السلام عليكم ورحمة الله وبركاته،،،
أنا عاوز أشتري ريسيفر وتليفيزيون تانيين هاحطهم في غرفه تانيه
السؤال هو: هل في طريقه تخليني أنزل من السطح بسلك واحد ولما يوصل تحت أوصله بمشترك مثلاً وأطلع منه سلكين لكل ريسيفر؟
أنا عارف إني ممكن أجيب lnb 2 مخرج بس مشكلة الحل ده إني هاضطر أمد سلك تاني منفصل من السطح لحد الريسيفر الجديد.
هل في أي طريقه أقدر أوصل بيها 2 ريسيفر بنفسك السلك اللي جاي من السطح من غير ما يكون في تداخل بين إشارتين الريسيفر؟
شكراً
للاسف مينفعش، لازم سلك منفصل لكل رسيفر للتحكم بكل جهاز على حدة
ممكن تسحب سلك دش تاني مع الاولاني في نفس ماسورة الكهرباء
انا جربت اللي بتقول عليه ده قبل كده وكانت النتيجة ان ريسيفر اشتغل كويس و التاني فضل يقطع جامد و الصورة تهنج
مفيش حل غير انك تشتري lnb ثنائي و تنزل كابلين من فوق
شوف هو ممكن لكن المشكلة انك لو فتحت ريسفر منهم و شغلت اي قناة أفقي يبقي ال ريسيفر ال تاني هيفتح قنوات افقي فقط و مش هيعرف يفتح اي قناة راسي و العكش طبعا صحيح.
لازم lnb 2 مخرج
ألف شكر يا جماعه
كده هاضطر أمد سلك من السطح وأمري لله
شكراً
طب بمناسبه الموضوع ده هل فيه طريقه اوصل اتنين تلفيزيون برسيفر واحد وكل جهاز منهم يشتغل بحريته بعيد عن التاني
ينفع في حالة واحدة انك تشغل نفس القناة في الاثنين
وذلك بسبب ان القنوات نوعين
في قنوات 12 فولت وفيه 18 فولت والاشارة المرسله او المستقبله
في وصله مشترك بتدخل سلك وبيطلع 2 سلك سعرها حوالي 7 جنيه كنت شاريها من سبينس لونها ذهبي كنت بشغل عليها ال2 ريسيفر بس كنت بخاف ان ريسفر من ال2 ممكن يتحرق فكنت بشغل ريسفر واحد فقط وافصل التاني يعني لو اللي في الصاله سغال يبقي افصل اللي في الغرفه او العس بس احيانا كنت بنسي وكان بيشتغلوا عادي
حضرتك اشتغل على نضيف احسن بكتير كل جهاز على وصلة على تلفزيون عشان تريح دماغك
ماتحاولش وتتعب نفسك .. الصورة هتقطع وتعملك مشاكل
عدسة اتنين مخرج بكابلين ودخلهم الشقة وغطيه
ممكن تشوف الموضوع ده يساعدك بس انا مجربتهوش
DMM-TV | Inverto