الموضوع: الي هواة صيد السمك في القاهرة والجيزة

المشاركة الأصلية كتبت بواسطة reda elgohary

عاوز أتعلم الصيد حتى لو صيد الحشرات ... خدنى معاك ولك الآجر والثواب .

يا باشا اتشرف بحضرتك لو حضرتك بتتكلم عن صيد الاسماك. لان زي الناس ما عارفة اليومين دول قلق وصيد البر مشكلة. يعني بنادق وسكاكين ممكن نعمل مشكلة مع الامن.

المشاركة الأصلية كتبت بواسطة midoabdeen

طيب حضرتك جيبت السنارة و عدة الصيد بكام ومنين
انا عايز اجيب عدة صيد واطلع انا كمان
معااااك وش لو ناويت

السنارة جبنها نوع متواضع لاني فهمت البائع اني لسة مبتدأ. فرشحلي حاجة وسط بحوالي 200 جنيه. وجبتها من شارع فيصل بجوار الطالبية.

المشاركة الأصلية كتبت بواسطة nilmaster

انا عندى خبرة بسيطة فى صيد الاسماك بس لو ناويت يبقى يوم جمعه باذن الله او سبت ممكن برضه

ياريت. نحاول نتواصل علي التليفونات و نرتب ميعاد ان شاء الله. الجمعة عندي فاضي لكن السبت الجاي لا.
بس المشكلة اني مش لاقي حد عنده طعم في المنطقة عندي.

السلام عليكم..... صيد السمك في النيل بيكون في الصيف اكتر وافضل للأستمتاع خصوصاً وحضراتكم مبتدئين ..... صيد النيل في الشتا قليل جدا ومحتاج محترفين علشان السمك اللي بياكل قليل وبيكون مقتصر علي سمك الثعابين او الحنشان خصوصا في هذا الجو البارد لكن في مواقع متخصصة في الصيد زي منتدي نادي صيد الاسماك المصري - قائمة المنتديات
وعايز استفسر من حضراتكم عن سعر بندقية رش نمرة 1 او 2 بسعر كام وانواع ومنين و تقبلوا تحياتي من صياد سمك من 30 سنه نيل ومالح وخليج عربي كمان (:

المشاركة الأصلية كتبت بواسطة Sherifmt

السلام عليكم..... صيد السمك في النيل بيكون في الصيف اكتر وافضل للأستمتاع خصوصاً وحضراتكم مبتدئين ..... صيد النيل في الشتا قليل جدا ومحتاج محترفين علشان السمك اللي بياكل قليل وبيكون مقتصر علي سمك الثعابين او الحنشان خصوصا في هذا الجو البارد لكن في مواقع متخصصة في الصيد زي منتدي نادي صيد الاسماك المصري - قائمة المنتديات
وعايز استفسر من حضراتكم عن سعر بندقية رش نمرة 1 او 2 بسعر كام وانواع ومنين و تقبلوا تحياتي من صياد سمك من 30 سنه نيل ومالح وخليج عربي كمان (:

وعليكم السلام.
فعلا ناس كتير قالوا إن الصيد في النيل يبدأ من شهر 5. بس أدينا نحاول نضيع وقت الوقتي نتعلم فيه لحد ميجي الصيف. :)

بالنسبة للبنادق فالموضوع كبييير..
فأسعارها من 1200 إلي ما شاء الله. ممكن توصل معاك 30,000 لبنادق ضغط الهواء.
بالنسبة للعيار 4.5 مم أو نمرة 1 لا يصلح إلا للطيور الصغيرة مثل الطيور المهاجرة في السواحل الشمالية وهي صغيرة جدا في حجم العصافير.
عيار 5.5 مم أو نمرة 2 أصلح للصيد لمعظم طرائد مصر.
في عيارات أخرى نمرة 3 أو 6.35 مم لكن دي للغزلان مثلا. وفي حتى 9 مم.

عموما رقم 1 أو 2 في السعر لا تختلف كثيرا علي الرغم أن سعر 1 أغلى من 2 في المناطق الساحلية والعكس 2 أغلى من 1 في القاهرة والجيزة.

الأنواع في مصري - وصيني - وتركي - وأسباني - وألماني - وإنجليزي - وكوري........... لكن المعيار في القوة والجودة.
عموما في 3 تصنيفات مهمين:

1) Low Power, and High Power

- السرعة مادون 190 م/ث بتكون لوو باور وما فوق 200 م/ث بتكون هاي باور
- وطبعا لوو باور دقة عالية وهاي باور دقة لأقل
- لوو باور وزن خفيف مريح وهاي باور وزن ثقيل ومتعب.

2) الخامة والمصنع والعمر الطويل

طبعا الألماني والإنجليزي أفضلهم وأقواهم علي الإطلاق وأفضل نوعين في العالم وهما:
Diana-350 Magnum - mage in German
Webley-Patriot - made in UK

والأسباني أفضلهم دقة وقلة في الوزن

3) نوع البندقية:
توجد بنادق تعمل بالنابض أو السوستة / وبنادق تعمل بغاز ثاني أكسيد الكربون / وبنادق تعمل بالهواء المضغوط وهي أغلاهم وأدقهم وأقواهم علي الإطلاق.

عموما أنا حاولت أوجز علي قدر الإمكان ولو محتاج أي تفاصيل أنا تحت أمرك.

أفضل شهور السنة للصيد النهري شهر ٩ و ١٠ و ربنا يوفقكم