واحد عايز يصالح زوجته

**human** · 26-11-2008 12:48 PM

يا نور هل تعتقدى ان الزوجه التى ترضى بالسعاده بالذهب ستكتفى مستقبلا بالذهب؟
و ماذا سيحدث اذا نفذت الاموال التى تجئ بالذهب؟

تذكروا قول الله تعالى فى سوره الروم
"ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة"

شوفتى موده و رحمه؟ المفتاح فى ديه

و على فكره مافيهاش عشق و هيام :) موده و رحمه كافيه لجعل الشريكين بيوتا لأحدهما الاخر

**mohamed_kta** · 26-11-2008 01:05 PM

السلام عليكم

و الله يا جماعة و عن تجربة عامل زوجتك بمعاملتك يعنى اللى بيتعمله معاها تقبل أنها تعملوا معاك مثل الرد عليها مثل معاملتك لأهلها مثل شكلك فى البيت و انتا معاها كل ده المفروض يكون بالمثل مع أحتفاظك بالقوامة فى كثير من الأمور كرجل .

فى حالة الفتور فى الحياة الزوجية بصراحة أحنا كمصريين معندناش ثقافة السفر و التجديد فى الحياة يا أخى أتمشى بيها على النيل مع "كوزين دره " سافر للأسكندرية يوم اجازتكو اتغدى هناك على البحر لو حتى فول فى الرمل من "محمد أحمد".

فى حالة المشكلة لاقدر الله و الله والله "الدعاء سحره لايقاوم" أن ربنا يهديك ليها و يهديها ليك و ربنا يديم علينا نعمة الزوجه الصالحة .

اللهم بارك لى فى زوجتى و ابنائى و اجعلنى خيراً لهم.

**M_HaFeZ** · 26-11-2008 01:06 PM

ياجماعه من الأخر طالما انت بتشتغل وشغلك بياخد منك وقت
وكبشرى وكائن حى فممكن تكون تعبان وقت الاجازه
ولأنك احتمال تتفرج فى الاجازه على ماتش مثلا وعلى التلفزيون عموما
ولانك متجوز ضره اسمها الجريده اللى ممكن بتمسكها فى ايدك مده 15 دقيقه فى الاسبوع

فأفضل حل هو الاستنساخ .... واحد يروح يشتغل ويشقى ويتعب والتانى يقعد مع مراته ويفسحها ويداديها ويدلعها ... وواحد يمسك الجريده ويتفرج على الماتش ...

بكل بساطه .... انتل عملتها فى Core2DUO انت كمان تقدر تعملها

**msobhy** · 26-11-2008 02:12 PM

المشاركة الأصلية كتبت بواسطة نور القمر

يا رب زوجاتكم يدخلوا المنتدى ويقروا كل كلمة وحشة كتبوها وكل كلمة حلوة كتبتوها
وكل واحد ياخد جزاءه على حسب فعله

نصيحة للاخ اللي عايز يصالح مراته ابعد عن اشرار المنتدى دول ههههههههههههههههههههههه
زي ما قلت لك انت كل اسبوع هاتلها هدية دهب وهي هاتشيلك في عينيها وتقولك اشتغل 48 ساعه في اليوم مش 12 بس

احنا لو اشتغلنا حراميه كدة مش هانلاحق
لا ياسيتى طريقتى احسن واوفر
وبلاش العلاقة اللى مبنية على الماده ديه

**r0xer** · 26-11-2008 04:00 PM

مفيش أمل ياريس..

من الاخر اللي يتجوز يستحمل اللي يجراله طالما مش متجوز عن حب واقتناع نفسي و عقلي .

غير كدا فانت وحظك بقا وبختك معاها.

وللعلم: بنات الجيل الحالي اللي لسة هيتجوزو...ميعرفوش أي حاجة عن مبادئ الزوجية او الامومة او اي بطيخ من دا...يعرفو الخروجات و السهرات و الفساتين وبس.

هو انا خطبت 4 مرات وانا لسة في السن دا من شوية؟؟

ربنا يهديهم ويهدينا.

**msobhy** · 26-11-2008 04:17 PM

المشاركة الأصلية كتبت بواسطة human12

قابل يا ريس الهجووووم

يا راجل هجووم ايه بس ده كلام
الله يرحم العضو المبجل

**نور القمر** · 26-11-2008 06:56 PM

المشاركة الأصلية كتبت بواسطة msobhy

احنا لو اشتغلنا حراميه كدة مش هانلاحق
لا ياسيتى طريقتى احسن واوفر
وبلاش العلاقة اللى مبنية على الماده ديه

المشاركة الأصلية كتبت بواسطة human12

يا نور هل تعتقدى ان الزوجه التى ترضى بالسعاده بالذهب ستكتفى مستقبلا بالذهب؟
و ماذا سيحدث اذا نفذت الاموال التى تجئ بالذهب؟

انا كنت بهزر والله زي ما في ناس كتير هزرت
بس بهزر بوجهه نظر الست
لكن لو جينا للجد بأه اي ست اي بنت كلمة حلوة ترضيها
واهم من الكلام انها تحس باهتمام شريكها بيها
يحسسها انها ليها الاولوية رقم واحد في حياته حتى لوظروف شغله شاغله كل وقته
ممكن يقولها انا بكرة مش رايح الشغل ويولع الشغل على اللي فيه انا نفسي اقضي اليوم كله معاكي
وبعدين حتى لو راح شغله كفاية الكلمتين دول حسسوها باهتمامه
لك في نفس الوقت الانسان مش هايعيش غير مرة واحدة ولو عاش المرة الواحدة دي كلها في شغله وطب اخرتها ايه !!!!
ضيع عمره من غير ما يسعد بحياته
اذن لازم نوازن الامور زي ما هي محتاجة منك بعض الوقت لتشعر بالسعاده في صحبتك انت كمان محتاج

بالنسبة للسؤال للاخ صاحب الموضوع زي ما قلت لك اول مرة فسحها في اي مكان واتعشوا برة مش لازم يعني تروح ريستوران فاخر في المهندسين ولا مصر الجديدة ..روحوا حتى مؤمن ولا جاد (اعلانات مجانية:k20:)
هات لها هدية كل فترة على امكانياتك حتى لو ايشارب او شنطة
لو امكانياتك كويسه هاتلها هدية قيمة في المناسبات زي عيد ميلادها وعيد جوازكم
المناسبتين دول مهمين جدا لوركزت عليهم هايعملوا شغل جامد اوي

**human** · 04-12-2008 06:33 PM

ايه الاخبار
صالحها ولا لسه؟

-

-

الموضوع: واحد عايز يصالح زوجته

LinkBack

أدوات الموضوع

عرض

-

-

المواضيع المتشابهه

حد ناوي يصالح ناس مخاصمينه النهارده ولو بالتليفون

رجل طلق زوجته ؛؛؛؛؛ عايز تعرف السبب ؟؟؟ ادخل وشوف بسرعة

حكايه واحد بيحكى كيف اختار زوجته

الكلمات الدلالية لهذا الموضوع

المفضلات

المفضلات

ضوابط المشاركة