خريج حقوق ينفع يدرس ايه فى اوروبا؟
دلوقتى انا خريج حقوق وبفكر في الهجرة طبعا وواخد الدراسة سكة بقول جايز اروح وربنا يفتحها عليا
بس طبعا بما انى مطلع وعارف ان الحركات دى كلها اتفقست في 100 فيلم اجنبى قبل كده وانها خلاص مبقتش تخيل ده غير مشكلة اللاجئين الخ - فنفسى ادرس حاجة تكون مطلوبة في سوق العمل عشان لو فشلت اعرف اسافر اشتغل في اى دولة بوظيفة محترمة وابقى استثمرت فى نفسى على الأقل
قالولى اقرب حاجة تدرسها ماجيستير فى البزنس بما انه مرتبط بدراستى بس البزنس سككه كتير وبرامجه كتير ومش عارف ايه اللى هيكون مفيد ومطلوب واعرف اشتغل بيه لو درسته بمرتب كويس
ومش عارف ايه المجالات التانية اللى ممكن تندرس غير البزنس و اللغات و التدريس لان هما دول اللى اتقالولى
اى اقتراحات او تجارب؟