اعادة البيع للسيارات

**moustafa_ouda** · 26-11-2008 02:27 PM

after all this words i am planning to buy persona ISA. but any bodey hear about the cooperation between proton and ELNASR company. what is your openion and what do u expect to happen.

**ashraflotfy1** · 03-12-2008 03:16 PM

السلام عليكم يا اخوانى
انا مع الأخ صاحب الموضوع 100 فى ال 100 و هذه تجربتى
1- انا اشتريت بيجو 305 مو 1980 العربية سمعتها سيئة جدا و غير مطلوبة و الصنايعية يقولوا ياه دى الشغل فيها صعب و الحوض مزنوق و معرفش ايه المهم انا ليه اشتريتها لأن والدى كان معاه واحدة ممو 1979 و قعدت معانا 10 سنين و بهدلناها أنا و اخواتى الاتنين ما قالتش لا و السيارة اللى أنا اشتريتها قعدت معايا 6 سنين ما شاء الله 100 100 كنت أحط قطعة الغيار مرة و أنساها للنهاية هى كانت نادرة شوية بس موجودة و الصنايعى النضيف بيقدرها و لما جيت أبيعها قعدت 3 شهور و بعتها بالسعر اللى انا عاوزه
2- اشتريت بعد كده اكسيل و ما كانش فيه مشكلة في بيعها
3- اشتريت دايو اسبيرو 1995 أوتوماتيك السيارة مش مطلوبة قوى و بيعها صعب لكن سيارة هايلة بجميع المقاييس و رائعة و اتزان و ثبات و فخامة وكماليات ليس لها مثيل و لما جيت أشتريها قالولى الناس لأ دى قطع غيارها مش موجودة و تصليحها صعب و كلها حساسات و سنسورس و مش أى حد بيفهم فيها لكن لما سألت كويس الناس اللى بتفهم و دخلت على النت و المواقع اللى مهتمة بالسيارات لاقيت انها سيارة محترمة و المهم انها كانت عاجبانى و لما بعتها لم أخسر كتير لأن المهم انى اشتريت حاجة أنا عايزها
4- بعدها جبت كيا سيفيا و برده بيعها مش سهل أوى و برضه بعتها عادى
و الآن معى الأمورة الجين 2 و ربنا يخليها و موضوع مشاكل التقفيل و الأصوات كلام غير مهم بالمرة لأن السيارة لم يحدث ان شخص من الأخوة أعضاء المنتدى جاب سيرة الموتور أو العفشة أو التكييف أو الاتزان أو الثبات على الطريق و السرعة اذا باقى العيوب ليس لها أهمية و كلها من باب ما لاقوش فى الورد عيب قالوا أحمر الخدين
و الله الموفق و السلام ختام

**mezo73** · 22-01-2009 04:42 PM

اية الاخبار دلوقتي لما اسعار المستعمل نزلت في سوق العاشر

**husseinodeba** · 24-01-2009 11:10 PM

ماشاء الله
كلامك افاد ناس كتير وريح ناس اكتر وانا بأكد على موضوع السلامه والامان
لان دى اهم حاجه الواحد يفكر فيها لما يجى يشترى عربيه
اعده البيع مش مقياس ......الواحد لما يجى يشترى عربيه مينفعش ان اول حاجه يفكر فيها اذا كان هيعرف يبعها ولا لا ...انت مش بتشتر النهاده عشان تبيع بكره انت بتشترى عربيه جديده عشان تعيش معاك اطول مايمكن

**khpopo** · 24-01-2009 11:36 PM

المشاركة الأصلية كتبت بواسطة husseinodeba

ماشاء الله
كلامك افاد ناس كتير وريح ناس اكتر وانا بأكد على موضوع السلامه والامان
لان دى اهم حاجه الواحد يفكر فيها لما يجى يشترى عربيه
اعده البيع مش مقياس ......الواحد لما يجى يشترى عربيه مينفعش ان اول حاجه يفكر فيها اذا كان هيعرف يبعها ولا لا ...انت مش بتشتر النهاده عشان تبيع بكره انت بتشترى عربيه جديده عشان تعيش معاك اطول مايمكن

+100000000000000000000

ربنا يوفق

**eng_elnaggar** · 25-01-2009 11:13 PM

نفس الكلام ده انا سمعته بعد ما اشتريت العربية الواجا .. كل الناس قالتلي ليه تشتري النوع ده ده ماحدش عارفها ولا بيفهم فيها وقطع غيارها غاليه ... المهم انا كنت واخد قراري ومحدد العربية دي لأنها فعلا فيها كماليات مساوية لثمنها عكس انواع تانية ييجي يحطلك زجاج كهربا ولا فوانيس شبوره ولا جنوط اسبور يقوم يزيد من سعر العربية 5 الاف جنيه!!! ... عشان كده انا رأيي ان كل واحد طالما اقتنع بشيئ هيشتريه ينفذه مهما قال الناس ... لأن معظم المصريين بيفتوا عن غير علم ...

وانسى موضوع اعادة البيع طالما انك مش تاجر لأن جميع العربيات بتخسر لو اشتريتها زيرو .. على سبيل المثال لو اشتريت النهارده لانوس زيرو اللي هى اكثر العربيات انتشارا وركبتها شهر وعلقت نمر وجيت تبيعها بعد شهرين هتخسر 10 الاف جنيه .

**islammmm** · 04-02-2009 09:03 PM

والنبي يا اشرف باشا هي قطع غيار الاسبيرو متوفره ولا موش موجوده وهل بيع شركة دايو هياثر عليها

**ashraflotfy1** · 15-02-2009 12:33 AM

المشاركة الأصلية كتبت بواسطة islammmm

والنبي يا اشرف باشا هي قطع غيار الاسبيرو متوفره ولا موش موجوده وهل بيع شركة دايو هياثر عليها

اسلام باشا بيع الشركة لن يؤثر لأن أولا عمر العربية ما حتقعد معاك 10 سنين مثلا ثانيا الفيات 132 اخرها موديل 79 و مع ذلك لها قطع غيار و السيارة الدايو الاسبيرو مع عديلى و مبسوط منها و اشترى لها الرادياتير و تيل الفرامل و الفوانيس و غيره و كله موجود و سعره رخيص جدا يعنى مثلا الرادياتير كان ب 450 جنيه جديد و الفانوس بتاع الاشارة الأمامى جديد ب 30 جنيه و تيل الفرامل ب 60 و سير الكاتينة هو هو بتاع النوبيرا ب 70 جنيه على سبيل المثال