بلاش افيو ...... بلاش منصور شيفوليه

**M.aboulelah** · 30-01-2016 09:02 PM

بالرغم من سؤء السياره افيو اتو 2014 وانها لا تستحق المبلغ المبالغ في رغم انها معدمه الامكانيات مفيش فرامل اب اس ولا وساده هوائيه ولا سنسور ركنه ولا مانع لسرقه لكن سؤء التوكيل لوحده موضوع تاني روحت امبارح توكيل رابع العدويه بشتكي من الاتي
1- الدركسيون تقيل جدا مقارنه باي عربيه حتي لو صيني
2- استهلاك بنزين مرتفع جدا جدا جدا التفويله 45 لتر بتقعد 370 كيلو من غير المكيف
3- الاضاءه الخاصه بوش الكاسيت مش بتنور رغم ان الكاسيت شغال وشاشه الكاسيت بتنو لكن الازار مش بتنور
كنت حاجز قبلها بيومين وروحت في الميعاد استقبلني مهندس الاستقبال بعد نص ساعه من ميعاد الحجز ووضحت المشكله
بخصوص المشكله التانيه وهي البنزين قالي متتعبش نفسك دي ملهاش حل وهو كده
وبخصوص مشكله الدركسيون قالي احمد ربنا (الحمد الله طبعا علي كل حال) مشوفتش 2015 و2016 عاملين ازاي بس برضو هجبلك مهندس يجرب معاك , جالي مهندس وجرب معايا وقالي طبيعي جدا وهو ده العندنا يا بيه , فضلت المشكله الاخيرهوهي اضاءه التبلوه بتاعت الكاسيت جبولي عيل كده شكله صبي ميكانيكي وقالي بسيطه بسيطه استني دقيقتين وظبتك قلت تمام جالي بعد ديقيه وقالي تمام !!!!!!!!!!!! قلتله متاكد قالي اه طبعا الكابل الارضي كان بيرب وانا ربطوه !!!!!!!!!!!
المهم اخدت العربيه ومشيت ونفس المشكله موجودهروحت النهارده وكانت المفجأه
كلام متضارب وهبل وقله ادب في الاول قالي سيب العربيه النهارده وشويه لا دي مشكله كاسيت وملناش في (انا روحت في الاول لوكيل الكاسيت وقالي دي مشكله الكهرباء في العربيه) وشويه جالي راجل شبه بلطجيه الافلام بتتاعت فريد شوقي وقالي بصوت جهوري يا بيه مناش فيه دي مشكله كاسيت ولو مش عجبك كلامي روح المركز الرئيسي في طريق مصر اسكندريه الصحرواي طبعا اتخنقت ومشيت وقدمت شكوي في المركز بالتلفون وممستني الرد

الخلاصه بلاش افيو عربيه فاشله جدا وتوكيل فاشل بالفلوس دي ممكن تجيب برتون جين 2 او نيسان صني او لوجان عربيات علي الاقل فيها امكانيات ووكيل محترم

**Mohamed Desoky** · 30-01-2016 09:18 PM

السلام عليكم ورحمة الله وبركاته لسة حضرتك شايف فيديو على اليوتيوب اسمه بيتكلم عن الافيو دى صينى موديل 2011 ومنصور بيسوقها انها مو2015 وشيفرولية وبعدين الشيفرولية دى مش امريكى زى الكورفت حلودى كورفت زى الافيو والله كله نصب فى نصب ربنا معاك

**Colin Chapman** · 30-01-2016 10:40 PM

المشاركة الأصلية كتبت بواسطة Mohamed Desoky

السلام عليكم ورحمة الله وبركاته لسة حضرتك شايف فيديو على اليوتيوب اسمه بيتكلم عن الافيو دى صينى موديل 2011 ومنصور بيسوقها انها مو2015 وشيفرولية وبعدين الشيفرولية دى مش امريكى زى الكورفت حلودى كورفت زى الافيو والله كله نصب فى نصب ربنا معاك

Chevrolet Sail

**M.aboulelah** · 30-01-2016 10:53 PM

المشاركة الأصلية كتبت بواسطة mohamed desoky

السلام عليكم ورحمة الله وبركاته لسة حضرتك شايف فيديو على اليوتيوب اسمه بيتكلم عن الافيو دى صينى موديل 2011 ومنصور بيسوقها انها مو2015 وشيفرولية وبعدين الشيفرولية دى مش امريكى زى الكورفت حلودى كورفت زى الافيو والله كله نصب فى نصب ربنا معاك

اي كان هي عربيه فاشله وخساره فيهم الفلوس منهم لله

**mmtronic** · 30-01-2016 10:57 PM

منصور مبيعاته فى الارض و المراكز بتاعته بتقع و قطع غياره بقت صنع فى الصين بعد ما كانت كورى و كل سنه و انتم طيبين و دى كانت اخرة الى المفترى الى الناس كانت و مازالت بتتدعى عليه و انا واحد منهم

**Mohamed Desoky** · 30-01-2016 11:07 PM

المشاركة الأصلية كتبت بواسطة colin chapman

chevrolet sail

شكرا لحضرتك الصورة نفسها بس بدل شعار الشيفرولية مكانة شعارزى راس حصان زى مثلا العربية الايرانى زى البيجو كدة عليها شعارراس حصان انا متاكد لانة فيديو اسمه فضيحة شيفرولية ع اليو تيوب المهم ربنا ينتقم من اللصوص حرامية الشعب

**Colin Chapman** · 30-01-2016 11:27 PM

المشاركة الأصلية كتبت بواسطة Mohamed Desoky

شكرا لحضرتك الصورة نفسها بس بدل شعار الشيفرولية مكانة شعارزى راس حصان زى مثلا العربية الايرانى زى البيجو كدة عليها شعارراس حصان انا متاكد لانة فيديو اسمه فضيحة شيفرولية ع اليو تيوب المهم ربنا ينتقم من اللصوص حرامية الشعب

Baojun in china

WULING BAOJUN 330 SEDAN

**Ahmed Tarek 00** · 31-01-2016 12:21 AM

افيو عربية تعبانة اصلا .

**Mecha** · 31-01-2016 11:40 AM

المشاركة الأصلية كتبت بواسطة Mohamed Desoky

السلام عليكم ورحمة الله وبركاته لسة حضرتك شايف فيديو على اليوتيوب اسمه بيتكلم عن الافيو دى صينى موديل 2011 ومنصور بيسوقها انها مو2015 وشيفرولية وبعدين الشيفرولية دى مش امريكى زى الكورفت حلودى كورفت زى الافيو والله كله نصب فى نصب ربنا معاك

الافيو بدات من مصنع دايو بكوريا بعد مافلست و gm اشترت الدايو.gm ممكن تعملها في الصين او الهند او بلغاريا فين ما يكون .لكن الكورفيت من gm بردك ومن بدايتها
استايل امريكي وعربيه عضلات وشتان الفرق.دي عربية مدن رخيصه والتانيه غول .

**Mohamed Desoky** · 31-01-2016 05:06 PM

المشاركة الأصلية كتبت بواسطة colin chapman

baojun in china

wuling baojun 330 sedan

السلام عليكم ورحمة الله وبركاته تسلم ايدك هيا دى بنت ال والله العظيم انتى معلم جبت التايها وانا اسف لانى مش متمكن فى الكمبيوتر اتعلمته على كبر جيل السبعينات هيا العربية دى اللى شوفتها فى الاعلان تسلم ايدك مرة تانية وربنا يجزيك خير شكرا