:ANSmile23:
معلش يا جماعة على السؤال العجيب ده
أصلى عايز أودى بنتى
يا ترى بتفتح يوم الجمعة؟ و لو بتفتح مواعيدها من كام لكام؟
و إيه أقرب مكان ينفع أركن فيه؟
و لسة فيها حيوانات فعلا؟؟
أخوكم مزنوق :gun_bandana:
عرض للطباعة
:ANSmile23:
معلش يا جماعة على السؤال العجيب ده
أصلى عايز أودى بنتى
يا ترى بتفتح يوم الجمعة؟ و لو بتفتح مواعيدها من كام لكام؟
و إيه أقرب مكان ينفع أركن فيه؟
و لسة فيها حيوانات فعلا؟؟
أخوكم مزنوق :gun_bandana:
طبعاً بتفتح يوم الجمعة
المواعيد من 8 او 9 صباحاً حتي الساعة الخامسة
يوجد اماكن كتيرة بجوارها ويوجد كذا سايس بينظم العملية دية والانتظار 2 جنية
طبعاً لسة فيها حيوانات لكن لايوجد فيها الزارفة
رحلة سعيدة واتمني ان الامورة الصغيرة تبقي فرحانة
- شغالة طوال الأسبوع من 9 - 4
- احسن مكان للركنة عند الباب اللى جنب قسم الطيران فى كلية الهندسة، ده فى شارع الجامعة اللى بيودى على ميدان الجيزة
- لسه فيها حيوانات بس مش زى زمان
أخيرا انصحك انك ماتروحش علشان نفسك هتتسد و بنتك هتكره الحيوانات من منظر الجنينة و ريحتها و لو صممت تروح، يبقى بلاش الجمعة علشان رحلات المدارس بتبقى زى التتار و غالبا حد هيحدف عليك بمب او بواقى طبيخ
صدقنى مش ببالغ
ايو بتفتح الجمعه و رسم دخول للشخص جنيه
واعمل حسابك فى مشى كتير
و هات معاك فلوس كتير فكه انصاص
عشان كل الحيوانات تخلى بنتك تأكلها او تركبها لو ينفع
عند كل حارس صبح عليه و اديله اللى فيه القسمه و هيبسط بنتك اوى
و يستحسن بلاش الجمعه زححححححححححمه موووووووت و ناس مش هتكون مبسوط معاهم
و لو قعدت فى جزيره الشاى بلاش تاكل الجاتوه هو اجبارى حاسب و ماتكلوووش
و هتركن جمبها
بس خللى بالك الطريق اللى عند السفاره فيه شجر حلو بسس لو ركنت شويه الطيور بتخللى الهربيه زبااااااااااااااله
فيه ركنه من ناحيه سكه الجامعه و لما تروح هناك مش هتتعب فى الركنه خالص
ألف شكر يا جماعة
للأسف الجمعة هايكون أحسن يوم للركنة أو أركن بعيد بقى و آخد تاكسى
ايوه يا ريس عشان بنتك تتبصت و تزقطط
و فكر برضه فى قريه الاسد و فى Africa Park
costy but better
و مافيش ركنه بعيد
قليل اللى بيروح و معاه عربيه ملاكى
لما تروح هتعرف
انت هتركن جمب المدخل على طول
رايي من رأيك يا ا/ طارق africa park احسن و كمان قرية الاسد
للاسف الكلام ده تقلديى جدا و مش صح
العنبر الضلمه ده طول عمره موجود و الاسود و النمور موجوده فيه يعنى لا لمو ولا حاجه و اسمه بيت السباع غالبا و فعلا ريحته وحشه عشان مقفول و الاسود مش بيحطه Perfume..
و فيه نمور و اسود براه موجودين فى كذا قفص بره البيت ده و قريبين و تشوفهم عادى
و فيه الاسد الجبلى هو و المدام بتاعته موجودين فى منطقه مفتوحه
و ممكن 5 جنيه و تشيل سيمبا الصغير
و الجنينه فى العموم نضيفه بس المشكله فى الزوار ساعات بتكون شعبيه شويه و دول برضه ناسنا و اهلنا
و بنتك هتتبسط جدا