الخلاصــــة فى تغيير زيت الفتيس الألنترا md 2012

**BUNSH** · 25-01-2016 03:42 PM

السلام عليكم ورحمة الله وبركاتة

اخيـــــــرا تم تغيير زيت الفتيس الأتوماتيك لألنترا MD 2012 بعد 106500 كم !!
بعد تفكير عميق , اغيرة فــ التوكيل ولا مركز رسيت في الاخر عــ التوكيل عشان أول مرة مش اكثر !
اتصلت بيهم (غبور العبور) وأول مرة الاقيهم فاضيين ويقولولي يناسب حضرتك بكرة عـ 11 صباحا ؟
اكدت عـ ميعاد واخذت رقمي وطيران عـ هناك .

=#= طبعا سمعت فتي كثير عن موضوع تغيير زيت الفتيس الأتوماتيك وعــ سبيل المثال =#=

اولا : الوكيل عندة جهاز شفط زيت الفتيس .
الوكيل معندوش جهاز شفط زيت الفتيس (ومن أوائل الناس اللي أكدت الكلام دة م-هاني ميخائيل) وكل الموضوع أنة بيفك الطبة وبيغيروا ودمتم !

ثانيا : بيسحبوا الزيت كلة من الفتيس .
كلام غلط والسعة اللترية للفتيس 7.3 لتر (الأتوماتيك) ولو اتسحب كلة الفتيس يضرب !

((1)) الفتيس الأتوماتيك للألنترا بياخد 5 لتر .
((2)) مالوش فلتر -بيتغير- ولا مقاس لزيت .
((3)) بيتغير كل 1OO.OOO كم .
((4)) سعر اللتر الواحد (125) جنية ويضاف عليهم مصنعية التغيير والتوكيل مش بيقول اسمة وحتة في الفاتورة مش كاتبين ومكتفيين بــAuto Mission Oil ومتقدرش تشترية من عندهم وتغيرة برة (اسرار حرب) :'D

وشكـــــــــرخاص لكبير وعمدة الفيرناويـــــــة ...

AHMEDCAR

( أحمد باشا يعتبر الحسنة الوحيدة فى هبور ومن الناس المحترمة اللي بعتز بمعرفتها وصداقتها ) وهوة اللى جابلي سر وصورلي اسم الخلطــة -قصدي الزيت- من الب هبور نفســة ولا عزاء لهبور !

Genuine Hyundai Fluid (ATF SP-IV) NM

ودمتم :)

**hossam_elwani** · 25-01-2016 08:48 PM

مبروك التغيير بس على فكره اي زيت atf vi يشتغل مكانه وموجود فى السوق موبيل وموتول

**hossam_elwani** · 25-01-2016 08:50 PM

المهم احساسك والفروق بعد التغيير ايه ؟

**borio1704** · 25-01-2016 10:00 PM

مبروك على تغيير الزيت.. ودي أول تجربة أشوفها لتغيير الزيت في الفتيس ده.. ويهمني أطمن ﻹن معايا السيراتو فيها نفس الفتيس بالظبط.

بس أنا ليا كذا تعليق.. وياريت تستحملني

أولا.. زيت الفتيس ما هواش أسرار حربية ولا حاجة.. وأي حد فتح كتالوج العربية في قسم المواصفات اللي في آخر الكتالوج عارف كويس قوي إن مواصفة الزيت هي atf sp-iv (بمعنى atf sp-4)..

والزيت ممكن تشتريه من بتوع قطع الغيار.. بس قلهم على الرقم بتاعه.

ثانيا... في نفس القسم في الكتالوج مكتوب إن سعة الفتيس من الزيت هي 7.1 لتر... وكون إنهم غيروا 5 لتر بس ده معناه إنك غيرت 70% تقريبا من الزيت. .. ولسه عندك 30% قدام... يعني يفترض إنك تغير الزيت المرة الجاية على 50 ألف بس.

دي صفحة كتالوج السيراتو.. اللي نسخة طبق الأصل من كتالوج الإيلانترا

ربنا يباركلك في العربية.. وابقى طمننا إيه الجديد.

...

**BUNSH** · 26-01-2016 03:09 PM

المشاركة الأصلية كتبت بواسطة hossam_elwani

مبروك التغيير بس على فكره اي زيت atf vi يشتغل مكانه وموجود فى السوق موبيل وموتول

المهم احساسك والفروق بعد التغيير ايه ؟

الله بيارك فيك ياحســام بك وعاش من شاف مشاركتك :)
مأنا عارف بس الفكرة نفسها , كنت عايز اعرف التوكيل نفسة شغال بأي ؟ وناس تقولك زيت الفابريكــة لايمكن يتعوض وتكاثرت الأقاويل في حتة دي . وفية ناس غيرت بــرة بحاجات تانية والفتيس بقى فية مشاكل !

ومكدبش عليك ,, الفرق ممكن استجابتة بقيت اسرع شوية بس فرق لا يذكر برضة وقبل ماغيرة مكنتش بشتكي منة ولا حاجة .. بس الحمدلله وحفاظ عـ الفتيس .

المشاركة الأصلية كتبت بواسطة tasaka

why ?

المشاركة الأصلية كتبت بواسطة borio1704

مبروك على تغيير الزيت.. ودي أول تجربة أشوفها لتغيير الزيت في الفتيس ده.. ويهمني أطمن ﻹن معايا السيراتو فيها نفس الفتيس بالظبط.

بس أنا ليا كذا تعليق.. وياريت تستحملني

أولا.. زيت الفتيس ما هواش أسرار حربية ولا حاجة.. وأي حد فتح كتالوج العربية في قسم المواصفات اللي في آخر الكتالوج عارف كويس قوي إن مواصفة الزيت هي atf sp-iv (بمعنى atf sp-4)..

والزيت ممكن تشتريه من بتوع قطع الغيار.. بس قلهم على الرقم بتاعه.

ثانيا... في نفس القسم في الكتالوج مكتوب إن سعة الفتيس من الزيت هي 7.1 لتر... وكون إنهم غيروا 5 لتر بس ده معناه إنك غيرت 70% تقريبا من الزيت. .. ولسه عندك 30% قدام... يعني يفترض إنك تغير الزيت المرة الجاية على 50 ألف بس.

دي صفحة كتالوج السيراتو.. اللي نسخة طبق الأصل من كتالوج الإيلانترا

ربنا يباركلك في العربية.. وابقى طمننا إيه الجديد.

...

الله يبارك فيك ويباركلك فيها ..
اكيـــد طبعـــا واكنــة موضوعك :)
الكتالوج اول حاجة بشيـــك علية قبل ماسئل وعارف نوعة كويس بس اللي كان شاغلني أني اجيب او اشتري نفس المستخدم في التوكيل عشان ابقي مستريح نفسيا مش اكثر وبتاع هيونداي دة متوفر برة طبعا بس قليل .
هوة عــ حد علمي وللي أنا اعرفة ولو غلط ممكن تصححلي برضة ..
انهم بيحاولوا ينزلوا (بدون شفط طبعا) اكبر قدر ممكن من الزيت القديم واللي بيبقي فية شوايب طبعا ويكمل من الجديد لأنة صعب انة ينزل او يصفي الزيت كلة من الفتيس وخاصة التروس .

ودي صفحـــة فـ كتالوج الألنترا .

**BUNSH** · 27-01-2016 12:53 PM

المشاركة الأصلية كتبت بواسطة borio1704

أتفق معاك في إن تنزيل كامل كمية الزيت بيبقى صعب.. بس المؤكد بالنسبالي إن أكيد فيه طريقة .. بس أغلب الناس ما يعرفوهاش.

الموضوع ده فيه طريقة لتنزيل كامل الزيت... يمكن تنفع معانا.

http://www.nilemotors.net/nile/47568...011-6-8-a.html

...

موضوع شيق بس مأظنش حد عندة استعداد انــة يفضية بنفســة وقد تكون العواقب وخيمـــة ;'d
هوة بس حد يشوف بيتغير ازاي (لأنة لية طريقة معينة في المقياس برضة ولازم تكون عــ سخن) ويعرف طريقتــة وبعد كدة يبقي التغيير نفسة سهل .