رئيس هيئة الطرق: الطرق المكسرة تجبر السائق على خفض سرعته فتقل الحوادث!!!!!
رئيس هيئة الطرق: الطرق المكسرة تجبر السائق على خفض سرعته فتقل الحوادث |اليوم السابع
التصريح المُستفز ده رجع تاني بعد سنتين, سيادة اللواء بيكدب الكدبة ويصدق نفسه
الباشا قاعد على مكتبه بدل ما ينزل الشوارع ويشوف الإسفلت عامل ازاي في حضارة السبعتمنتلاف سنه جاي يقولك هي كده زي الفل اصل بتقلل الجوادث.
حبيت أشارككم فاصل من الضحك وأحد التعليقات:
اقتباس:
بصراحه اتحفني كلام اللواء... خلاص بلاش ترميم الطرق. و اقولك يا سياده اللواء..بلاها طرق من اساسه وخلينا نرجع للسفر بالجمال و الحمير و الحصان ..اهو اوفر بردو و احسن...اتمني من سياده اللواء عدم الاستخفاف بعقول الناس ..لو في طرق محترمه و مطابقه لمواصفات الطرق العالمية من انارة كامله. و رادار لمراقبه السرعه للمتجاوزين ( وليس لتحصيل أموال بالظهور فجآه عندما يطمئن الناس بأنه ليس موجود اصلا لاختفاءه منذ فتره ) و وجود اسعاف حقيقي و علامات إرشادية كما في اي طريق موجود بدول كانت اقل منا .. اتمني من سياده اللواء انه ييجي علي نفسه بس ويسافر علي الطريق الصحراوي الغربي مصر اسيوط. و سوف يتأكد بنفسه انه طريق وادي الموت او طريق الهلاك .فقد اصبح في منتهي الاهمال و بدون اي إنارة..اللهم في محطات تحصيل الرسوم فقط في دهشور و المنيا و اسيوط..يوجد بها فقط إنارة جيدة جدا لتحصيل الرسوم. بالملايين يوميا دون تقديم اي خدمات للمسافرين.. ارجوك احترم عقول الناس و قول كلام معقول يا بيه...هل فعلا يا ناس الطريق السليم هو من يجنب الناس الحوادث او الطريق المكسر المليئ بالحفر و التعرجات و منزوع من الاسفلت في بعض المناطق. و بدون إنارة؟؟؟ اتمني من كل سائق عاقل. الإجابة !!!!!
