السلام عليكم ورحمه الله وبركاته
امبارح لاقيت واحد صاحبي طالع عينه بيدور علي راس الكوبلن لاوبل كورسا 95 هاتش باك 1200
بصراحه هو عامل تأليف في الكوبلن بتاعه جايب راس كوبلن خارجي لاوبل 1400 الاوربي
المهم
انا قولتله نغير الكابالن كلها بالاصلي بتاع 1200
عايزين حد عنده الكبالن بتاعتها بس هو سأل لاقها غاليه قوي
عايزين حد يعرف مكان تكون في مش شرط الاصليه بس تكون رخيصه
وشكرا مقدما
محدش عنده حل للمعادله ده!
سبحان الله..
انا عندي نفس المشكلة حاليا. و هاغير الكبالن ان شاء الله..
في واحد ف المعادي اسمه الغنيمي.. كان عنده ب 300 جنيه مايلي الماني..
الجوز تمنه 300 جنيه..
امريكان ستار اللي ف شمبليون عنده نوع ايطالي ب 450 تقريبا..
و في كمان حاجة تانية سمعتها بس مش متأكد منها..
ان كبالن اللانوس بتركب فيها.. و دي تمنها حوالي 300 جنيه برضه..
بورسعيد واشترى دماغك
شكراً للاستاذ احمد علااوي والاستاذ رميو
انا علي الظهر انهارده رايح اشتريهمله
بس ياريت يا استاذ احمد تتاكدلي من المعلومه ده بتاعه الانوس
هو انا عاييز الكوبلن كامل مش الراس
لو بتاع المعادي عنده جديد كامل وسعره كويس يبقي تمام قوي
لاني الجوز في الالماني حيخش في 2000 جنيه
وشكرا مره تانيه للاستاذ احمد علااوي
علي ردودك بخصوص الاسترا بتاعه والدي
ابو اياد
اهاااااااااااااااااا..اقتباس:
المشاركة الأصلية كتبت بواسطة mohamed_rhem
اهلا بيك يا باشا..
لا شكر علي واجب..
انا كنت باتكلم عن الكبالن الخارجي بس.. اللي هي راس الكوبلن بس..
و سألت علي الداخلي قالي مفيش..جديد عنده..
و لو لقيته هيكون غالي جدا و ممكن يوصل 2000 جنيه فعلا..
و كان الرد اني اجيب الداخلي استيراد و الخارجي جديد..
موضوع الداخلي لانوس هاتأكدلك منه عشان اللي كنت اعرفه الخارجي بس..
و اللي سمعته عن سعر الداخلي الاستيراد النضيف ممكن يعمل حوالي 350-400
مفجأه من العيار الثقيل
احمد باشا علاوي
انا جبت كبالن كامله ايطالي ب 1300 جنيه وحنجرب وحقولك علي النتيجه
المحل في شارع دمشق
وده اسمه اليكتروموتيف 46 شارع دمشق مصر الجديده وده تليفونه 2453359
بس تقريبا ده كان اخر جوز عنده لان الكراتين كانت حالتها تعبانه قوي بس هما فعلا ايطالي
وشكلهم كويس عموما سهل تلاقي إن شاء الله عندهم
بصراحه ناس محترمين
وتحت امرك يا باشا في اي خدمه
يا سلااااااااااااااام
تسلم يا باشا..
بس اخر الاخبار عندي..
انه المشكلة مطلعتش من الكبالن الداخلي..
طلعت اسطوانة و ديسك (تااااااااااااني :( )
بس ف انا هاجيب خارجي بس ان شاء الله..