بفكر اسافر اسكندرية الاسبوع الجاي ان شاء الله يومين كدة وعايز اعرف اخبار الجو يعني المطر والنوات والطقس عموما والخروج هيكون عادي ولا الجو سقعة وصقيع؟ :U_thin1[1]: وشكرا جدا
عرض للطباعة
بفكر اسافر اسكندرية الاسبوع الجاي ان شاء الله يومين كدة وعايز اعرف اخبار الجو يعني المطر والنوات والطقس عموما والخروج هيكون عادي ولا الجو سقعة وصقيع؟ :U_thin1[1]: وشكرا جدا
أنا جوة الشقة و بطلع دخان من بئى حاليا و أحنا الساعة 8 و نص بالليل و بتشتى شتا خفيف كدة
و هنزل مثلا الساعة 10 بالليل
أقسم بالله العظيم لو حد لابس نضارة يأكد كلامى لأن مناخيرى بتطلع بخار هيا كمان و دى مش هيلاحظها غير واحد لابس نضارة , أحب أقولك أنك لما تستحمى بمايا سخنه و تنزل فى الجو دة شعرك هيفضل يطلع فى دخان لمدة ساعة تقريبا فى الشارع
و نصيحه لو ناوى تيجى أسكندريه أعمل حسابك فى هدوم مش بتشرب مايا و فى نفس الوقت المسام بتاعتها مقفولة عشان ميدخلكش هوا
و أوعى أوعى أوعى تنزل فى حته فيها طينه أو زبط
خليك فى الأسفلت
خليك فى الأسفلت
خليك فى الأسفلت
و نصيحه تانيه
مش كل أسفلت برضه يتمشى فيه , يعنى عندك نفق محمد نجيب أبعد عنه خالص
عندك كوبرى المندره أبعد عنه خالص رغم أنهم بيقولوا أشتغلوا فيه برضه أبعد عنه
الأماكن دى الى داخل فيها بيغرق بمعنى الكلمة
و أدينا شوفنا ناس بتموت بسبب الكلام ده
لو حصلت عاصفة أو هوا شديد أو مطر شديد أوعى تمشى على البحر
أحنا كأسكندرانيه بنبقى مش عارفين البحر من الأسفلت كله بيبقى حته واحدة
ما بالك لو حد غريب ممكن يمشى يلاقى نفسه فى أيطاليا
و برضه متمشيش خالص أنت تشوف مكان مفيهوش عماير و تركن فيه
يا أما تخليك جوة العربيه يا أما تشوف كافيتريا من الازاز أوعى تنزل و تكون فى عمارة شكلها قوى و تدخل جواها لحد الشتا ما يخلص حتى لو أستمر اليوم كله العمر مش بعزقة أحنا عندنا البيوت سواء كانت على البحر أو شارع أبو قير أو مصطفى كامل أو فى أى حته ممكن تقع فى أى ثانيه
و لو بتسأل على الأسبوع الجاى
الله أعلم
ممكن يكون أحسن
و ممكن يكون أكتر
نهاره ابيض ايه كل ده !!! لا خلاص الفكرة اتأجلت تماما حتى استقرار الطقس. انا شوفت بعض الصفحات بتقول الجو سقعة بس الدنيا حلوة والمشي عالبحر ممكن لكن مكنتش متخيل انها توصل لبخار في الشقة وهدوم ضد المية وكمان انا مش بحب ايطاليا ههههه ولسه الصفحة دي منزلة بوست انها بتشتي تلج
https://www.facebook.com/ana.eskndrniaa/?ref=ts&fref=ts
لا شكرا كدة فل قوووي نلتقي في وقت اخر والف شكر لحضرتك :)
ههههههههههههههههههههههه
انا كنت هناك الاسبوع الماضى الدنيا كانت معقولة وكويسه
بس الجو بدأ يقلب يوم الجمعة العصر فخلعت ورجعت على طول هههههههههههههه
ههههههههههههههههههههههه
انا كنت هناك الاسبوع الماضى الدنيا كانت معقولة وكويسه
بس الجو بدأ يقلب يوم الجمعة العصر فخلعت ورجعت على طول هههههههههههههه
طقس الاسكندرية العشر الايام القادمة من هنا
شكل الجو احلي من ٢ فبراير
يا زين ما إخترت . ده أحسن وقت تنزل فيه إسكندرية لإنها بتبقى فاضية جدا و المرور خفيف لإن كل واحد مشغل الفرن فى بيته و قاعد جواه .
هييجى يقعد فى شقه برضه و مش هيتحرك و هيشغل الفرن
انت عارف ان انهاردة يعتبر تالت او رابع يوم شتا متصل
و بالتحديد انهاردة و امبارح يعتبر مفيش دقيقه بطلت شتا
انا عايز واحد اسكندرانى صوابعة مساعداه على الكتابه يوصفلكم الى بيحصلنا حتى جوة بيوتنا ده انا عندى برد من راس السنه اقسم بالله العظيم مابيخف اخدت لحد دلوقتى حوالى 10 ازايز كحه و بلغم من برونشيكم و التراسولف و ال فنت و ايفيبرونت و برشام اوجمانتين و كيوريسيف و وان تو ثرى و باور و كومتركس و شوية مسكنات زى كتافاست و بروفين ده غير الادوية و البرشام الى نسيت اسمهم او مش متذكرهم لدرجه اننا كنت بتناقش مع الصيدلى فكرنى دكتور لانى حفظت الروشته بالجرعة بالتركيبات بالاعراض الجانبيه و فى الاخر شكلى هضطر اخد ابر لان كتر البلبعة دى هتجيبلى قرحة و هتخرب الدنيا و القولون بدأ يتعب و الكلى و على فكرة مش باخد الحاجات دى بمزاجى او بتفزلك و بعمل نفسى طبيب نفسى ده كلام دكاترة بس انا كنت ممانع اخد ابر
أنا لسة راجع من الأسكندرية امبارح بالليل فى أجازة من الجمعة للأربع
الكلام اللي بيتقال ده مبالغة كبيرة عن الجو ف الأسكندرية
الجو يمكن برد شوية بس المطر مش متصل يعني بيبدأ مثلا من 12 بالليل ف الغالب وبيكون خفيف يعني ممكن تمشي فيه
ممكن تلاقي يوم مثلا المطر قوي فيه وده مش بيتكرر كتير
يعني روح ومتخافش الجو حلو
بس أنا عن نفسي رجعت مش مبسوط تماما
يعني للأسف صورة الأسكندرية اللي كونتها خلال سنين كتير مش بس اتهزت جوايا دي اتدمرت تماما
شوارع ضلمة وطرق متكسرة وزبالة مالية الشوارع وعمارات مخالفة بال 25 دور 10 عمارات جنب بعض و10 قصادهم ف شارع 3م !!
المنظر الجمالي اتعدم تماما ف الأسكندرية معادش في مكان ممكن نقول انه لسة محافظ على شكله
حتى الكورنيش بقت كل العمارات اللي عليه منظرها صعب !
للأسف حتى لو اخترت منطقة حلوة تقعد فيها لازم هتعدي على كل الزبالة والمناظر الضايعة للمباني والشوارع المتكسرة !
يعني لو حابب تقضي أجازة كويسة تنبسط فيها أنصحك نصيحة عمرك .... بلاش اسكندرية ... روح شرم أو السخنة