اقتباس المشاركة الأصلية كتبت بواسطة mahmoud naguib مشاهدة المشاركة
أنا لسة راجع من الأسكندرية امبارح بالليل فى أجازة من الجمعة للأربع
الكلام اللي بيتقال ده مبالغة كبيرة عن الجو ف الأسكندرية
الجو يمكن برد شوية بس المطر مش متصل يعني بيبدأ مثلا من 12 بالليل ف الغالب وبيكون خفيف يعني ممكن تمشي فيه
ممكن تلاقي يوم مثلا المطر قوي فيه وده مش بيتكرر كتير
يعني روح ومتخافش الجو حلو

بس أنا عن نفسي رجعت مش مبسوط تماما
يعني للأسف صورة الأسكندرية اللي كونتها خلال سنين كتير مش بس اتهزت جوايا دي اتدمرت تماما
شوارع ضلمة وطرق متكسرة وزبالة مالية الشوارع وعمارات مخالفة بال 25 دور 10 عمارات جنب بعض و10 قصادهم ف شارع 3م !!
المنظر الجمالي اتعدم تماما ف الأسكندرية معادش في مكان ممكن نقول انه لسة محافظ على شكله
حتى الكورنيش بقت كل العمارات اللي عليه منظرها صعب !
للأسف حتى لو اخترت منطقة حلوة تقعد فيها لازم هتعدي على كل الزبالة والمناظر الضايعة للمباني والشوارع المتكسرة !
يعني لو حابب تقضي أجازة كويسة تنبسط فيها أنصحك نصيحة عمرك .... بلاش اسكندرية ... روح شرم أو السخنة

يا زميلنا فى المنتدى المشكله لما تمشى فى الشارع مش مشكلة المطر اللى نازل على دماغك من فوق . المشكلة فى المطر اللى طالعلك من تحت . لما بتمطر كل متر فى البلد بيبقى إما بركة مياة بسبب أسفلت مش مظبوط أو بركة وحل بسبب الزبط و التراب و لو نجوت من الإتنين يبقى لبست فى عجينة قرف عبارة عن زبالة نازل عليها المطر و مسيلها على الأرض.