نصيحة محدش يشتري من شركة القاهرة للمبيعات

**DreAmO** · 31-01-2016 02:39 PM

من عشر ايام اشتريت دفاية من القاهرة للمبيعات .. وطلبتها اون لاين

وصلتي بعد 3 ايام مش يومين زي مابيقولوا داخل القاهرة

بعد ماوصلت .. لقيت الدفاية حاجة زفت
باين علشها انها اتعملها صيانة قبل كدة ومتجرحه وملحوسة شحم
والمسامير مهوية ومش متقفلة كويس ومعوجة وحاجة زبااالة

اتصلت بيهم اشتكيت .. فضلوا يماطلوا ويستهبلوا في الكلام
ويقولي هاتهالنا مدينة نصر .. مع ان فرع المهندسين اقربلي

وشوية يقولوا هنبعتلك غيرها بكرة .. وبعديها باربع ايام يقولوا ااه هتجيلك غيرها
بس هو اصل دي كانت اخر قطعة

ولما اشميت عالفيس على صفحتهم
اهتموا واتصلوا بيه وقالولي هيجيك المندوب يستلمها وتاخد فلوسك
ومن ساعتها محدش جه

ولما اتصلت استفسر قالوا دة احنا بنتصل بيك كتير مش بترد

اقولهم محدش اتصل بيه وولا تليفوني رن حتى ولا اي بتنجان جالي منكم
الاقيهم يقولوا طيب هيتصل بيك السواق تاني ويجيلك
واقفل معاهم التليفون

الاقيهم كاتبين عالفيس .. حاولنا نتصل بيك كذا مرة ومش بترد وعنوانك مكتوب المنطقة فقط

رديت قولت .. هو انتوا تعرفوا تتصلوا بيه وانتوا بتوصلولي حاجة بايظة
ومش عارفين تتصلوا بية وانتوا بترجعوها
وبعدين العنوان واضح وماتغيرش ومكتوب كامل

ردوا علية قالوا احنا كلمناك امبارح وانت قولت انا اسف فعلا انتوا اتصلتوا وانا مقدرتش ارد
وراحوا بعدها مباشرة حذفين الكومنت بالكامل وعملولي بلوك عالصفحة .

بذمتكم دي تصرفات شركة محترمة .
الكدب عيني عينك كدة .

**Elawany13** · 31-01-2016 03:03 PM

لا حول ولا قوة إلا بالله

**ahmedwagdy03** · 31-01-2016 03:10 PM

عن تجربة وحيدة مع إدفعلى إتعلمت لا أتعامل مطلقا مع أى أون لاين يكون حد مصري طرف فيه .

لسة الشخصية المصرية بنسبة 95 % تتعامل فى التجارة بمبدأ الفهلوة و تقليب الزبون و اللى ييجي منه أحسن منه . بينما يتعامل الأجانب بسياسة كسب الزبون قبل كسب المال .

مرة كنت بأشتري أون لاين من فرنسا و وصلتنى الحاجة غير اللى كنت طلبتها نتيجة خطأ موظف عندهم و لما راسلتهم إعتذروا و بعتوا الطلب الصحيح مرة تانية و دفعت تمن الشحن فقط .

تعرضت لمواقف مماثلة مع مواقع أجنبية خلتنى أرسخ فكرة أن التاجر العربي (المصرى بالأخص ) حرامي ليس أهل للثقة.

معلش أمرك لله محدش بيتعلم ببلاش

**pepo2011** · 31-01-2016 03:40 PM

بالظبط نفس اللي حصل معايا من جوميا اون لاين
فكرة شراء منتج اون لاين من مصر مرفوووووووضة

**acura** · 31-01-2016 06:01 PM

اعتبره درس ودفعت تمنه ونصيحة اخوية بلاش تشتري اي حاجة اونلاين في المخروبة دي انت تنزل زي الباشا لاقرب ستور وتشوف اللي عايزه وتجربه كمان وتتاكد من الضمان وبعدين تشتريه وبلاش مغامرة مع العالم النصابة دي