-
خدت مطب بالنوبيرا
من ساعتين تقريبا امام مستشفى دمنهور التعليمى و انا طالع من دمنهور كنت ماشى على سرعة تقريبا 40كم و الطريق ده بستعمله مرتين تلاتة ف الاسبوع و دايما الاضاءة وحشة جدا و فجأة العربية تنط فوق مطب جديد عاملينه امبارح و ما شاء الله مطب عالى و محترم المهم العربية سليمة بس مش مستريحلها حاسسها اتغيرت مش مظبوطة طبعا ف الشتا ده مش عارف ابص كويس تحت العربية من الطينة و مشيت شوية و وقفت ابص تانى ع العربية فجاة العجلة ادام شمال نامت غيرتها و لسه العربية مش مستريحة - ايه ممكن يكون حصل فيها ؟
-
-
و بص برضو علي علبة البيئة عشان دة اول حاجة بتتخبط و ممكن لو برضو مش مستريح تكشف علي الشاشية في بنزينة
-
اولا الحمدلله طبعا
لازم تشوف ميكانيكي او عفشجي لان ممكن بارة ميزان او مقص او كوبلن
لازم تكشف ويطلع معاك يجرب عشان تطمئن
-
الصبح لما نزلت الشغل ببص ف العربية لقيت كابل البطارية الموجب مخلوع و يدوب لامس البطارية فربطته حلو و لما دورتها و مشيت بيها لقيتها اتظبطت بس برضه رحت للميكانيكى نزل تحتها و جربها و قالى عندك كوبلن يمين بس لسه ادامه وقت و مساعد ورا يمين جاب زيت بس لسه شغال
Content Relevant URLs by
vBSEO 3.6.0 PL2