مشكلة فى الدوارة .. الاسبراتير

**pepo2011** · 24-01-2016 11:09 AM

تظبيط بس وبسيطة بس جرب كلامهم فعلا هاتفرق معاك

**Mecha** · 24-01-2016 12:23 PM

المشاركة الأصلية كتبت بواسطة ahmed_eng2001

نزولا على رغبة الباشمهندس احمد عبد الفتاح و الباشمهندس ميكا ... ان شاء الله اغير المشط ( الموديول ) غدا
مع العلم .... اخدت نصف ساعة علشان افك احد مسامير تثبيت الشاكوش علشان كان مفوت
ركبت الشاكوش و الوش فى ربع ساعة ... و اخدت ساعة كاملة علشان اركب مسامير الوش تانى

مش مهم الوقت ، دي عربيتك والاهم الشغل يتعمل صح.
تحباتي

**ahmed_eng2001** · 25-01-2016 06:38 PM

المشاركة الأصلية كتبت بواسطة Mecha

مش مهم الوقت ، دي عربيتك والاهم الشغل يتعمل صح.
تحباتي

الوقت يعنى المجهود كمان .... و بصراحة الواحد صحته مش زى الاول .. و لا الوزن كمان

انا ركبت المشط الجديد و دورت العربية فى السريع كدة و كانت كويسة .... نشفت فى البرد

بكرة ان شاء الله اجرب و اخد لفة و اوافيكم بالتطورات

**Mecha** · 26-01-2016 01:06 AM

القاهره ١٣ مئوي وفيه صقيع ينشف ,ونعمة ربنا فيه شمس ,الواحد يتغدي عدس وبصل اخضر ويحلي بخبيص -عجوه بالبيض . ويلبس الطاقيه الصوف وطقم ثرمو وبعون الله كله تمام.

**ahmed_eng2001** · 27-01-2016 12:19 PM

جربت العربية ... و اعتقد ان الاسبراتير عاوز يتظبط ... و خاصة انه اتحرك فى ايدى ببساطة !!!! صامولة ربطه لم تكن مربوطة باحكام

السؤال .... ازاى اعرف اظبط العربية كويس ؟؟!!! ايه غير لف الاسبراتير يمين و شمال ... و ازاى اعرف افضل توقيت اشعال ؟؟؟
حد عنده فكرة عن مسدس ضبط الاشعال ده ؟؟ timing gun ?
انا شفته عند واحد ميكانيكى من فترة طويلة بس مش فاهم بيشتغل ازاى !!

**Mecha** · 27-01-2016 03:25 PM

مسدس timing عندك ولا هظبط بلدي؟؟

**ahmed_eng2001** · 27-01-2016 05:46 PM

المشاركة الأصلية كتبت بواسطة mecha

مسدس timing عندك ولا هظبط بلدي؟؟

هظبط بلدى

**م/أحمد عبد الفتاح** · 27-01-2016 08:56 PM

المشاركة الأصلية كتبت بواسطة ahmed_eng2001

هظبط بلدى

طالما بلدى يبقى لو عاوز تقسمها من اول وجديد : تفك البوجية رقم ١ مثلاً وطبعاً تخلى الاسبراتير مهوى - وتجيب مفك طويل تدخله مكان البوجية وبعدين تدى العربية الرابع او التالت لو معندكش رابع وتقعد تزق العربية بالراحة والمفك على ايدك حتلاقيه عمال يطلع لفوق لغاية مايوصل اعلى مستوى ليه ماتخليهوش ينزل تانى يعنى اول مايوصل لاعلى مستوى تبطل زق وتتأكد طبعاً إن الصبابات الحر والعادم مقفولين علشان تتأكد إنك فى شوط الضغط - كل ده وانت مش فاتح الكونتاكت وطبعاً معاك حد يساعدك فى الزق :) - بعد كده البوجية وهو بره تركبه فى السلك بتاعه وتخلى حد يفتحلك الكونتاكت وتلفف الإسبراتير بالراحة وهو طبعاً مهوى وانت مقرب البوجية لجسم الموتور لغاية ماتشوف الشرارة بتاعة البوجية - هوب تيجى مربط الاسبراتير ومربط البوجية وتدور - بعد كده حتحتاج سنة تظبيط تانية وهى دايرة انك تهوى الاسبراتير على ايدك وتلفه بالراحة فى الاتجاهين لغاية ماتشوف ان الموتور مش بيتهز ولا بيقطع ولا بيعمل صوت تصقيف ( ملحوظة : الكلام ده والعربية سخنة ) تيجى مربط الاسبراتير .
وتطلع تجرب لو لسه فيه ملاحظات تكرر الظبطة الاخيرة تانى . وبالمرة لما كله يبقى تمام نضف البكات بتاعة الكاربيراتير وظبط الهوا والبنزين .

**Mecha** · 28-01-2016 06:01 AM

بردك ال ٣ سلوك اللي داخلين الاسبراتير هيحكو في بعض او حاجه . خليهم حزمه وبتربطوا بكام افيز بلستك . وكلهم تدخلهم في خرطوم فليكسي ويتامن.اعتقد جوان الغطا عاوز يتغير