فكرة رهيبة علشان غطاء العربية ما يتسرقش

**sab3aawy** · 27-11-2008 01:23 PM

فوطة صفراء توضع فوق الغطاء ويتم حشر الغطاء بما فيه الفوطة بين باب السيارة والسقف ويتقفل عليه باب العربية، وانسانى

**Michael_Lanos** · 27-11-2008 01:31 PM

المشاركة الأصلية كتبت بواسطة Jato.33

أنا بحط ظلطة حجمها متوسط في الغطاء من جوة الشنطة وبعدين أقفل عليها الشنطة وبالتالي على الغطاء
قام جه حرامي فكرني قافل الشنطة على الغطا كده تمويه ويمكن فكر إنه ممكن يسحبه جامد يقوم يطلع في إيده
جه يسحبة راح معشق في الشنطة بالظلطة إلي جوه كده ومعرفش يشيله قام سايبهولي في الأرض ومشي
نزل الوالد الله يباركلي فيه يصلي الفجر لقى الغطا في الأرض قام رفعه على العربية وقالي على فكرة الهوا طير الغطا
طبعاً أنا بغطي العربية من زمان ومحصلش إن الهوا شالي الغطا قبل كده
ففهمت إنه حرامي ومعملهاش تاني
في ناس هنا في المنتدى قالوا تحط خشبة فكل باب بس الشنطة أسهل وكمان الخشب هيقطع الغطاء لو إتشد لكن الظلطة لأ

وربنا يكفينا شر الحرامية

مش شرط إن الغطا مقطع إنه ميتشدش ده في ناس غلابة بتتغطى بيفط الإعلانات القماش وبعدين لسة هتدور على حتت قماش كبيرة عشان تبان وتقعد تخيط وتروح بالغطا لمين عشان يخيطهولك وهوا شايل تراب ومش نضيف وتدفع فلوس
الظلط مالي الشارع خليك فيه

فكره شديده

**ELBASHA** · 29-11-2008 09:06 PM

فوطة صفراء توضع فوق الغطاء ويتم حشر الغطاء بما فيه الفوطة بين باب السيارة والسقف ويتقفل عليه باب العربية، وانسانى

الكلام دا مع تكراره حيأثر علي الفرق بين الباب و السقف و حيشوه جلد الباب

**Einstein_EG** · 29-11-2008 09:40 PM

مالها الزلطة 10/10 زى الفل ، عموماً في رباط فى غطى عربيتى بيتربط بيقفل على العربية تمام و بعد كدة بحط الرباط بعد ما عقدته فى الشنطة بردة :) غطا من 10 سنين بقى قماش خيام معتبر و رباط احكام من تحت ، اوبشنز بردة :)