توضيـــــــــــــــــــــ ــــــــــــح

**MMamdouh** · 25-11-2008 01:46 PM

السادة الاعضاء الافاضل

قام احد الاعضاء بالادعاء بانى قمت بارسال بعض من الزملاء الافاضل الى مركز خدمة يمتلكة العضوSAEDDAEWOO لاجراء صيانات و خلافة و تقدم العضو المذكور بشكر لى على "الجميل"

احب ان اوضح انه ليست لى ايه علاقة بالمركز المذكور ولا الشخص المذكور و ليست لى اى علاقة شخصية او مهنية بالشخص المذكور او مركز الخدمة الخاص بة و كل ما سبق لا يتعدى كونة ادعاء لا يمت للواقع بصلة

كما اعلن انى غير مسؤول عن اى تعاملات تتم مع الشحص المذكور او المركز المذكور باى شكل من الاشكال

MMamdouh

**momo10000** · 25-11-2008 02:18 PM

يا باشا يمكن حد راحلو وقلو انة من طرفك عشان الرجل يتوصي بية ... متبقاش صعب قوي كدة يا دوووح

**MMamdouh** · 25-11-2008 02:35 PM

معلش برضة يا ايمن.... افرض حد راح و حصل معاه بنط كدة ولا كدة... سهل اوى تلاقى تانى يوم موضوع باسم "محمد ممدوح نصاب" ولا اى حاجة... يبقى ليه يتحط اسمى حوار انا مليش فيه اساسا؟؟

و من الاول ازاى حد ياخد اسمى يستغلة فى متاجرة و اعلان و بدون موافقة منى... القصة من ولها لاخرها غلط فى غلط و انا مبحبش الغلط... لازم كل حاجة تبقى على نور وواضحة لان هو دة اللى اتعود اعضاء المنتدى يشوفوة منى و انا مش عايز حد ينضحك علية من خلال استغلال اسمى

يا راجل دة فيه ناس بتشترى دايو مخصوص بسببى... اقوم اسكت لما واحد يقول انى ببعتلة ناس و بشكر فيه؟؟

عفوا... انا معملتش كل السمعة دى بالساهل عشان اضيعها ببساطة كدة

MMamdouh

**alaasaid** · 25-11-2008 03:37 PM

السلام عليكم و رحمة الله و بركاتة ,

كلامك تمام يا هندسة , خاصة انك مش بتتأخر فى خدمة اى عضو فى المنتدى

ربنا يكرمك و يكرمنا جميعا

السلام عليكم

**ahmad209** · 25-11-2008 03:40 PM

mmamdoh you are the king ..............shokra 3ala maghodak

**pop3** · 25-11-2008 04:31 PM

السلام عليكم ورحمة الله

ياباشمهندس توضيحك في محله بس انا عايز أطمنك ان عمر ما في حد عاقل يشوف المجهود إلي انت عامله ده سواء من مدخلاتك أو موضوعاتك و يقول عنك كلمه وحشه لا سمح الله. يا باشا انت كفايه زوقك مع الأعضاء

خليك كول يا مان هه

**shanodaa** · 25-11-2008 06:30 PM

الاستاذ محمد ممدوح فوق كل الشبهات
وبيخدم الناس حتي من غير ما يعرفها
شكرا للتوضيح

**waleedrahmy** · 25-11-2008 06:46 PM

ياجماعة حد يقول علي الهرم أنه مش هرم؟؟؟؟؟؟؟؟؟؟؟؟؟؟؟؟؟ وبعدين ده سيادتك رئيس مجلس أدارة الوحوش(الدايوهيه) ........ الانوسية والنوبارية واليجانزية.......... وأخيرا اللانوس الشيفورليهيه.......................... ...