8 مرفق
تجربتي المريرة مع جيلي امجراند
بعد الحادثة حابب احكي عن البلاوي اللي لقيتها في العربية الجيلي امجراند 2014 بتاعتي وماكنتش ظاهرة وظهرت بوضوح بعد الحادثة...عشان الناس تاخد بالها من العربية وماتشتريهاش حتى لو ببلاش
1- قبل الحادثة بإسبوعين تقريبا لقيت السقف من ورا الدهان فيه قشر وظهر بعدها بوضوح ان السقف مصدي
2- بعد الحادثة اكتشف ان الكبوت مصدي هو كمان من جوه وفيه بارومة...والصاج من كتر ماهو زبالة القايم اتأثر والخبطة مسمعة فيه
المصيبة
اني كنت كاشف من سنة ونص في توكيل هياكل قليوب على الصدأ في الابواب عشان كنت سمعت بيه انه في الابواب قالولي مافيش صدأ...واكتشف دلوقتي انه فيه في السقف والكبوت
3- الدهان من جودته الزبالة بيقشر في ايد الواحد
وأكيد كل العوامل دي ده من ضمن اسباب ان العربية تطلع بالمنظر ده برغم ان الحادثة اللي عملتها بسيطة والعربية الشيفروليه الدبابة اللي خبطت فيها ماحصلهاش حاجة تقريبا..(هيغير فانوس الاشارة من الناحية الشمال بس)
وعموما في بلدنا انا عارف ان الشكوى لغير الله مذلة وان لا جهاز حماية المستهلك ولا حاجة في البلد دي هتجيبلي حقي...ولا ماكنتش العربية اتجمعت على الحال ده من اساسه واتباعت للناس
المصيبة ان العربية دي لما تشوف النسخة الخليجي منها تلاقيها تختلف 180 درجة عن اللي هنا...هنقول ايه بقا لنا الله في زبالة العربيات اللي بتجيلنا هنا مصر وكويس ان الواحد طلع سليم بعد الحادثة بفضل الله أولا ثم بفضل حزام الامان...وحسبي الله ونعم الوكيل في غبور وأي حد بيساعده يغش الناس
شير ياجماعة بقى...عشان اللي مش عارف يعرف