بعد الشر عنكم وربنا يسلم, والسبب منى انا مش العربيه اوفر سبييد في مكان ضيق جدا. الحمد لله بفضل الله ثم قوه صاج العربيه دى مقارنه بفئتها يعنى ومعدل الامان المعقول اللي فيها كان زمانى بالسلامه .
شوف يقى يا سيدى جبت سيات ليون واعلي فئه وطبعا حاجه تانيه خالص بعتها عشان برده مشكله الفتيس وقوم جبت ايه ..... جبت جين 2 ,2015 تااانى . والحمد لله "
الجين 2 افضل في نظرى من عربيات اوروبي (وجهه نظر شخصيه) .
احسن حاجه شفتها هنا زى مالراجل اللي كانت معاه الفيات قال ابعد عن الشر وغنيله"
وربنا يبارك للجميع .
اقتباس:
المشاركة الأصلية كتبت بواسطة sealion
اقتباس:
المشاركة الأصلية كتبت بواسطة carrier
تم حجز فيات بونتو ٢٠١٦ فئة ايزى ترونيكاقتباس:
المشاركة الأصلية كتبت بواسطة marko polo
لفخامة الصنع الايطالى والمتانه والامان والشياكة والتميز والثبات
شكرا ليكو اووووى :)
لا ديه ولا ديه
في العربيات , مصر هواها ياباني
ابعد عن الفيات وغنيله..
لو المقارنة بين الجين 2 وأي عربية تانية يمكن كان يبقى فيه كلام... إنما فيات!!! حضرتك أكيد عايزة تجيبي لنفسك وجع الدماغ والمشاكل.
وعموما... السوق فيه عربيات تانية شكلها حلو غير البونتو.
...
اقتباس:
المشاركة الأصلية كتبت بواسطة tameem2010
مش مصر اللي هواوها ياباني... الياباني هو اللي بيثبت نفسه في أي حتة بيدخلها.
...
اقتباس:
المشاركة الأصلية كتبت بواسطة Nourhanne
أول مرة تسوقي... يبقى عليكي وعالمستعمل...
هاتيلك عربية موديل ٥ سنين فاتوا بالكتير.. ويفضل تكون صغيرة خالص.. حاجة زي البيكانتو أو الهيونداي i10 ..
ليه بقوللك كده... علشان التعليم مش ببلاش... أكيد هتغلطي.. حكة هنا.. فانوس هناك... كلنا حصلنا مواقف شبه كده.. والحاجات دي بتزعل قوي.. خصوصا لو العربية جديدة.
والعربيات دي مطلوبة وتقدري تبيعيها وقت ما تبقي عايزة.
...
على البركه ان شاء الله والفيات عربيه قويه ومعمرهاقتباس:
المشاركة الأصلية كتبت بواسطة nourhanne
الفتيس بتاعها كويس والمشاكل اللي كانت عند بعض الناس بسبب ان اوماترا كان بيحطلها زيت اوتوماتيك عادي مش بتعها لكن الفتيس كويس وفيه ناس طقم الدبرياج كمل معاهم ل 80 الف كم
ربنا يباركلك فيها ويرزقك خيرها ويكفيك شرها .اقتباس:
المشاركة الأصلية كتبت بواسطة nourhanne