السلام عليكم.
باختصار جبت من يومين سنارة وعدة صيد وعايز اطلع اصطاد في النيل وليس لدي اي خبرة في صيد السمك. لاني بصطاد صيد بري فقط.
يا ترى في حد يحب ينزل اليومين دول في اي ويك اند؟
عرض للطباعة
السلام عليكم.
باختصار جبت من يومين سنارة وعدة صيد وعايز اطلع اصطاد في النيل وليس لدي اي خبرة في صيد السمك. لاني بصطاد صيد بري فقط.
يا ترى في حد يحب ينزل اليومين دول في اي ويك اند؟
إنزل جزيرة الروضة في المنيل أجمل مكان في مصر للصيد ،،
انت كنت بتصادى برى ايه بالظبط
يمام ، بط ، ولا حاجة تانية
عشان انا عايز اجيب بنقدقية صيد هوائية لصيد اليمام وعايز حد يساعدنى في الموضوع ده
اه فعلا بصطاد طيور زي الحمام البري والبط المهاجر.
بالنسبة لليمام فصيده من مسافات قصيرة ويحتاج قوة او سرعة مقذوف قليلة ايضا لا تتجاوز 200 م/ث.
ودي معظم البنادق الهوائية ليها المواصفات دي. علي عكس الحمام البري والبط البري والحيوانات الصغيرة مثل الارانب والثعالب. فدول بيحتاجوا مسافات طويلة تتجاور 80 و 100 متر وقوة عالية تتجاوز 200 او 300 م/ث. ودي بنسميها بنادق هاي باور. وهي غالية نسبيا بالنسبة للبنادق العادية اقل من 200 م/ث.
هو في اماكن في مصر للصيد البري؟؟؟؟؟؟؟؟؟
طبعا في اماكن كتير حسب طبيعة الصيد والطرائد.
اليمام بيكون في كل مكان حتى الاماكن السكنية والزراعات والطرق كمان.
الحمام البري في الصحاري والجبال والاماكن قليلة الكثافة.
البط في النيل والمستنقعات والبرك زي الفيوم والقناطر والبرك في اكتوبر والصحراء.
في الارانب البرية ودي بتحتاج صيد ليلي في الصحراء.
عاوز أتعلم الصيد حتى لو صيد الحشرات ... خدنى معاك ولك الآجر والثواب .
طيب حضرتك جيبت السنارة و عدة الصيد بكام ومنين
انا عايز اجيب عدة صيد واطلع انا كمان
معااااك وش لو ناويت
انا عندى خبرة بسيطة فى صيد الاسماك بس لو ناويت يبقى يوم جمعه باذن الله او سبت ممكن برضه
دعونا نتشارك مع بعضنا يوم الجمعة ونتعلم سويا .
السنارة جبنها نوع متواضع لاني فهمت البائع اني لسة مبتدأ. فرشحلي حاجة وسط بحوالي 200 جنيه. وجبتها من شارع فيصل بجوار الطالبية.
ياريت. نحاول نتواصل علي التليفونات و نرتب ميعاد ان شاء الله. الجمعة عندي فاضي لكن السبت الجاي لا.
بس المشكلة اني مش لاقي حد عنده طعم في المنطقة عندي.
السلام عليكم..... صيد السمك في النيل بيكون في الصيف اكتر وافضل للأستمتاع خصوصاً وحضراتكم مبتدئين ..... صيد النيل في الشتا قليل جدا ومحتاج محترفين علشان السمك اللي بياكل قليل وبيكون مقتصر علي سمك الثعابين او الحنشان خصوصا في هذا الجو البارد لكن في مواقع متخصصة في الصيد زي منتدي نادي صيد الاسماك المصري - قائمة المنتديات
وعايز استفسر من حضراتكم عن سعر بندقية رش نمرة 1 او 2 بسعر كام وانواع ومنين و تقبلوا تحياتي من صياد سمك من 30 سنه نيل ومالح وخليج عربي كمان (:
وعليكم السلام.
فعلا ناس كتير قالوا إن الصيد في النيل يبدأ من شهر 5. بس أدينا نحاول نضيع وقت الوقتي نتعلم فيه لحد ميجي الصيف. :)
بالنسبة للبنادق فالموضوع كبييير..
فأسعارها من 1200 إلي ما شاء الله. ممكن توصل معاك 30,000 لبنادق ضغط الهواء.
بالنسبة للعيار 4.5 مم أو نمرة 1 لا يصلح إلا للطيور الصغيرة مثل الطيور المهاجرة في السواحل الشمالية وهي صغيرة جدا في حجم العصافير.
عيار 5.5 مم أو نمرة 2 أصلح للصيد لمعظم طرائد مصر.
في عيارات أخرى نمرة 3 أو 6.35 مم لكن دي للغزلان مثلا. وفي حتى 9 مم.
عموما رقم 1 أو 2 في السعر لا تختلف كثيرا علي الرغم أن سعر 1 أغلى من 2 في المناطق الساحلية والعكس 2 أغلى من 1 في القاهرة والجيزة.
الأنواع في مصري - وصيني - وتركي - وأسباني - وألماني - وإنجليزي - وكوري........... لكن المعيار في القوة والجودة.
عموما في 3 تصنيفات مهمين:
1) Low Power, and High Power
- السرعة مادون 190 م/ث بتكون لوو باور وما فوق 200 م/ث بتكون هاي باور
- وطبعا لوو باور دقة عالية وهاي باور دقة لأقل
- لوو باور وزن خفيف مريح وهاي باور وزن ثقيل ومتعب.
2) الخامة والمصنع والعمر الطويل
طبعا الألماني والإنجليزي أفضلهم وأقواهم علي الإطلاق وأفضل نوعين في العالم وهما:
Diana-350 Magnum - mage in German
Webley-Patriot - made in UK
والأسباني أفضلهم دقة وقلة في الوزن
3) نوع البندقية:
توجد بنادق تعمل بالنابض أو السوستة / وبنادق تعمل بغاز ثاني أكسيد الكربون / وبنادق تعمل بالهواء المضغوط وهي أغلاهم وأدقهم وأقواهم علي الإطلاق.
عموما أنا حاولت أوجز علي قدر الإمكان ولو محتاج أي تفاصيل أنا تحت أمرك.
أفضل شهور السنة للصيد النهري شهر ٩ و ١٠ و ربنا يوفقكم
تشترى الطعم للسمك من مكانيين فى الجيزة
الاولانى اول شارع يمين وانت داخل شارع ال سعود من ناحية الجامعة محل صغير اسمة ابو احمد
والثانى شارع المنيل الروضة شارع صغير ناصيتة التوحيد والنور وانت جاى من كوبرى عباس ودة محلات فيها كل ادوات الصيد والخيوط وكل حاجة