الموضوع: مشكلة فى الدوارة .. الاسبراتير

المشاركة الأصلية كتبت بواسطة م/أحمد عبد الفتاح

طالما بلدى يبقى لو عاوز تقسمها من اول وجديد : تفك البوجية رقم ١ مثلاً وطبعاً تخلى الاسبراتير مهوى - وتجيب مفك طويل تدخله مكان البوجية وبعدين تدى العربية الرابع او التالت لو معندكش رابع وتقعد تزق العربية بالراحة والمفك على ايدك حتلاقيه عمال يطلع لفوق لغاية مايوصل اعلى مستوى ليه ماتخليهوش ينزل تانى يعنى اول مايوصل لاعلى مستوى تبطل زق وتتأكد طبعاً إن الصبابات الحر والعادم مقفولين علشان تتأكد إنك فى شوط الضغط - كل ده وانت مش فاتح الكونتاكت وطبعاً معاك حد يساعدك فى الزق :) - بعد كده البوجية وهو بره تركبه فى السلك بتاعه وتخلى حد يفتحلك الكونتاكت وتلفف الإسبراتير بالراحة وهو طبعاً مهوى وانت مقرب البوجية لجسم الموتور لغاية ماتشوف الشرارة بتاعة البوجية - هوب تيجى مربط الاسبراتير ومربط البوجية وتدور - بعد كده حتحتاج سنة تظبيط تانية وهى دايرة انك تهوى الاسبراتير على ايدك وتلفه بالراحة فى الاتجاهين لغاية ماتشوف ان الموتور مش بيتهز ولا بيقطع ولا بيعمل صوت تصقيف ( ملحوظة : الكلام ده والعربية سخنة ) تيجى مربط الاسبراتير .
وتطلع تجرب لو لسه فيه ملاحظات تكرر الظبطة الاخيرة تانى . وبالمرة لما كله يبقى تمام نضف البكات بتاعة الكاربيراتير وظبط الهوا والبنزين .

المشكلة الكبرى ان مفيش حد معايا ... فاحيانا برفع عجلة خلفية ... و الفها بنفسى .. و ارجع ابص على المفك و هكذا

لازم افك غطاء التاكيهات علشان اشوف الصبابات

ليه لازم تكون العربية سخنة ؟

المشاركة الأصلية كتبت بواسطة ahmed_eng2001

فكرة الصامولة السوستة جيدة جدا
تم تغيير الكوندنسر
يعنى ايه ٥-١٠ btdc ؟

يعني خمس ل عشرة دوجات قبل النقطه الميته العليا

لو فيه مسدس .... الظبط يكون ازاى ؟
حجرب الفاكيوم و اشوف
موجود علامة بالفعل و تدريج على الطمبورة
مفيش جوانات بين وش الاسبراتير و بين جسم الاسبراتير

المسدس اللي استعملته معاه سلكين ht
واحد يركب في بوجيه نمره واخد
والتاني في غطا الاسبراتير نمره ١ بردك
هتنضف التدريج وعلامة الطمبوره وممكن تبردها او تديها ماركر, هتحل خرطوم فكيوم الابانص وتطببه بمسمار سن صاج او مفك صليبه وتعوي صمولة الاسبيراتير او تهوي والمكنه دايره سلانسيه
هتدوس ع الزناد وتوجه المسدس جهة التدريج
المسدس بيطلع نور قوي متزامن، هتلاقي العلامه ثابته قدام رقم في التدربج وتقترنها بقيم العربيه
بيبا شكلها حلو اوي اللعبه دي. القيم عندك شوف ع الكبوت من تحت او الشماسه او غطا التكيهات.
اثناء القراءه والصموله مهويه تقوم تظبط الزاويه الصح
وتقوم رابط وتراجع . بعدين رجع كل شيء لاصله

المشاركة الأصلية كتبت بواسطة ahmed_eng2001

المشكلة الكبرى ان مفيش حد معايا ... فاحيانا برفع عجلة خلفية ... و الفها بنفسى .. و ارجع ابص على المفك و هكذا

لازم افك غطاء التاكيهات علشان اشوف الصبابات

ليه لازم تكون العربية سخنة ؟

فيه طريقه تانيه ، لقمه ع الطمبوره ويد سيستيمه وتلف وعندك التدريج وشكوش الاسبراتير

عفوا للاخطاء الاملاءيه ، بسبب الاسطايل !! الجديد
كل ما اكتب البوكس يحدف يمين في حال الاقتباس.
ديما الاسبيراتير اللي شفته بيبان بيلمع من جوه حتي لو قديم وبايظ
بسبب عزله عن الهوا والتراب. ممكن الجوان القديم راح وممكن تقص شنبر قديم وتلزقه
حته شرخ صغير او تنفيس يبهدل الشراره دا غير مشاكل التراب. وشفت بعيني شراره بتهرب من وصله سلك في يوم مطر وبطلت العربيه
المشط الجديد بياخد من بك اب ولا هو بيعمل الاتنين؟؟
تحياتي

الوش القديم كان فيه شرخ مكان احد الصوابع .... و صعب جدا انى اعمله جوان و احطه تحته ... المسافة ضيقة جدا

اعتقد لزمن حاجه تمنع التراب والرطوبه، اسال عليه
او تجيب o-ring اللي شريط طويل وتقص حته وتلزقه.

تم ظبط الاسبراتير و تجربة العربية لمشوار كويس .... بس لى بعض الاستفسارات ...

فيه رينج كبير ... تقريبا 20 درجة .... ممكن اربط فيهم مسمار الاسبراتير .... و المسافة دى العربية بتكون كويسة .. مش عالية و مش واطية .... علشان كدة انا كنت بسأل على مسدس الظبط !!!!

عرفت ليه لازم العربية تكون سخنة و انت بتظبط الاسبراتير
شفت بعض الافكار على الانترنت .. ممكن نخلى المشط و الكوندنسر خارج الااسبراتير لسهولة التغيير
المشط واخد من ماجنيتك بيك اب

spark plug gap 0.040 or 0.060











Two examples of worn plugs, remember that the gap on the plugs affects the timing /smooth running of the engine, plugs this worn with a gap twice the size ...