أرجو المساعدة للوصول لصاحب السيارة المعدلة

السلام عليكم و رحمة الله و بركاته

أرجو المساعدة للوصول لصاحب السيارة شيرى a15 المعدلة ب موتور جولف اللى فى الصور من موضوع قديم

عربيتى نفس الموديل و الموتور جاب أخره و عملتله جوان و لمبة الزيت بتنور فى السلانسيه فقط و غيرت ساعة الزيت و الطرمبة و زيت فلتر و المشكلة زى ما هى ... العربية ماشية تمام بس تقف فى أشارة مثلا تلاقى لمبة الزيت بتنور و تطفى لحد ما تدوس بنزين تانى !!! و ساعات لما تقرص عالعربية تقوم فاصلة كل حاجة لوحدها كأنك بطلتها

أنا محتاج أنزل موتور جولف ال 1600 و عايز أوصل للراجل اللى معدل ينصحنى بخبرته و هل ينفع أرخص فى المرور عادى ولا أيه النظام !!!؟؟

متشكر جدا ملف مرفق 12367

ملف مرفق 12368

ملف مرفق 12369

افضل واحد في التعديل في مصر الحاج انور سلامة طبعا وممكن تسال ميكانيكي جولف وتاخد راية زي سيد عبده في جسر السويس

المكنه عندك جابت سبايك

تمام يا رجالة ألف شكر :)

حد يعرف الراجل صاحب العربية الشيرى المتعدلة اللى فى الصور لو سمحتم ؟

اقتباس:

---

المشاركة الأصلية كتبت بواسطة pepo2011

افضل واحد في التعديل في مصر الحاج انور سلامة طبعا وممكن تسال ميكانيكي جولف وتاخد راية زي سيد عبده في جسر السويس

---

جربت انور سلامه قبل كده؟؟؟؟؟
اسعاره عاليه قوي خلاف مشوار لشربين
يعني بيسقط ماكينه المتسوبيشي اوتو في اسبرانزا ١٢٥٠٠
اغلي من صفوت اشهر واحد بيسقط في الحرفيين

السلام عليكم ورحمة الله وبركاته زميلى الصوره دى على موقع روسى اسمه شيرى اموليت والموتور ده بتاع السيات توليدو 2000cc وتقريبا مش موجود فى مصر خليك فى الموجود عند بتوع الاستيراد جولف 2 او 3 1600 CC بلفيتيس والدفيرة وربنا يوفقك

شكرا أستاذ محمد دسوقى ... هل تعرف بيترخص فى المرور ولا لأ ؟

و هل فى حد تعرفه مسقط موتور جولف ؟

و شكرا لردك

السلام عليكم ورحمة الله وبركاته انا شوفت بنفسى شيرى a11 اكتر من واحده هنا فى اكتوبر مركبين مواتير جولف ومسبوت فى الرخصه مونور 1600 cc ورقمه بس انا متاكد وفى a15 صاحبها قلى انه مركب جولف 3 انجكشن بس مشوفتش بعينى موتور a15 اما a11 شوفت واحد مركب جولف اوتوماتك 2000 cc كبيرجدا مالى الحوض وقلى معدل من منول لاوتوماتك والتكلفه 11 الف ج للاوتمتك والموتور العادى 6 الف الكلام ده قبل طريق العالمين ما يقفل وحاولت احصلة لكن طار ماشوفتهوش مع انى كنت ماشى 160 والله ماشوفته طبعا جولف و2000cc لازم يطير ربنا يباركله فيها وهيا اللونج الطويلة دى حلوه واسعه واكيد المواتير دى مسبوته فى الرخصة امال ماشين ازاى فى البلد وانتى اسئل فى المرور اللى تبعه العربية وفى زملاء فى قسم الشيرى مركبين مواتير جولف وهتعرف كل شىء وربنا يوفقك