مراوح التبريد بقوا بيشتغلو على طول بدون فصل على السرعة العالية
السلام عليكم ورحمة الله وبركاته
جمعة مباركة علينا جميعا ان شاء الله
العربية: هيونداى ماتريكس 2006 مانيوال ... شارى العربية مستعملة من 10 شهور
المشكلة:المراوح (الريداتير والتكييف) بقوا بيشتغلو على طول بدون فصل على السرعة العالية
وتفضل مراوح التبريد شغاله عالسرعة العالية طول الوقت لحد ما ابطل العربية
بعد تركيب ترموستات الكوعة نظرا لسؤالي وعلمى لأهميتها ولظروف الجو اللي مخليه مؤشر الحرارة بالليل او فالسفر قرب الزيرو
حصل الاتى:
اول مالعربية تسخن بعد 5 دقائق( كانت الاول قبل تركيب الترموستات تسخن ف ربع ساعة) بقيت المراوح (الريداتير والتكييف) بقوا بيشتغلو على طول بدون فصل على السرعة الاولى ثم على السرعة العالية ورا بعض وتفضل كده طول الوقت لحد ما بطل العربية وبناءا عليه خرطوم خروج الميه من الريداتير بيبقى تلج وتقريبا ترموستات الكوعة بيقفل تاني ومؤشر الحرارة ثابت قبل النص
عملت سكان كمبيوتر لكشف الاعطال طلع عطل حساس الحرارة ... اشتريت حساس جديد اصلى والكهربائي ركبه على فيشة الكنترول من بره دون توصيله عالموتور يعني الفيشه راكبه والجزء النحاس من الحساس فالهوا طلع برضو نفس العطل والمراوح ما بتفصلش برضو ... قالي سيبهالى ويا سلك فالضفيرة ملمس او الكنترول فيه حاجة
بس هى كانت كويسة قبل ما ركب ترموستات الكوعة وكانت المراوح بتشتغل وتفصل عادى وقلما لما تشتغل على السرعة العالية
ايه رأيكم واسف جدا للأطالة