السلام عليكم ورحمة الله
أنا عندى العربية دايما بتحك في المطبات العالية لو ما عرضتش العربية وانا داخل عالمطب ومش دايما بعرف أعدى المطب بالجنب (طبعا استحالة في الزحمة)...
نصحنى احد الاصدقاء بتغيير الكاوتش من مقاس 15/55/195 الي 15/60/195 لكن بتاع الكاوتش قاللي انها هتعلي العربية (واحد سنتيمتر بس) ومش هيفرق كتير خصوصا لما الكاوتش يقدم ويتبري بعد كام الف كيلو وقاللي أحسن تركب علايات خصوصا لما عرف اني آخري في السرعة 120-130 كيلو يعني مفيش خوف من التعويم معايا
عاوز من حضراتكم كأهل خبرة ارشادى هل اركب علايات ولا لأ
ولو ركبت هل في منها مشاكل بعد استبعاد التعويم
وكمان هل اركبهم قدام ولا ورا ولا قدام+ ورا
وهل هناك مقاس مناسب للكاوتش يرفع العربية بدون علايات
وشكرا لكل مساعدة