عملت حادثة و محتاج استشارة

**drabdulrahman** · 22-01-2016 08:25 PM

السلام عليكم
انا عملت حادثة و خبطت في حجر. الرادياتير اتعوج و القنطره و ناحية من اللي ماسكين فيها القنطرة اتنت حاجة بسيطة. محتاج استشارة من حد يفهم في سمكره الفيرنا ضروري انا مخنوق جدا

**drabdulrahman** · 22-01-2016 08:27 PM

القنطرة اتعوجت خالص يا جماعه. بس ناحية من اللي ماسكه فيها القنطرة اتنت حاجة بسيطه. انا مش عارف الموضوع حجمة قد ايه محتاج حد يفهمني

**scientist9508** · 23-01-2016 06:42 PM

لا أنصح بإستعدال القنطره . . أفضل شراء قنطره جديده

**ahmed.zahra** · 24-01-2016 12:16 PM

حضرتك ممكن تروح لعفشجي و هو حيقولك اذا كان القنطرة دي حينفع فيها استعدال و لا محتاج تغيرها او تغير حاجة تانية معاها. و ربنا يعينك و قدر الله و ما شاء فعل

**akrameladl** · 24-01-2016 12:47 PM

لازم نشوفها عشان نعرف هينفع فيها استعدال ولا لاء عندك صورة ليها ؟
بالنسبه للردياتير غيرة علطول من غير تفكير

**gamal_sharaf** · 24-01-2016 06:33 PM

إن شاء الله الموضوع بسيط
انا اقترح انك بعد ما تروح إلى العفشجى وتفك القنطرة تشوف في حاجة تانية ولا لاء
وبعد كدة تجيب الحاجة اللى باظت وتروح على طول على واحد من بتوع تقطيع السيارات المستوردة
زى سوسو اللى في الهرم شارع اللبينى
تشترى منه قطرة ولاديتير واى جزء اخر اتوج في العربية تشترية استيراد
عشان ترجع كل حاجة زى ماكانت بالظبط
وربنا يستر طريقك
ابقى خلى بالك

**drabdulrahman** · 28-01-2016 07:43 AM

شكرا علي ردودكم يا اخوانا انا فعلا اشتريت قنطرة الراجل قالي مش هينفع تتعدل جبتها استيراد. و الرادياتير اتطبق بس متخرمش و الميه اللي خرت لان الخرطوم هو اللي فك. عادي استعدل الرادياتير ولا برضو اغيره يا جماعه؟

**ahmed.zahra** · 28-01-2016 10:50 AM

طالما ماتخرمش يبقى عادي ممكن ما تغيروش

**drabdulrahman** · 29-01-2016 10:50 AM

غيرت القنطرة و ركبت الرادياتير و السمكري ظبط شوية حاجات كده بس بعد تجربتي الاولي لاحظت الاتي.
فيه هزه كده مع اول تشغيل للعربية.
فيه طقطقة كده سعات بسمعها وانا سايق خصوصا علي سرعات 30 او 40.
قولت اجرب اكسر الدركسيون للاخر و الف لقيت طقطقه.
انا محبط

**MOHAB DX** · 30-01-2016 05:51 AM

بص براحة حكاية انك تلف الدريكسيون للاخر وتسمع طقطقة ممكن تكون الكبالن ضربت وعايزة تتغير
بس متحبطش كل مشكلة وليها حل

الموضوع: عملت حادثة و محتاج استشارة

LinkBack

أدوات الموضوع

عرض

-

-

-

المواضيع المتشابهه

عملت حادثة جامدة و محتاج مساعدتكم

عملت حادثة و محتاج نصيحتكم

عملت حادثة ...... و محتاج مساعدة .

عملت حادثة ومحتاج استشارة و مساعدة من الشباب

عملت حادثة و محتاج مساعدة

الكلمات الدلالية لهذا الموضوع

المفضلات

المفضلات

ضوابط المشاركة