باقى الصور
لو فى حد من المشرفين يقدر يظبط الصور مع الشرح يبقى جزاه الله كل خير وحسهل على الى بيقرا كتير
رقم العضوية : 181561
تاريخ التسجيل : 21Nov2015
المشاركات : 39
النوع : ذكر
الاقامة : اسكندرية
السيارة: ?????
السيارة[2]: fiat 127
دراجة بخارية: jet 4
الحالة :
بسم الله الرحمن الرحيم
انا حبيت أصور الى انا عملته فعربيتى لانى كنت محتاج اغير طقم الدبرياج والفولام لعربيتى وكانت اول مره ليا افكه وقعدت كتير ادور على النت ومعرفتش الاقى حاجه تساعدنى بشكل كافى
فقولت اصور وانا بشتغل اولا لنفسى وكمان عشان اى حد عاوز يجرب يستفيد منه
البدايه لازم تجهز كل عدتك قبل متشتغل
يعنى مثلا طقم مفاتيح ناحية من اول 10 لحد 22
كوريك تمساح محترم
مفك عادى
اى حاجه تستحمل ترفع عليها العربيه لفترة طويله ( انا استخدمت 4 جنوط حديد بس ده طبعا غلط وممكن يعوجهم )
ببه 10 و19
أنا حرقم الصور واكتب الشرح ورا بعضه عشان مش عارف انشرهم بالترتيب مع الشرح
صوره 1.2
حترفع العربيه بالكوريك وتحط سناده او جنط تحتها بس اهم حاجه انك تثبتها كويس وترفعها باكبر قدر عشان تعرف تشتغل تحتها بامان
حتحل مسامير الجنط
صورة 3
حتحط جركن مقطوع تحت الفتيس وتفك طبة الزيت بتاعة الفتيس وتفضى فيها الزيت
صورة 4
بعد متصفى الزيت حتفك بـ ببه 10 المسامير التلاته الى رابطه كوتشة الكوبلن على الفتيس
صورة 5
حتفك مسامير العفشة مسمارين الشمعدان ومسمار الركبة ومسمار السكتره
ملحوظة اهم حاجه بعد متغك الحجات دى تخلبالك انك تبقى محمل الجزء ده كله على ايدك وتريحه لتحت براحه عشان خرطوم الباكم بتاع الفرامل ميتقطعش
تانى حاجه اوعى تدق على سن اى مسمار عشان ميبوظشى عشان انا عملت كدا فى مسمار البيضه وبوظته
صورة 6
حتبداء تسحب الكوبلن من الفتيس وتنزل طرفه على الارض وترجع تربط مسمار من مسامير الشمعدان عشان يبقى متعلق عليه
اهم ملحوظه ان كل مسمار تفكه ترجعه مكانه تانى وتربط صمولته بيه لانك لو ربط صموله غلط ممكن تبوظ السن
حتعمل كل الى انت عملته ده فالعجلة التانية بالظبط وبنفس الترتيب
صورة 7
وانت تحت العربيه حتفك المعلقة بتاعة الفتيس وخلبالك انها ممكن تتقطم من مكان اتصلها بعصاية الفتيس
كدا يامعلم انت خلصت كل الشغل ال تحت نطلع فوق بقى
صورة 8
حتفك كل حاجه موجوده من فوق متصلة بالفتيس وتوسع لنفسك يعنى تفكر الردباتير كله وتطلعه برع وخلبالك من كل الاسلاك المتصله بيها وولو فكيتها تحاول تعلمها بحاجه عشان متتلخبطش لما تيجى ترجعها
حتفك كبل السرعه حتلفه بايدك وتسحبه
حتفك سلك الدبرياش
وحتفك حساس لمبة المارشدير
حتفك المارش
صورة 9
فى 9 مسامير رابطين داير الفتيس ومسمار رابط قاعدة الفتيس فجنب العربيه
حتحمل الكوريك من تحت عشان الفتيس ميقعش منك مره واحده
هو عموما مش حيقع لانه بيبقى معشق جامد بس احتياطى بردك
حتفك 3 مسامير 19 من فوق وفى صموله 19 برك من فوق على يمينك حتفكها
حتلاقى من تحت 3 مسامير 13 مربوطين فى الفتيس من تحت مربوطين فحديده مثلثه كدا فى القنطرة
بعد متفكهم حتبداء تسحب الفتيس لبره ويستحسن وقتها تكون رافع المتور سنه صغيره بالكوريك عشان تعرف تطلع الفتيس
صورة 10.11
حتفك الست مسامير بتوع الديسك عشان يطلع معاك هو والاسطوانه
صورة 12.13
حتفك مسامير الفولام التمنيه
كدا يبقى فكيت كل حاجه يامعلم
حتشوف البايظ وتغيره اهم حاجه لو غيرت فولام او اسطوانه اوديسك لو الفولام والديسك استعمال الخارج تدلهم صنفره خفيفه بصنفره خشنه وتنضفهم كويس بكهنه
والاسطوانه حتجبها جديده طبعا فحتدلها صنفره خفيفه
وترجع تربط كل حاجه تانى ذى مفكتها
اهم حاجه تربط كل حاجه كويس جدا ولو تكتب او تصور وانت بتفك عشان متنساش حاجه
وطبعا متنساش تخلع البطرية قبل متشتغل خالص
وترجع زيت الفتيس او تحط زيت جديد حسب حالته
اتمنى ان شرحى يكون واضح واكون وفيت الموضوع حقه
نصيحه متخشش فمشوار ذى ده الا اذا كنت بتحب الميكانيكا وغاوى لانه مجهد جدا لانه خد منى 14 ساعه تقريبا منهم اول 7 سعات فك وتانى سبع ساعات كانوا متواصلين وكنت بركب فيهم
لو كل عدتك موجوده وراجعت الموضوع كويس قبل متشتغل وصحتك حلوه ممكن ميخدش معاك كله اكتر من 6 ساعات
وانا تحت امر اى حد فى اى استفسار او مساعده
م / أحمد عادل
01204930212
رقم العضوية : 181561
تاريخ التسجيل : 21Nov2015
المشاركات : 39
النوع : ذكر
الاقامة : اسكندرية
السيارة: ?????
السيارة[2]: fiat 127
دراجة بخارية: jet 4
الحالة :
باقى الصور
لو فى حد من المشرفين يقدر يظبط الصور مع الشرح يبقى جزاه الله كل خير وحسهل على الى بيقرا كتير
رقم العضوية : 147115
تاريخ التسجيل : 10Aug2013
المشاركات : 4,610
النوع : ذكر
الاقامة : توفي الي رحمة الله ايهاب يوم 7 مارس ارجو الدعاء له
السيارة: mitsubishi Van ,Cherokee
السيارة[2]: suzuki , lancer 89,charade
الحالة :
مجهود حلو
اويل سيل الكرنك اللي ورا الفلام بيجيب زيت
كان يستحسن تغييره بالمره
تحياتي
رقم العضوية : 181561
تاريخ التسجيل : 21Nov2015
المشاركات : 39
النوع : ذكر
الاقامة : اسكندرية
السيارة: ?????
السيارة[2]: fiat 127
دراجة بخارية: jet 4
الحالة :
رقم العضوية : 204638
تاريخ التسجيل : 02Jun2018
المشاركات : 1
النوع : ذكر
الاقامة : اسكندريه
السيارة: Lada2107
السيارة[2]: Fiat127
الحالة :
المفضلات