-
ادخل حضرتك علي جروباتهم عالفيس هاتستفاد اكتر
-
سلام عليكم
بالنسبة للميجان و ال307 فماتتعبش نفسك و تسأل على كل واحدة فيهم من حيث الفتيس او الاوبشن مثلا لأن الاتنين فتيس واحد و الاتنين مليانين اوبشن ما شاء الله و الاتنين قطع غيارهم اسعارها معقولة على حد علمي
انا هايبقى رأيي مجروح لأني راكب ميجان , لكن عزائي اني لما عملت نفس الدراسة لقيت الميجان مناسباني اكتر
متهيأ لي الفيصل هنا هايبقى اولا ارتياحك النفسي لركوبة دي او دي و بالتالي تركب دي و دي و تجرب الاتنين قبل ما تشتري , و طبعا اللي تلاقي فيهم حالة حلوة توكل على الله
-
ما نا اصلا بدور علي ميجان بس مش لاقي حالة كويسة ولو لقيت بلاقي السعر غالي جدا فقلت اشوف بدائل تانية وبصراحة عجبتني البيجو جدا
-
ما السعر الغالي جدا ده لأنك مفترض ان الحالة الحلوة بسعر الكنبة :)
و الكنبة لما هاتجيبها هاتصرف عليها نفس الفرق اللي هايوصلها للسعر اللي معتبره غالي جدا , و يمكن اكتر
و اظن و الله اعلم ان نفس الكلام هتلاقيه منطبق على البيجو
اللي عنده عربية نضيفة مش هايرميها بالسهل , الا لو لقيت لقطة صاحبها عايز يبيعها بسرعة لسبب يخصه او مش عارف قيمتها
-
كلامك صح طبعا بس الميجان مش عارف الاقي منها نظيف كل الي بشوفة كنب وطبعا لو لبست فيها هكرة نفسي فعلشان كدا خايف منعا لكن انا عارف ان فيها اوبشن اكتر من البيجو
-
والله يا جماعة انا عندي نفس المشكلة
وعمال اتابع تعليقاتكوا ..
ومستني اقارن بين البيجو.308 ولا الميجان بس برضة 2011 مثلا
اه بالمناسبة معايا اوبترا 2007
Content Relevant URLs by
vBSEO 3.6.0 PL2