أريد النصيحة فى ترك شقة ايجار قديم

**fepsceasar** · 28-01-2016 02:45 PM

انتوا كنتوا دافعين فيها خلو أصلا لما خدتوها؟
هقولك رايي وانت لازم تسال فى الموضوع من الناحية الدينية ..لانى ما اعرفهاش
لو دافعين خلو شوفوا يساوى قد ايه دلوقتى .. ويبقى ده المبلغ اللى تاخدوا منه
لو مش دافعين ما تنازعش الرجل فى ملكيته والله أعلم

**Egyzizo** · 30-01-2016 12:37 AM

المشاركة الأصلية كتبت بواسطة أحمد كمال

انت ترضى حد ينازعك في ملكك و يقول لك اديني فلوس عشان اسيبه
و قبل ما تقول لي كل الناس بتعمل كده
كل الناس بتعمل بلاوي
اتق الله و سيب البيت لصاحبه عشان ما تجيش يوم القيامة تندم على الفلوس الحرام

ما هو المشكلة انه حدث بالفعل ودفعت 450 ألف جنيه للساكن عشان يسيب الشقة وأعرف ابيع البيت.

أنا مش طمعان فى فلوس من الشقة دى ولا حاجة وربنا عالم.

بس لما ابقى من سنة ونص متعرض للموقف ده نفسه واضطريت ادفع قرب نص مليون جنيه لكل واحد من اتنين مؤجرين عشان افضى شقتين ساكنين فى بيت ورث عشان نعرف نبيعه يبقى ايه رأى حضرتك؟

متفهم احساسى؟

**Egyzizo** · 30-01-2016 12:44 AM

المشاركة الأصلية كتبت بواسطة الاسد المهاجر

خليها تنفع ولادك

أنا عاوز أخليها بالفعل
وعرضت على أصحاب الملك ياخدو اللى هم عايزينه ويملكوها لى
أو يرفعوا الايجار
بس هم مصرين انهم عايزين الشقة للأسف.
وأنا مش عايز ازعلهم لأن واضح انهم محتاجينها أكتر منى.

**الاسد المهاجر** · 30-01-2016 04:27 PM

المشاركة الأصلية كتبت بواسطة egyzizo

أنا عاوز أخليها بالفعل
وعرضت على أصحاب الملك ياخدو اللى هم عايزينه ويملكوها لى
أو يرفعوا الايجار
بس هم مصرين انهم عايزين الشقة للأسف.
وأنا مش عايز ازعلهم لأن واضح انهم محتاجينها أكتر منى.

اه المشكلة انهم محتاجينها لبقي حاجه ترجعلك اتفاوض معاهم وشوف حل معاهم يرضي الطرفين

**melouk1** · 30-01-2016 10:13 PM

مش معنى إنك دفعت إنك تقبل على نفسك فلوس (( حرااام )) !!!

**ashour100** · 31-01-2016 09:58 AM

من ذاق الظلم قبلاً أرفق به الا يظلم أحد

**Egyzizo** · 01-02-2016 06:53 PM

أشكركم جميعا على ملاحظاتكم التى ساضعها فى الاعتبار
جارى دراسة الموضوع دراسة وافية وربنا يوفقنا لما يحبه ويرضاه.

**michohat** · 02-02-2016 10:04 AM

انت تذوقت الظلم اللي اتظلمته وانت لحد دلوقت فاكر الشخص اللي ظلمك ولو قابلته في الطريق هتبصوا لبعض ازاي ( مش هتعرفوا بعض بعد كده ) والاشخاص اللي ظلموك اسأل الله ان ينير بصيرتهم وان يستشعروا انهم تقبلوا مال فيه شبهه الحرام
اذا كان عقد الايجار القديم فيه اختلاف عليه انه باطل وغير شرعي بالاستناد الي فتوى رسميه مسجله للشيخ نصر فريد واصل وقت ان كان مفتي للديار
اكتب اليك ويعلم الله اني احاول اقناع والدىّ بترك شقه ايجار قديم مغلقه ايضا ( مركونه للظروف) ابتعادا عن الشبهه

**أحمد كمال** · 02-02-2016 12:21 PM

المشاركة الأصلية كتبت بواسطة egyzizo

ما هو المشكلة انه حدث بالفعل ودفعت 450 ألف جنيه للساكن عشان يسيب الشقة وأعرف ابيع البيت.

أنا مش طمعان فى فلوس من الشقة دى ولا حاجة وربنا عالم.

بس لما ابقى من سنة ونص متعرض للموقف ده نفسه واضطريت ادفع قرب نص مليون جنيه لكل واحد من اتنين مؤجرين عشان افضى شقتين ساكنين فى بيت ورث عشان نعرف نبيعه يبقى ايه رأى حضرتك؟

متفهم احساسى؟

يعني لو انا اتسرقت من شخص يجوز لي اسرق شخص تاني؟

-

الموضوع: أريد النصيحة فى ترك شقة ايجار قديم

LinkBack

أدوات الموضوع

عرض

-

-

-

-

-

المواضيع المتشابهه

شقه ايجار قديم بالمعادى

شقه ايجار قديم

ايجار قديم ولا تمليك

أريد ايجار شقه

شقق ايجار قديم

الكلمات الدلالية لهذا الموضوع

المفضلات

المفضلات

ضوابط المشاركة