سؤال يا شباب المنتدى الكرام :
حد جرب يركب عداد فيه Rpm (فبريكة ) من بتاع الكورسا هاتش باك مكان العداد الأصلي برضه إلي من غير Rpm ؟و هل دة محتاج أي تعديل ولا يركب على طول ، و أخر سؤال لو حد عارف سعره كام ؟
شاكر جداً ليكم كل مساعداتكم مقدماً
عرض للطباعة
سؤال يا شباب المنتدى الكرام :
حد جرب يركب عداد فيه Rpm (فبريكة ) من بتاع الكورسا هاتش باك مكان العداد الأصلي برضه إلي من غير Rpm ؟و هل دة محتاج أي تعديل ولا يركب على طول ، و أخر سؤال لو حد عارف سعره كام ؟
شاكر جداً ليكم كل مساعداتكم مقدماً
والله يا باشا انا العربية عندي نازلة كده.. بس في حاجة..
اللي سمعته انك لازم تجيبلها فردة سلك من مخرج من الكومبيوتر.ز و تشتغل علي طول..
بس بصراحة مش عارف التفاصيل..
و تمنه تقريبا علي ما اذكر كان حوالي 300 جنيه او اقل شوية..
لف شكر على اهتمامك يا باشا ، كدة أنا شايفه مش غالي ، بس المشكلة السلك دة فين و مين و ازاي ؟
يا ريت لو حد يعرف يكمل لنا المعلومة احنا الاتنين
كل حاجة موجوده المشكله فى مين اللى حايعرف يوصلها
هو ارخ ابو زهرة بطل يدخل ولا ممنوع ولا ايه..؟؟
هو اللي كان يقدر يفيدنا ف الموضوع ده..
عشان هو شغال بايده فعلا
لو حضرتك الدنيا عندك زى الدايو هاتكون الدنيا كالتالى
اولا هاتشوف البوبينه عندك مقسومة نصين ولا هيه جزء واحد واعتقد انها عندك جزء واحد
البوبينة بتاخد اشاره من الكنترول بتاع العربية وعليه بتبدء تعالى او توطى الكهرباء اللى داخلة على البوجيهات - كل اللى انت عايزه انك تاخد فرده من السلك ده من غير ما تقطعة وتوصلها للعداد RPM Meter واهم حاجة اننا لازم بنحط دايود مش عارف عندك المفروض رقمه كام لكن احنا بنستخدم فى الدايو1N4004 وبيكون ليه اتجاه علشان تضمن انك تاخد الاشاره من الكنترول فقط بدون ما ترد اى كهرباء ليه
يا ريت لو حضرتك تراجع فى المواضيع المثبته موضوع م/ محمد ممدوح عن تركيب عدادات ال RPM
ممكن تبعت علي الخاص للاخ ابو زهرة..
و تسأله..عشان هو بقاله فترة مختفي..
هو موقوف دلوقتي.. و الله اعلم ايه السبب..
ممكن تبعتله علي الخاص وناخد منه رقم تليفونه..
طبعا التجربة الاساسية قبل اى حاجة لازم تركب العداد بدون تعديل وتتاكد انه شغال ولا لأ
الفرده اللى انت هاتشتغل عليها هاتلاقى كابل داخل للموبينة واحد كهرباء وده تقريبا قيمتة بتساوى شحن الدينامو بتاعك تقريبا 14 وفرده 0 اللى هيه السالب بتاعك وفرده او فردتين بتوع الاشاره
وعلشان تتأكد انك شغال صح
قشر جزء صغير من السلوك وقيسه مع سالب العربية
اول لما تكون القراءه بين 0.5v to 6.0V يبقى هيه ديه السلوك او السلك اللى هاتشتغل عليه
احب ااكد ان كل الكلام ده بنعمله فى الدايو مش الاوبل
ألف شكر يا شباب على المعلومات الجامدة دي ، بس هي المشكلة إن الموتور عندي Ecotec ، و دة ملوش موبينة ، و كل القصة على كنترول الموتور ، يعني لو طلع مش شغال مش هعرف ألعاب في الضفيرة ، اتمنى لو حد جربها على الموتور دة يقول لنا