يا ريت حد من الخبراء يساعدني.

**MohamedHosam97** · 20-01-2016 04:05 PM

دي اول مره اشتري عربيه فيها ومعنديش اي خبره ولا اعرف اي حاجه ف العربيات غير اني بعرف اسوق بس, لا اعرف الموتور ولا اعرف اي حاجه من دي
وانا الصراحه فيه 3 عربيات اخترتهم بسبب شكلهم والتعديلات اللي بتبقي عليهم
وهما Honda civic 1999 ودي اخترتها بسبب شكلها وانها عربيه شبابي
و BMW E30 بس انا مش بفهم ف الموديلات ومعرفش انهي موديل احسن من التاني
و Metsubishi lancer 2002 او 2007
يا ريت اي حد خبير يفهمني ازاي اعرف انه ممكن ميضحكش عليا وانا بشتري عربيه مستعمله وايه احسن من التلت عربيات دول ف الاداء واسعارهم بتترواح من كام
وشكرا.

**م/أحمد عبد الفتاح** · 20-01-2016 04:17 PM

لغاية ماحد خبير فى العربيات يرد عليك أنا حانصحك نصيحة واحدة بس :
لو دى اول عربية تشتريها ومالكش خبرة فى العربيات - كل العربيات اللى انت ذكرتها كويسة ومحترمة بس إبدأ بالمتسوبيشى لان العربيتين التانيين عاوزين واحد ليه خبرة كبيرة فى العربيات وركب عربيات كتير واتمرمط فى قطع الغيار والميكانيكية .

**pepo2011** · 21-01-2016 08:37 AM

نفس كلام الزملاء
ابعد عن البي ام
خليك في اللانسر وبعديها الهوندا ولو انا شايف ان حضرتك في بروسعيد يعني ملعب الهوندا كله عندك
لكن احنا بنقول لحضرتك طالما انها اول عربية
خليك في اللانسر او الفيرنا او اللانوس