تيل الفرامل الخلفي قرفني !!

**koko616** · 20-01-2016 05:44 PM

طب لو جبت طنابير استيراد عادي ولا ايه ؟

**Moe_Adel** · 20-01-2016 07:30 PM

المشاركة الأصلية كتبت بواسطة mecha

مفيش حضرتك حاجه اسمها تخانة تيل المناسبه- دا اختراع مصري - التيل بينزل استندرد ، وزي ما قلت لو جابت ماكس ديامتر يترمي الطنبور . لا يمكن تعوض الحديد بتيل

مع احترامي لكلام حضرتك في تعويض من الطنابير للتيل بدليل ان في مصانع للتيل بره مصر بتصنع تيل تخانات اكافة انواع السيارات فاكيد الناس دي لو عارفة انها جاجة مالهاش لازمة ما كنوش عملوها انا و اهلي في المجال ده بقالنا سنين سواء استيراد او عمل تيل فرامل

**Mecha** · 21-01-2016 07:15 AM

المشاركة الأصلية كتبت بواسطة moe_adel

مع احترامي لكلام حضرتك في تعويض من الطنابير للتيل بدليل ان في مصانع للتيل بره مصر بتصنع تيل تخانات اكافة انواع السيارات فاكيد الناس دي لو عارفة انها جاجة مالهاش لازمة ما كنوش عملوها انا و اهلي في المجال ده بقالنا سنين سواء استيراد او عمل تيل فرامل

التخانات المختلفه للتيل بره مصر معموله عشان موديلات مختلفه ، لكن لنفس العربيه مش هيرضي يركب او يورد تخانه اكبر من الاستندرد الا في حالة شغل كاستم او تفصيل ودي العميل بيصرفها مع نفسه .لان لو جه العميل يركب طنبور استندرد مش هيركب او العكس تخانات عاليه وطنبور معدي هينكسر. المساءله القانونيه عاليه جدا في الفرامل . مفيش شركه زي بندكس او وابكو هيغامر بسمعته عشان يوفر طمبور.
في مصر طبعا مفيش مساءله . فكل واحد بيبتكر بطريقته وعشان كدا ضحايا حوادث السيارات عاليه جدا.
تحياتي

**Abo_Mazen** · 21-01-2016 09:01 AM

اللي أعرفه ..
-إني قبل ما أغير التيل لازم أشوف الطنبور حالته إيه
-التيل ما يتملاش التيل يتغير ويتجاب الأصلي ..ممكن تلاقيه غالي شويه بس معلش ..إنت بالتيل الأصلي بتشتري عمر الطنبور
-التيل يتملى في العربيات النقل الكبيره عشان تكلفته وعشان ممكن ما تلاقيش إستاندرد من الشركة المنتجه
-التيل ممكن يهين الطنبور وياكله ويبوظه ..وفي الحالة دي عشان ما أدخلش في دائرة مغلقه أغير الطنبور أو أضبطه وبعدين أحط تيل أصلي جديد

**pepo2011** · 21-01-2016 09:16 AM

طبعا مش معني ان التيل يتملي انه كل ماياكل في الطنبورة وسمكها يقل بالنصاحة كده اروح انا املا وازود التيل؟؟؟

دا غير طبعا ان اختلاف خامة التيل والملو والتزويد ده محدش عارف حاجة سمك الطنبورة يقل يعني عامل مقاوم الاحتكاك يزيد يعني تسخن اكتر يعني تاكل التيل اسرع يعني تتعرج ولاقدر الله تقفش اسرع
انت مش بتحافظ بس علي الطنبورة انت بتحافظ علي ارواح ناس ياعم الحاج
الفتاوي مش بتنفع في كل حاجة ولا كل حالة ممكن تزود التيل اه لو فرق بسييييط جدا والطنبورة سليمة جداااااااا بسمكها الاساسي الاصلي
لكن زميلنا هنا دمر الطنابير بيقولك ملا التيل 4 مرات يبقي حرام طبعا