تظبيط بس وبسيطة بس جرب كلامهم فعلا هاتفرق معاك
عرض للطباعة
تظبيط بس وبسيطة بس جرب كلامهم فعلا هاتفرق معاك
القاهره ١٣ مئوي وفيه صقيع ينشف ,ونعمة ربنا فيه شمس ,الواحد يتغدي عدس وبصل اخضر ويحلي بخبيص -عجوه بالبيض . ويلبس الطاقيه الصوف وطقم ثرمو وبعون الله كله تمام.
http://gool.us/d/1453889676061.jpg
http://gool.us/d/145388967612.jpg
جربت العربية ... و اعتقد ان الاسبراتير عاوز يتظبط ... و خاصة انه اتحرك فى ايدى ببساطة !!!! صامولة ربطه لم تكن مربوطة باحكام
السؤال .... ازاى اعرف اظبط العربية كويس ؟؟!!! ايه غير لف الاسبراتير يمين و شمال ... و ازاى اعرف افضل توقيت اشعال ؟؟؟
حد عنده فكرة عن مسدس ضبط الاشعال ده ؟؟ timing gun ?
انا شفته عند واحد ميكانيكى من فترة طويلة بس مش فاهم بيشتغل ازاى !!
http://gool.us/d/1453889858361.jpg
مسدس timing عندك ولا هظبط بلدي؟؟
طالما بلدى يبقى لو عاوز تقسمها من اول وجديد : تفك البوجية رقم ١ مثلاً وطبعاً تخلى الاسبراتير مهوى - وتجيب مفك طويل تدخله مكان البوجية وبعدين تدى العربية الرابع او التالت لو معندكش رابع وتقعد تزق العربية بالراحة والمفك على ايدك حتلاقيه عمال يطلع لفوق لغاية مايوصل اعلى مستوى ليه ماتخليهوش ينزل تانى يعنى اول مايوصل لاعلى مستوى تبطل زق وتتأكد طبعاً إن الصبابات الحر والعادم مقفولين علشان تتأكد إنك فى شوط الضغط - كل ده وانت مش فاتح الكونتاكت وطبعاً معاك حد يساعدك فى الزق :) - بعد كده البوجية وهو بره تركبه فى السلك بتاعه وتخلى حد يفتحلك الكونتاكت وتلفف الإسبراتير بالراحة وهو طبعاً مهوى وانت مقرب البوجية لجسم الموتور لغاية ماتشوف الشرارة بتاعة البوجية - هوب تيجى مربط الاسبراتير ومربط البوجية وتدور - بعد كده حتحتاج سنة تظبيط تانية وهى دايرة انك تهوى الاسبراتير على ايدك وتلفه بالراحة فى الاتجاهين لغاية ماتشوف ان الموتور مش بيتهز ولا بيقطع ولا بيعمل صوت تصقيف ( ملحوظة : الكلام ده والعربية سخنة ) تيجى مربط الاسبراتير .
وتطلع تجرب لو لسه فيه ملاحظات تكرر الظبطة الاخيرة تانى . وبالمرة لما كله يبقى تمام نضف البكات بتاعة الكاربيراتير وظبط الهوا والبنزين .
الاول نجيب ورده سوسته للصموله اللي بتحل بمزاجها
، نجيب wd40 و شحم ليثيوم . فيه صدا جوا الاسبيراتير خصوصا تيش الابانص .هتغير كوندنسر طبعا
المكنه الريدي متقسمه وكانت دايره فمش محتاج ضبط من البدايه. هتريح علي صمولة الاسبيراتير وتخليها قرب النص. دور سلانسيه وابتدي لف ، لو المكنه ابتدت تعلي انت ناحية تقديم والعكس تاخير والمكنه تبتدي تكن، في معظم القديم الرينج ٥-١٠ btdc.
عشان مفيش مسدس توقيت هتحاول توصل لوضع وسطي والمكنه دايره معقول لا سارعه ولا كنه. تربط الصموله وتاخدها لفه. ان لقتها بتسقف في الملفات والمطالع يبا تاخرها، لقتها تعبانه في السحب تديها ابانص، عندك الفكيوم شغال والديافرام بيتحرك ؟؟ لان دا بيعمل ابانص اتوماتيك.
المفروض فيه علام ع الطمبوره وتدريج ناحية وش التقسيمه
تحياتي
بردك ال ٣ سلوك اللي داخلين الاسبراتير هيحكو في بعض او حاجه . خليهم حزمه وبتربطوا بكام افيز بلستك . وكلهم تدخلهم في خرطوم فليكسي ويتامن.اعتقد جوان الغطا عاوز يتغير