شركة لينك كنت معاها فترة طويلة وسيبتهم
سيئة جداً في السرعة من بعد العصر حتى الفجر .. ودة مش فترة مؤقتة
دة انا معاهم 7 سنين تقريباً
وسيبتهم وروحت تي ايه داتا من 4 سنين تقريباً
وكانت ممتازة لحد من 4 شهور كدة بدأ الاستهبال والسرعة بتطلع وتنزل ومش ثابتة اغلب اليوم
مالاخر كدة
لينك تبع موبينيل .. وهي عايز نت الموبايل هو اللي يشتغل علشان ربحه عالي
ونت ال dsl يتلغي خالص من البلد .. فمتعمدين يبقوا حاشرين نفسهم فيه ويكرهوا الناس فيه
وبنفس الوقت يبقى ليهم رجل فيه وخلاص لأسباب كتير
وتقريباً هي نفس السياسة لباقي الشركات اللي بتقدم خدمات الموبايل
وبشكل عام .. النت في كل الشركات زباااالة .. حتى لو سرعتك 4 ميجا هتتعكنن وضغطك يعلي
دة لو تليفونك يتحمل ال 4 ميجا كمان .
الإتصالات في مصر كلها فسااد
وزي ماقولتلك شركات الموبايل .. حاشرة نفسها في ال dsl .. علشان تبوظوا
والسبوبة كلها في نت الموبايل بالنسبالهم .
انا بستخم النت من قبل سنة 99 .. استخدمت اغلب شركات النت بطرق مختلفة مش بس DSL
والله ماشوفت اسوأ من دي ايام في النت والتليفونات
المفضلات