عايز اجيب فلاشة نت تشتغل مع كل الشركات

**DreAmO** · 26-01-2016 09:45 PM

عايز اشتري فلاشة نت اقدر اركب فيها خط لأي شركة
ويكون فيها ويرليس
او راوتر يكون بيركب فيه خط داتا وبيخرج منه كابل نت عادي
بس عايز حاجة متجربة ونضيفة

جبت فلاشة فودافون وطلعت زبالة

وياريت تقولوا ايه افضل الشركات الحاليه في نت الموبايل بغض النظر عن المنطقه والتغطية
كل الشركات عندي تغطيتها ممتازة 3g

مع العلم ان عندي خطين تليفون ارضي واحد منهم عليه نت TE DATA
لكن قرفت وضغطي علي من كتر الأعطال سواء للتليفون او النت
وانا كدة كدة بستهلك متوسط 20 جيجا في الشهر واحيانا 15 جيجا

وشغلي معتمد عالنت ومش فاضي للاعطال اللي خنقتني

فبدل ما ادفع 140 نت و اشتراك تليفون ادفعهم في الفلاشة واريح دماغي
طالما نفس الاستهلاك ونفس التكلفة بالنسبالي .

**M.Elwan** · 26-01-2016 11:19 PM

ممكن تجيب mifi اعتقد حتلاقيها في راديو شاك او imedia
دي بتحط فيها اي خط داتا وهي بتشغلك وايرلس لحد ١٠ اجهزه
وميزتها انها صغيره وبتشتغل ببطاريه بتتشحن يعني ممكن تخليها في جيبك وانتا في بره البيت كمان
حاحاول ادورلك علي صورها واماكن بيعها بالظبط

**M.Elwan** · 26-01-2016 11:22 PM

بالنسبه لافضل شركة ده بيعتمد علي مكان تواجدك فالافضل تنزل برنامج speed test وتجرب بتليفونات شغال عليها ال٣ شبكات وتشوف اسرع واحده
انا عندي في البيت اتصالات سجلت ٧ ميجا وفودافون ٥ ميجا وموبينيل اكتر من ١٦ ميجا
ممكن عندك الموضوع يختلف

**mk3** · 26-01-2016 11:54 PM

فى فلاشع واى فاى بس مش عمليه عايزه لاب او كمبيوتر على طول
الافضل ماى فاى تحط فيه اى خط يطلع واى فاى وفى منه باور بانك 2*1
هتلاقى فى السوق هواوى-دى لينك-تى بى لينك
هواوى افضلهم ودى لينك مش وحشه

**Farouk84** · 27-01-2016 04:44 PM

المشاركة الأصلية كتبت بواسطة M.Elwan

ممكن تجيب mifi اعتقد حتلاقيها في راديو شاك او imedia
دي بتحط فيها اي خط داتا وهي بتشغلك وايرلس لحد ١٠ اجهزه
وميزتها انها صغيره وبتشتغل ببطاريه بتتشحن يعني ممكن تخليها في جيبك وانتا في بره البيت كمان
حاحاول ادورلك علي صورها واماكن بيعها بالظبط

بكام يا ريس ال mifi ده ومن فين ؟؟؟

**DreAmO** · 27-01-2016 06:40 PM

طيب ال mifi دي اقدر اطلع منها كبل نت عادي
لأن عندي الكمبيوتر مفهوش ويرليس .. ومش عايز اشغله على ويرليس
الويرليس بشغله اوقات بسيطة لما احب ابص على حاجة في التابلت او التليفون
غير كدة بقفله .

وهل ينفع يشتغل من الكهربا مباشرة ولا لازم بالبطارية ؟
وهل في امكانيات سيكيروتي .. عالوايرليس
زي اني احدد الماك ادريس للاجهزة اللي مسموح لها .. واني اخفي الشبكة .. الخ .

**mk3** · 27-01-2016 07:37 PM

المشاركة الأصلية كتبت بواسطة DreAmO

طيب ال mifi دي اقدر اطلع منها كبل نت عادي
لأن عندي الكمبيوتر مفهوش ويرليس .. ومش عايز اشغله على ويرليس
الويرليس بشغله اوقات بسيطة لما احب ابص على حاجة في التابلت او التليفون
غير كدة بقفله .

وهل ينفع يشتغل من الكهربا مباشرة ولا لازم بالبطارية ؟
وهل في امكانيات سيكيروتي .. عالوايرليس
زي اني احدد الماك ادريس للاجهزة اللي مسموح لها .. واني اخفي الشبكة .. الخ .

انسى خالص mifi
كده انت عايز روتر ثرى جى بفلاشه ويخرجلك واى فاى وسلك
بس تاخد معاك الفلاشه عشان تشوف البارت نمبر بتاعها متعرف على الروتر ولا لا

**DreAmO** · 27-01-2016 10:50 PM

عايز يا جماعه جهاز اركب فيه اي خط داتا لأي شركة
يكون فيه مخرج كابل نت .. مش شرط يكون فيه ويرليس
لأن عندي اكسيس بوينت
المهم يكون فيه الاوبشن دة
1- يركب فيه اي خط داتا
2- فيه مخرج كابل زي الراواتر
3- كفائته عاليه مش بيهنج ويخلي النت يفصل والجو دة

ولو فلاشة .. يبقى متوفر فيها وير ليس وبيركب عليها اي خط داتا

الموضوع: عايز اجيب فلاشة نت تشتغل مع كل الشركات

LinkBack

أدوات الموضوع

عرض

عايز اجيب فلاشة نت تشتغل مع كل الشركات - انشر الموضوع فى :

-

-

-

-

-

-

المواضيع المتشابهه

لو عايز تشتغل بجد

عايز فلاشة

عايز اركب وحدة رفع زجاج للفلوينس و تشتغل مع السنتر لوك

عايز شاشة تعمل تليفريون وتشغل فلاشة وكرت

عايز اشغل فلاشة فى الجين2 على الكاسيت حد يعرف

الكلمات الدلالية لهذا الموضوع

المفضلات

المفضلات

ضوابط المشاركة